សុខភាព

មានជំងឺកង្វះគ្រាប់ឈាមក្រហម អាចបង្កឲ្យអ្នកជំងឺខ្សោយតម្រងនោមរ៉ាំរ៉ៃ

បានផុស

៣ years មុន

នៅ

ថ្ងៃចន្ទ ១៧ ឧសភា ២០២១

ដោយ

នៅប្រទេសកម្ពុជាប្រេវ៉ាឡង់នៃអ្នកជំងឺខ្សោយតម្រងនោមរ៉ាំរ៉ៃ ប្រហាក់ប្រហែលទៅនឹង១,២% ចំពោះមនុស្សពេញវ័យ។ មូលហេតុចម្បងពីរធំៗដែលបណ្ដាលឲ្យកើតមានជំងឺខ្សោយតម្រងរ៉ាំរ៉ៃ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

– ទី១ គឺជាផលលំបាកនៃជំងឺទឹកនោមផ្អែម

– ទី២ ជាផលលំបាកនៃជំងឺលើសឈាម ដែលកើតឡើងរ៉ាំរ៉ៃ ហើយមិនទទួលបាននូវការព្យាបាលមួយត្រឹមត្រូវ។

ជំងឺខ្សោយតម្រងរ៉ាំរ៉ៃនេះ បានផ្ដល់ផលលំបាកធ្ងន់ធ្ងរជាច្រើនដល់សរីរាង្គមនុស្ស ដែលមូលហេតុចម្បង គឺដោយសារតែការកើនឡើងជាតិពុលច្រើនក្នុងឈាម(uremic toxins ) ក្នុងនោះ កង្វះគ្រាប់ឈាមក្រហមក៏ជាផលលំបាកមួយដែលតែងតែកើតឡើងជាញឹកញាប់ផងដែរ។

ក) មូលហេតុជាច្រើនចូលរួម៖

– កង្វះអរម៉ូន EPO (erythropoietin) ដែលជាធម្មតា ត្រូវបានបញ្ចេញដោយតម្រងនោម

– ការថយចុះអាយុរបស់គ្រាប់ឈាមក្រហម ៧០-៨០ថ្ងៃ (ធម្មតា១២០ថ្ងៃ)

– ការបាត់បង់ជាតិដែក វីតាមីន B9 និងB12

– ការកើនឡើង hepcidine

ខ) រោគសញ្ញា៖

– ស្លេកស្លាំងខុសពីធម្មតា

– ហេវហត់ អស់កម្លាំង ល្ហិតល្ហៃ

– ឧស្សាហ៍វិលមុខ ធេងធោង ឈឺក្បាល

– ហ៊ឹងត្រចៀក

– ស្រវាំងភ្នែក

– ញ័រដើមទ្រូង បេះដូងលោតញាប់ ចុកទ្រូង

– ដង្ហក់ ឆាប់ហត់ ខុសធម្មតា

គ) ជារួម៖

កង្វះគ្រាប់ឈាមក្រហម នេះកើនឡើងស្របទៅនឹងសភាពធ្ងន់ធ្ងរនៃការខ្សោយតម្រងនោម។ កង្វះគ្រាប់ឈាមក្រហម ផ្តល់ផលប៉ះពាល់ជាច្រើនចំពោះអ្នកជំងឺដូចជា ស្លេកស្លាំង ឆាប់ហត់ ប៉ះពាល់ដល់ជីវភាព ប្រចាំថ្ងៃរបស់ពួកគាត់ ហើយជាពិសេសធ្វើឲ្យកើនឡើងខ្ពស់នូវ អត្រាមរណភាព និងពិការភាព។

ដោយសារការធ្វើរករោគវិនិច្ឆ័យ និងការព្យាបាលជំងឺនេះ មានភាពស្មុគស្មាញ ដូចនេះដើម្បីទទួលបាននូវការព្យាបាលមួយដ៏មានប្រសិទ្ធភាព ទំនុកចិត្ត និងច្បាស់លាស់ លោកអ្នកគួរតែមកពិគ្រោះជំងឺជាមួយក្រុមគ្រូពេទ្យជំនាញឯកទេសតម្រងនោមនៅមន្ទីរពេទ្យកាល់ម៉ែត ដើម្បីកំណត់ពីមូលហេតុបង្កជំងឺពិតប្រាកដ។

“មានតែការធ្វើរោគវិនិច្ឆ័យត្រឹមត្រូវ និងកំណត់វិធីសាស្ត្រព្យាបាលច្បាស់លាស់ទៅតាមមគ្គុទ្ទេសក៍ព្យាបាលជាសកលនិងយោបល់ពីអ្នកជំនាញទេ ទើបអ្នកជំងឺទទួលបានមកវិញនូវសភាពធូរស្បើយ និងទទួលបាននៅគុណភាពជីវិតមួយដ៏ល្អប្រសើរ”៕

អត្ថបទ៖ រស្មី

សូមចុចអាន៖ លម្អិតខ្ទេចខ្ទីរឿងពុលថ្នាំអាស្ពីរីន និងវិធីព្យាបាលទាន់ពេល