សុខភាព
កុមារកម្ពុជាជិតបានចាក់វ៉ាក់សាំងកូវីដហើយ នេះជាអ្វីដែលឪពុកម្ដាយគ្រប់រូបគួរស្វែងយល់
សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បង្ហើបថា គម្រោងនៃការចាក់វ៉ាក់សាំងបង្ការជំងឺកូវីដ-១៩សម្រាប់កុមារនិងយុវវ័យអាយុពី១២ ដល់១៧ឆ្នាំ នឹងបើកយុទ្ធនាការក្នុងពេលឆាប់ៗខាងមុខនេះ។ នេះបើតាមការថ្លែងសារពិសេសមួយជូនជនរួមជាតិ នាព្រឹកថ្ងៃទី ១៦ ខែកក្កដា ឆ្នាំ២០២១។
ខណៈកម្ពុជាត្រៀមចាក់វ៉ាក់សាំងសម្រាប់កុមារក្នុងពេលដ៏ខ្លីខាងមុខ នេះជាអ្វីដែលឪពុកម្ដាយគ្រប់រូបគួរស្វែងយល់៖
១. តើវ៉ាក់សាំងការពារកូវីដ-១៩មានសុវត្ថិភាពប៉ុនណាំចំពោះកូនខ្ញុំ?
ការសាកល្បងវ៉ាក់សាំង Covid-19 ចំពោះកុមារដែលមានអាយុពី ១២-១៥ ឆ្នាំនៅចក្រភពអង់គ្លេសនិងសហរដ្ឋអាមេរិកបានបញ្ជាក់ថា វ៉ាក់សាំងទាំងនោះមានសុវត្ថិភាពណាស់។
ចំណែកផលប៉ះពាល់លើកុមារមានភាពស្រដៀងគ្នាទៅនឹងអ្វីដែលយើងបានឃើញកើតឡើងចំពោះមនុស្សពេញវ័យដែរ ដែលភាគច្រើនពួកគេនឹងមានអាការដូចជា ឈឺដៃ ឬអស់កម្លាំងជាដើម។
២. តើកូនៗរបស់ខ្ញុំត្រូវការចាក់វ៉ាក់សាំងពីរដូសដូចមនុស្សធំដែរឬយ៉ាងណា?
កុមារនឹងត្រូវចាក់វ៉ាក់សាំងចំនួនពីរដូសមិនខុសពីមនុស្សពេញវ័យទេ ពីព្រោះទាល់តែពីរដូសទើបផ្តល់នូវការការពារបានប្រសើរពីការធ្លាក់ខ្លួនឈឺធ្ងន់ធ្ងរជាងចាក់តែមួយដូស។
៣. តើក្មេងៗនឹងរងផលប៉ះពាល់អ្វីខ្លះ ក្រោយចាក់សាំងការពារកូវីដ-១៩?
ផលរំខានទូទៅចំពោះកុមារដែលមានអាយុពី ១២ ទៅ ១៥ ឆ្នាំរួមមាន ឈឺចាប់ត្រង់កន្លែងចាក់ថ្នាំ អស់កម្លាំង ឈឺក្បាល ឈឺសាច់ដុំ គ្រុនតិចតួច ឈឺសន្លាក់ និងក្ដៅខ្លួន។ល។
៤. តើខ្ញុំគួរធ្វើអ្វី ប្រសិនបើកូនៗរងផលប៉ះពាល់ណាមួយ?
ប្រសិនក្មេងមានប្រតិកម្មឈឺសាច់ដុំ ឬឈឺក្បាល បន្ទាប់ពីទទួលវ៉ាក់សាំង ថ្នាំប៉ារ៉ាសេតាមុលអាចយកមកប្រើបាន ដើម្បីជួយឱ្យអាការធូរស្រាល។ យ៉ាងណាមិញផលប៉ះពាល់ទាំងនេះនឹងត្រឡប់រកភាពប្រក្រតីវិញក្នុងរយៈពេលពីរបីថ្ងៃក្រោយ។
៥. តាមដែលធ្លាប់ដឹងវីរុសកូវីដ-១៩មិនជះឥទ្ធិពលធ្ងន់ធ្ងរដល់កុមារដូចមនុស្សពេញវ័យទេ ហេតុអ្វីពួកគេចាំបាច់ត្រូវចាក់វ៉ាក់សាំង?
ទោះបីជាការសម្រាកព្យាបាលនៅមន្ទីរពេទ្យនិងការស្លាប់កម្រកើតមានចំពោះកុមារ បន្ទាប់ពីពួកគេឆ្លងវីរុស Covid-19 ក៏ដោយ ក៏ហានិភ័យខ្លះអាចកើតមានលើក្មេង។ ដោយសារបែបនេះហើយ ការចាក់វ៉ាក់សាំងអាចការពារកុមារពីហានិភ័យទាំងនោះ។
មួយវិញទៀត ការបើកសាលាឡើងវិញកំពុងត្រូវជាប់គាំង ដោយសារភ័យខ្លាចការចម្លងវីរុសកូវីដ-១៩ក្នុងចំណោមក្មេងៗ។ ដូច្នេះ ក្រោយកុមារនិងយុវវ័យបានចាក់វ៉ាក់សាំង យ៉ាងហោចណាស់ ក៏អាចបើកដំណើរការសាលារៀន ចាប់ពីថ្នាក់អនុវិទ្យាល័យឡើងទៅដែរ។ នេះបើតាមការថ្លែងរបស់ សម្ដេចតេជោ ហ៊ុន សែន។
៦. តើកុមារនឹងមានអង់ទីគ័រការពារបានយូរប៉ុនណា?
ដោយសារតែវីរុសដែលបណ្តាលឱ្យមានជំងឺ Covid-19 ចេះតែបន្តផ្លាស់ប្តូរថ្មីជានិច្ច(វីរុសបំប្លែងខ្លួន) ដូច្នេះវ៉ាក់សាំងអាចការពារមនុស្សពេញវ័យនិងកុមារបានតែក្នុងពេលបច្ចុប្បន្នប៉ុណ្ណោះ។
សម្រាប់រយៈពេលប៉ុនណាដែលអង់ទីគ័រអាចប្រឆាំងនឹងវីរុសកូវីដ-១៩ មិនទាន់មានចម្លើយសមស្របទេ។ ប៉ុន្តែជាទូទៅវ៉ាក់សាំងបង្ការកូវីដ-១៩អាចការពារបានពី៦ខែទៅ១ឆ្នាំ។
៧. ប្រសិនបើក្មេងមិនបានចាក់វ៉ាក់សាំង តើពួកគេអាចប៉ះពាល់ដោយសារវីរុសបំប្លែងខ្លួនដែរទេ?
វ៉ាក់សាំងទាំងអស់ដែលកំពុងតេស្តនិងសិក្សា សុទ្ធតែអាចការពារប្រឆាំងនឹងជំងឺកូវីដ-១៩ធ្ងន់ធ្ងរ និងសូម្បីវីរុសបំប្លែងខ្លួនថ្មីៗក៏អាចការពារបានដែរ។
ផ្ទុយទៅវិញ កុមារដែលមិនបានទទួលថ្នាំបង្ការកូវីដ-១៩នឹងមានហានិភ័យខ្ពស់នៃរោគសញ្ញាធ្ងន់ធ្ងរ ដោយសារវីរុសបំប្លែងខ្លួននាពេលអនាគត៕
ប្រែសម្រួល៖ សន្យា
ប្រភព៖ Mirror
ចុចអាន៖ សម្ដេចតេជោ ហ៊ុន សែន អំពាវ នាវដល់មាតាបិតា ត្រៀមនាំកូន ចៅរបស់ខ្លួន ទៅចាក់វ៉ាក់សាំង នាពេលខាងមុខ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»