សុខភាព

៥ យ៉ាងងាយៗ សុខភាពល្អមិនបាច់ចំណាយច្រើន

បានផុស

៣ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

មនុស្សយើងភាគច្រើនគិតថា មានសុខភាពល្អ ទាល់តែប្រឹងថែខ្លួនខ្លាំង ចំណាយពេល និងលុយច្រើន។ តែធាតុពិត យើងអាចយកចិត្តទុកដាក់លើសុខភាព ផ្តល់ក្តីស្រលាញ់ឲ្យខ្លួនឯងបានដោយមិនទៅចាំបាច់ចំណាយច្រើន។

ខាងក្រោមនេះជាគន្លឹះតូចៗសាមញ្ញៗ តែអាចថែសុខភាពបានល្អប្រសើរ៖

១- ញ៉ាំទឹកទំពាំងបាយជូរស្រស់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើឈឺក្បាល វិធីធម្មជាតិអាចជួយបាន។ អាការៈឈឺក្បាលភាគច្រើនកើតដោយសារសមាសធាតុក្នុងខួរក្បាល ដូចជា សេរ៉ូតូនីនគ្មានតុល្យភាព។ ដោយសារទំពាំងបាយជូរសម្បូរជាតិវីតាមីន A, C និង B2 ហើយជាពិសេសវីតាមីន B2 មានឈ្មោះម៉្យាងទៀតហៅថា Riboflavin ដែលជួយព្យាបាលអាការៈឈឺក្បាល ឬប្រកាំងបាន។

២- ញ៉ាំត្រីសាល់ម៉ុន

សាច់ត្រីសាល់ម៉ុនសម្បូរវីតាមីន D និងអូមេហ្កា៣ ដែលជាខ្លាញ់ល្អសំខាន់សម្រាប់រក្សាសក់យើងឲ្យមានសំណើម។ អូមេហ្កាក្នុងត្រីសាល់ម៉ុងនេះ ជួយរក្សាស្បែកក្បាល ផ្តល់សំណើម និងសម្អាតរន្ធតូចៗនៃស្បែកក្បាលឲ្យមានសុខភាពល្អ។

៣- ផឹកទឹកក្រូចឆ្មារ

Special offer > uses of lemon juice, Up to 67% OFF

មិនមែនរឿងថ្មីទេ ប៉ុន្តែមានគ្នាយើងខ្លះអត់ទាន់ដឹងថា ទឹកក្រូចឆ្មារមានប្រសិទ្ធភាពល្អសម្រាប់សុខភាព ទោះវាមិនសូវឆ្ងាញ់ដូចទឹកក្រូច ឬភេសជ្ជៈប៉ូវកម្លាំងផ្សេងៗ។ ទឹកក្រូចឆ្មារ និងអំបិលអាចជួយបណ្តេញសារធាតុពុលពីក្នុងខ្លួន ហើយគីឡូក៏ស្រក។ ទឹកក្រូចឆ្មារជួយជំរុញដំណើរបំប្លែងអាហារជាថាមពល ដែលជួយឲ្យរាងកាយអ្នកប្រើប្រាស់ថាមពលបានល្អ និងមិនទាមទារកាឡូរីបន្ថែមទៀត។

៤- ញ៉ាំអាហារពេលព្រឹក

The BEST Chinese Fried Rice (Easy 15-Minute Recipe) | Everyday Easy Eats

ក្រោកពីព្រឹក មានអារម្មណ៍ថាមិនចង់ញ៉ាំអីនោះទេ តែវាជាកំហុសដ៏ធំមួយ ពេលយើងចង់ស្រកទម្ងន់ ឬរក្សាទម្ងន់ឲ្យនៅថេរ។ ផ្អែកតាមការណែនាំរបស់អ្នកជំនាញនៃវិទ្យាស្ថានស្រាវជ្រាវ និងគ្រប់គ្រងហានិភ័យឡើងទម្ងន់សហរដ្ឋអាមេរិកថា ការញ៉ាំអាហារពេលព្រឹកជួយឲ្យយើងឆ្អែតបានយូរ និងបង្ការមិនឲ្យឃ្លានអាហារផ្តេសផ្តាស ឬញ៉ាំច្រើននៅពេលថ្ងៃ។

៥- ញ៉ាំកាហ្វេជួយថង់ប្រមាត់

ទោះបីកាហ្វេ ពេលខ្លះផ្តល់គុណវិបត្តិដល់សុខភាព តែវាក៏មានគុណសម្បត្តិឲ្យយើងវិញដែរ។ គុណសម្បត្តិ គឺកាហ្វេសុទ្ធធម្មជាតិអាចជួយឲ្យថង់ប្រមាត់មានសុខភាពល្អ។ យោងតាមការស្រាវជ្រាវបង្ហាញថា កាហ្វេជំរុញឲ្យថង់ប្រមាត់មានចលនាកន្ត្រាក់ ហើយចលនានេះមានប្រយោជន៍ដែលបង្ការមិនឲ្យមានក្រួស ឬគ្រាប់តូចល្អិតៗផ្សេងៗប្រមូលផ្តុំបង្កជាគ្រាប់ក្រួសធំៗក្នុងថង់ប្រមាត់បាន។ ដូចនេះ ការញ៉ាំកាហ្វេក្នុងបរិមាណសមល្មម អាចជួយបាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ក្រោយញ៉ាំអាហារឆ្អែត បញ្ឈប់ទម្លាប់ ៥ យ៉ាងនេះភ្លាម បើមិនចង់មានបញ្ហាសុខភាព

ចុចអាន៖ ញ៉ាំយ៉ាអ៊ួ ថែមពីលើរបបអាហារប្រចាំថ្ងៃ ជួយបង្ការពីហានិភ័យមហារីក

Related Topics:អាហារសុខភាព