សុខភាព
លម្អិត! វ៉ាក់សាំងដែលកម្ពុជាយកមកចាក់ដូសទី៣ មានប្រសិទ្ធភាពអស្ចារ្យប្រឆាំងកូវីដ និង Delta
វ៉ាក់សាំង អាស្ត្រាហ្សេនីកា (AstraZeneca/ Oxford) ដែលកម្ពុជាទើបទទួលបានថ្មីៗនេះ ជាវ៉ាក់សាំងបង្ការកូវីដ-១៩ របស់សាកលវិទ្យាល័យ Oxford នៃចក្រភពអង់គ្លេស។ វ៉ាក់សាំងនេះបានទទួលការអនុម័តឱ្យប្រើប្រាស់ជាផ្លូវការដោយ អង្គការសុខភាពពិភពលោក (WHO) កាលពីថ្ងៃទី ១៥ ខែកុម្ភៈ ឆ្នាំ២០២១។ វាត្រូវបានទទួលស្គាល់គុណភាព និងប្រសិទ្ធភាពស្របតាមស្ដង់ដារបច្ចេកទេសអន្តរជាតិ។
ដោយឡែក នៅដើមខែ សីហា ឆ្នាំ២០២១ នេះ សម្ដេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា បានបញ្ជាក់ថា វ៉ាក់សាំងបង្ការជំងឺកូវីដ-១៩ ប្រភេទ អាស្ត្រាហ្សេនីកា ដែលជាជំនួយរបស់ចក្រភពអង់គ្លេស នឹងត្រូវយកទៅចាក់សម្រាប់ដូសទី៣ ឬដូសជំរុញបន្ថែម។
ឥឡូវនេះ មកដឹងលម្អិតអំពីវ៉ាក់សាំង អាស្ត្រាហ្សេនីកា ទាំងអស់គ្នា!
តើវ៉ាក់សាំង អាស្ត្រាហ្សេនីកា មានប្រសិទ្ធភាពកម្រិតណា?
ទីភ្នាក់ងារសុខភាពសាធារណៈអង់គ្លេស (PHE) បាននិយាយថា ការចាក់ ១ដូសនៃវ៉ាក់សាំង អាស្ត្រាហ្សេនីកា គឺមានប្រសិទ្ធភាពប្រហែល ៣៣ភាគរយ ហើយ២ដូសនៃវ៉ាក់សាំងនេះមានប្រសិទ្ធភាពចន្លោះពី ៨៥ ទៅ ៩០ ភាគរយ ប្រឆាំងនឹងជំងឺកូវីដ-១៩ ។ មិនតែប៉ុណ្ណោះ ទិន្នន័យបញ្ជាក់បន្ថែមថា ក្រោយចាក់វ៉ាក់សាំងនេះ២ដូសពេញលេញអាចផ្តល់នូវការការពារល្អ ដោយពុំចាំបាច់ចូលព្យាបាលនៅមន្ទីរពេទ្យឡើយ។
តើវ៉ាក់សាំង អាស្ត្រាហ្សេនីកា មានសមត្ថភាពប្រឆាំងនឹងវីរុសបំប្លែងខ្លួន Delta ដែរទេ?
យោងតាមការស្រាវជ្រាវដោយ PHE បានរកឃើញថា វ៉ាក់សាំង អាស្ត្រាហ្សេនីកា ចំនួន ២ ដូស មានប្រសិទ្ធភាពខ្ពស់ប្រឆាំងនឹងវីរុសបំប្លែងខ្លួន Delta ចំនួន ៦៧ ភាគរយ និង ៧៤,៥ ភាគរយប្រឆាំងវីរុសបំប្លែងខ្លួន Alpha ព្រមទាំងបង្ការហានិភ័យគ្រោះថ្នាក់ដល់អាយុជីវិតពីវីរុសបំប្លែងខ្លួនទាំងពីរនេះទៀតផង។
តើនរណាខ្លះអាចនិងមិនអាចចាក់វ៉ាក់សាំង អាស្ត្រាហ្សេនីកា?
មនុស្សពេញវ័យចាប់ពី ១៨ ឆ្នាំឡើងទៅ អាចចាក់វ៉ាក់សាំង អាស្ត្រាហ្សេនីកា របស់អង់គ្លេស សូម្បីតែអ្នកមានជំងឺប្រចាំកាយដូចជា ជំងឺធាត់ ជំងឺសរសៃឈាមបេះដូង ជំងឺផ្លូវដង្ហើម និងជំងឺទឹកនោមផ្អែមក៏ដោយ។ ក្នុងនោះស្ត្រីមានផ្ទៃពោះ និងស្ត្រីបំបៅដោះកូន ក៏អនុញ្ញាតឱ្យចាក់វ៉ាក់សាំងនេះបានដែរ លើកលែងតែមនុស្សវ័យក្មេងក្រោម ១៨ ឆ្នាំ និងអ្នកមានជំងឺរ៉ាំរ៉ៃមួយចំនួនប៉ុណ្ណោះ។ នេះបើតាមការចុះផ្សាយដោយ អង្គការសុខភាពពិភពលោក ។
តើវ៉ាក់សាំង អាស្ត្រាហ្សេនីកា បង្កផលរំខានដូចម្ដេច ក្រោយពេលចាក់?
ក្រោយចាក់វ៉ាក់សាំង អាស្ត្រាហ្សេនីកា ផលប៉ះពាល់បន្ទាប់បន្សំរួមមាន ឈឺដៃ ក្តៅខ្លួន គ្រុនញាក់តិចតួច និងឈឺក្បាល អាចកើតមានចំពោះបុគ្គលមួយចំនួន។ ក្រៅពីនោះ អ្នកជំនាញបានប្រាប់ថា ផលរំខានទាំងនេះកើតមានតិចតួចបំផុតចំពោះមនុស្សវ័យចំណាស់ និងអាចកើតមានចំពោះស្ត្រីនិងនារីវ័យក្មេងច្រើនជាងបុរស។
ហេតុអ្វីត្រូវចាក់វ៉ាក់សាំង អាស្ត្រាហ្សេនីកា ដូសទី៣?
ការសិក្សារបស់សកលវិទ្យាល័យ Oxford បានរកឃើញថា ការចាក់វ៉ាក់សាំងប្រភេទនេះដូសទី៣ ក្នុងរយៈពេលជាង៦ខែ ក្រោយដូសទី២ អាចជួយជំរុញប្រព័ន្ធភាពស៊ាំឱ្យផលិតអង់ទីគ័រកាន់តែរឹងមាំដើម្បីកម្ចាត់មេរោគកូវីដ-១៩ រាប់បញ្ចូលទាំងវីរុសបំប្លែងខ្លួនថ្មីៗផងដែរ៕
ប្រែសម្រួល៖ សន្យា
ចុចអាន៖ សម្ដេចតេជោ ហ៊ុន សែន ៖ វ៉ាក់សាំង AstraZeneca ជាជំនួយរបស់អង់គ្លេស នឹងត្រូវយកទៅចាក់សម្រាប់ដូសទី៣
ចុចអាន៖ តើការចាក់វ៉ាក់សាំងដូសទី៣ នឹងត្រូវឃ្លាតយូរប៉ុណ្ណា ក្រោយចាក់ដូសទី២រួចរាល់?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ