សុខភាព
ហេតុអ្វីត្រូវយល់ដឹងក្នុងរយៈពេល “មុន និង អំឡុងពេល” មានផ្ទៃពោះ?
ការចង់បានកូន (សម្រេចចិត្តមានគភ៌ ឫពរពោះ) មិនគួរសម្រេចតាមការនឹកឃើញនោះទេ។ លោកអ្នកគួរស្វែងយល់ឱ្យបានច្បាស់លាស់ និងមានគម្រោងឱ្យបានត្រឹមត្រូវជាមុនសិន ដើម្បីធានាបាននូវសុខភាពល្អទាំងម្តាយ និងទារក។
ហេតុដូច្នេះលោកអ្នកត្រូវមកជួបពិគ្រោះ និងទទួលការប្រឹក្សាជាមួយគ្រូពេទ្យជំនាញ ដើម្បីពិនិត្យសុខភាពជាមុនសិនមុននឹងសំរេចមានគភ៌។
នៅពេលអ្នកកំពុងពរពោះ អ្វីដែលចាំបាច់នោះគឺ អ្នកត្រូវមកធ្វើការតាមដានផ្ទៃពោះឱ្យបានទៀងទាត់ តែត្រូវចាំថា អ្នកមិនមែនជាអ្នកជំងឺទេ។
អ្វីដែលអ្នកត្រូវធ្វើក្នុងអំឡុងពេលមានផ្ទៃពោះរួមមាន៖
– ពិនិត្យផ្ទៃពោះ
– ពិនិត្យអេកូសាស្ត្រ
– ពិនិត្យឈាម និងទឹកនោម
– ពិនិត្យរោគស្ត្រី
– ចាក់វ៉ាក់សាំង
– ទទួលថ្នាំជាតិដែក Acide folique & វីតាមីន ឬឱសថផ្សេងៗដទៃទៀតតាមស្ថានភាពជាក់ស្តែងនៃសុខភាពមាតាម្នាក់ៗ
ក) ពិនិត្យផ្ទៃពោះ :
១) ការពិនិត្យផ្ទៃពោះក្នុងអំឡុងត្រីមាសទី១ គឺដើម្បីបញ្ជាក់ថា៖
– តើអ្នកមានកូនមែន ឬអត់?
– កូនចាប់កំណើតថ្ងៃណា? គ្រប់ខែថ្ងៃណា?
– អ្នកមានកត្តាប្រឈម គ្រោះថ្នាក់ឬទេ?
• ក្មេងពេក ឬចាស់ពេក
• ស្គមពេក ឬធាត់ពេក
• កម្ពស់ក្រោម 1,52m
• ជក់បារី ញ៉ាំស្រា
• ពិបាកមានកូន ឬមានកូនចេះតែរលូត
• មានជំងឺ ទឹកនោមផ្អែម លើសឈាម រលាកថ្លើម ពកក បេះដូង ហឺត… ។ល។
២) ការពិនិត្យក្នុងអំឡុងត្រីមាសទី២:
– តើទារកក្នុងផ្ទៃលូតលាស់សមស្របតាមអាយុរបស់គេដែរ ឬទេ?
– តើអ្នកមានជំងឺអ្វីកើតឡើងទេ អំឡុងពេលពរពោះ? (ឧ. លើសឈាម, ទឹកនោមផ្អែម, បេះដូង…)
– តើកូនអាចប្រឈមកើតមុនខែ ឬទេ?
៣) ការពិនិត្យក្នុងត្រីមាសទី៣:
– មើលការលូតលាស់របស់ទារក
– ដើម្បីវាយតម្លៃ និងរៀបចំទុកជាមុន ថាតើកូនរបស់អ្នកអាចកើតបានតាមធម្មជាតិ ឬក៏ត្រូវការអន្តរាគមន៍វះកាត់បែបវេជ្ជសាស្ត្រ។
បញ្ជាក់៖ អ្នកត្រូវធ្វើការពិនិត្យជារៀងរាល់ខែ ទៅតាមការណាត់របស់គ្រូពេទ្យ គឺពីថ្ងៃបាត់រដូវ រហូតដល់ ថ្ងៃឈឺពោះសំរាល។ ក្នុងករណីមានភាពមិនធម្មតា (ឧ. ធ្លាក់ឈាម ឈឺពោះ ឬមានសញ្ញាអ្វីមួយមិនប្រក្រតី…) អ្នកត្រូវមកជួបគ្រូពេទ្យជាបន្ទាន់កុំរង់ចាំថ្ងៃណាត់ជួប៕
អត្ថបទ៖ រស្មី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»