ព័ត៌មានជាតិ
រាជរដ្ឋាភិបាលកំពុងសិក្សាពីលទ្ធភាពចាក់វ៉ាក់សាំងដូសទី៣ និងកូនក្មេង
មកដល់ពេលនេះ រាជរដ្ឋាភិបាលកំពុងពិនិត្យមើលលើផែនការចាក់សាំង និងយុទ្ធសាស្ត្រចាក់សាំងឡើងវិញពីព្រោះត្រូវគិតដល់ក្មេង ដែលមានអាយុក្រោម១៨ឆ្នាំ ហើយក្នុងនោះ ក៏កំពុងសិក្សាពីលទ្ធភាពមួយទៀត គឺការចាក់វ៉ាក់សាំងដូសទី៣ផងដែរ ប៉ុន្តែនៅចំពោះ ត្រូវតែចាក់ជូនប្រជាពលរដ្ឋចំនួន១០លាននាក់ឲ្យអស់សិន នេះជាការបញ្ជាក់របស់មន្រ្តីជាន់ខ្ពស់ក្រសួងសេដ្ឋកិច្ច។
លោក វង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ បានថ្លែងប្រាប់អ្នកសារព័ត៌មាននៅឯព្រលានយន្តហោះអន្តរជាតិភ្នំពេញ ខណៈអញ្ជើញទទួលវ៉ាក់សាំង នាព្រឹកថ្ងៃទី២៦ ខែមិថុនា ឆ្នាំ២០២១នេះថា បច្ចុប្បន្ននេះ ការប្រយុទ្ធប្រឆាំងជំងឺកូវីដ១៩ មាន៤ការដ្ឋានធំៗគឺ ទី១, ការទិញវ៉ាក់សាំង នឹងការចាក់វ៉ាក់សាំង ដែលត្រូវធ្វើអោយបានលឿន និងបានឆាប់បំផុត។ ទី២, ការបង្ការ ដែលមានវិធានការ៣កុំ និង៣ការពារ និងជៀសវាងការជួបជុំគ្នា ទោះជាជួបជុំក្នុងកម្មវិធីបុណ្យ កម្មវិធីផឹកស៊ី ឬកម្មវិធីអ្វីក៏ដោយ ការជួបជុំនេះ គឺប្រភពចំលងមួយដ៏សំខាន់។ទី៣ ការទប់ស្កាត់ ទោះបីមានឈឺហើយក៏ដោយ គឺយើងត្រូវតែទប់ស្កាត់។
ទី៤, ការព្យាបាល ដែលជាចំណុចមួយដ៏សំខាន់ ពីព្រោះយើងមិនដឹងថា នៅពេលខាងមុខសភាពការណ៍ទៅជាយ៉ាង ណានោះទេ បើល្អមិនជាអ្វីទេ ប៉ុន្តែប្រសិនបើសភាពការណ៍អាក្រក់វិញនោះ គឺយើងត្រូវមានសមត្ថភាពឆ្លើយតបឲ្យបានទាន់ពេលវេលា។
លោកថា ការដ្ឋាន៤នេះ សម្ដេចតេជោបានយកចិត្តទុកដាក់ណាស់ ហើយយើងត្រូវធ្វើទន្ទឹមគ្នាទើបយើងទទួលបានជោគជ័យ។ លោក វង្សី វិស្សុត បានបញ្ជាក់ដែរថា ប្រសិនបើវាក់សាំងបានមកដល់តាមផែនការដែលបានគ្រោងទុក ការចាក់វ៉ាក់សាំង នឹងចប់នៅអំឡុងខែ១០ ខែ១១ ប៉ុន្តែយើងនៅមានតម្រូវការផ្សេងទៀត ដែលនឹងមានកិច្ចប្រជុំមួយនាពេលខាងមុខនេះ ដើម្បីពិនិត្យមើលលើផែនការចាក់សាំង និងយុទ្ធសាស្ត្រចាក់សាំងឡើងវិញ ពីព្រោះយើងត្រូវគិតដល់ក្មេងថា តើគួរចាក់ដែរ ឬអត់ កុមារអាយុក្រោម១៨ឆ្នាំ ហើយលទ្ធភាពមួយទៀត ដែលកំពុងសិក្សាដែរ គឺការចាក់វ៉ាក់សាំងដូសទី៣ ដែលបញ្ហានេះ រាជរដ្ឋាភិបាលបានគិតមួយជំហានឲ្យហើយ គឺបញ្ហាកូនក្មេង និងវ៉ាក់សាំងដូសទី៣ ប៉ុន្តែនៅចំពោះមុខនេះ គឺត្រូវតែចាក់ចំនួន១០លាននាក់នេះឱ្យអស់សិន។
បើតាមលោក វង្សី វិស្សុត ពេលនេះយើងមានសមត្ថភាពចាក់ខ្ពស់ហើយ មានវ៉ាក់សាំងមកដល់ច្រើនហើយ គឺត្រូវតែខំចាក់ឲ្យបានលឿន ឲ្យបានឆាប់ ដើម្បីទប់ស្កាត់ការឆ្លងរីករាលដាល នៃជំងឺកូវីដ១៩ ពីព្រោះវ៉ាក់សាំងនេះ គឺជាកត្តាមួយសំខាន់ណាស់សម្រាប់ទប់ស្កាត់ជំងឺកូវីដ១៩ ហើយប្រទេសណាក៏ខិតខំដែរ ប្រទេសណាដែលចាក់បានច្រើន ការឆ្លងការស្លាប់បានថយចុះយ៉ាងលឿន៕
អត្ដបទ៖កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ