សុខភាព
អ្នកណាខ្លះត្រូវចាក់វ៉ាក់សាំងដូសជំរុញរបស់ចិន និងអង់គ្លេស? ទាំងនេះជាអ្វីដែលគួរដឹង
ដោយសារស្ថានភាពនៃវីរុសកូវីដ-១៩ បន្តវិវត្តខ្លួនមិនស្រាកស្រាន្ត ប្រមុខរាជរដ្ឋាភិបាល ក៏ដូចជាក្រសួងសុខាភិបាលនៃព្រះរាជាណាចក្រកម្ពុជា បានជំរុញឱ្យពលរដ្ឋដែលប្រឈមហានិភ័យខ្លាំងឬមន្ត្រីជួរមុខ ទទួលចាក់វ៉ាក់សាំងបន្ថែម១ដូសទៀត ដើម្បីបង្កើនប្រសិទ្ធភាពការពារកាន់តែប្រសើរទៅនឹងការឆ្លងរីករាលដាលនៃវីរុសកូវីដ-១៩គ្រប់ប្រភេទ។
ការចាក់វ៉ាក់សាំងដូសទី៣ ជាតម្រូវការចាំបាច់ដើម្បីធានាភាពស៊ាំឱ្យបន្តកើតមានបានយូរ។ លើសពីនេះដោយសារភាពស៊ាំពីការចាក់វ៉ាក់សាំងកូវីដ-១៩ ចំនួន២ដូសទំនងមានរយៈពេលតែ ៣ ទៅ ៦ ខែប៉ុណ្ណោះ ទើបការចាក់បន្ថែម១ដូសទៀតត្រូវបានទាមទារ។
ដោយឡែក ក្រៅពីមន្ត្រីជួរមុខ និងបុគ្គលងាយរងគ្រោះ ប្រជាពលរដ្ឋទូទៅប្រមាណ ១២លាននាក់ក៏នឹងទទួលបានការចាក់វ៉ាក់សាំងដូសជំរុញផងដែរ។ ក្នុងនោះក្រសួងសុខាភិបាលបានប្រកាសរួចហើយអំពីប្រភេទវ៉ាក់សាំងដែលនឹងយកមកប្រើជាដូសទី៣ ឬដូសជំរុញដែលរួមមាន វ៉ាក់សាំង AstraZeneca របស់អង់គ្លេស វ៉ាក់សាំងចិន Sinovac និង Sinopharm។ មួយវិញទៀត ពលរដ្ឋក៏អាចចាក់វ៉ាក់សាំងប្រភេទផ្សេងបាន ប្រសិនវាចរាចរនៅក្នុងស្រុក។
ចុចអានលម្អិតនៅទីនេះ៖ វ៉ាក់សាំងដូសជំរុញ អាចចាក់លាយគ្នាឬប្រភេទដដែលបានមែន ប៉ុន្តែត្រូវមានលក្ខខណ្ឌ
ខាងក្រោមនេះជាប្រសិទ្ធភាពនៃវ៉ាក់សាំង ២ប្រភេទ ក្រោយចាក់ដូសទី៣ ដែលអ្នកគួរដឹង!
វ៉ាក់សាំង Sinovac
ការស្រាវជ្រាវថ្មីមួយដែលចុះផ្សាយដោយ Global Times ការចាក់វ៉ាក់សាំង Sinovac ដូសទី ៣ បន្ទាប់ពីចាក់ដូសទី២បាន ៦ខែឬច្រើនជាងនេះ អាចនាំឲ្យមានការកើនឡើងនូវកម្រិតអង់ទីគ័រ និងនាំឲ្យមានការឆ្លើយតបយ៉ាងខ្លាំងនៃប្រព័ន្ធភាពស៊ាំចំពោះការវាយលុកពីវីរុស។ ជាពិសេសវាជួយសុខភាពបុគ្គលងាយរងគ្រោះបានខ្ពស់ និងទប់ស្កាត់ការរីករាលដាលនៃវីរុសបំប្លែងខ្លួនគ្រប់ប្រភេទ។
ស្របជាមួយគ្នាដែរ វ៉ាក់សាំងនេះមិនមានប្រតិកម្មធ្ងន់ធ្ងរណាមួយពាក់ព័ន្ធនឹងការចាក់ដូសទី៣ ត្រូវបានគេសង្កេតឃើញនៅក្នុងអំឡុងការសិក្សានោះទេ។
វ៉ាក់សាំង AstraZeneca
ចំពោះវ៉ាក់សាំង AstraZeneca វិញត្រូវបានអ្នកជំនាញអះអាងថា មានប្រសិទ្ធភាពខ្ពស់នៅពេលចាក់បន្ថែមដូសទី៣។
ការសិក្សារបស់សកលវិទ្យាល័យ Oxford បានរកឃើញថា ការចាក់វ៉ាក់សាំងប្រភេទនេះដូសទី៣ក្នុងរយៈពេល៦ខែ បន្ទាប់ពីចាក់ដូសទី២រួច អាចផលិតអង់ទីគ័រគួរឲ្យកត់សម្គាល់។ វាជួយឱ្យប្រព័ន្ធការពារខ្លួនបង្កើតអង់ទីគ័រខ្ពស់ និងកោសិកាប្រឆាំងនឹងមេរោគផ្សេងៗទៀតដែលជួយការពារខ្លួនប្រាណក្នុងគ្រាដែលអ្នកឆ្លងមេរោគ។ បន្ថែមពីលើនេះ វ៉ាក់សាំង AstraZeneca នឹងជំរុញឲ្យសរីរាង្គកាន់តែរឹងមាំជាងមុន អាចវាយបកប្រឆាំងនឹងមេរោគកូវីដ-១៩ បានខ្លាំងជាងមុន ព្រមទាំងមានសមត្ថភាពខ្ពស់ប្រឆាំងវីរុសបំប្លែងខ្លួន Delta ផងដែរ។
រីឯផលរំខាន អាចកើតមានខុសពីវ៉ាក់សាំងចិន ឬអាចមានផលរំខានច្រើនជាង ប៉ុន្តែពុំផ្ដល់ផលអវិជ្ជមានចំពោះសុខភាពឡើយ៕
អត្ថបទ៖ សន្យា
ចុចអាន៖ មកដឹងពីពាក្យចចាមអារ៉ាមជុំវិញវ៉ាក់សាំងកូវីដ ខុសពីការពិតទាំងស្រុង
ចុចអាន៖ ប្រកាន់គោលការណ៍ ៣ ធំៗនេះ ធានាថាដូសទីប៉ុន្មានក៏ដោយ សុទ្ធតែមានប្រសិទ្ធភាពខ្លាំងក្លា
ធ្វើយ៉ាងម៉េចទើបដឹងថា អ្នកមានជំងឺចរិតបុគ្គលិកលក្ខណៈច្រើន
កម្ពុជានឹងមានភ្លៀងធ្លាក់ក្នុងសប្តាហ៍នេះ ក្នុងកម្រិតមធ្យម
តើលោក អាន សុខខឿន ដែលជាអ្នកនាំពាក្យថ្មីនៃក្រសួងការបរទេស ជានរណា?
ក្រសួងអប់រំ ប្រជុំស្ដីពី វឌ្ឍនភាពនៃការរៀបចំរបាយការណ៍អនុវិស័យអប់រំក្រៅប្រព័ន្ធ
ឃាត់ខ្លួនជនដៃដល់ម្នាក់ និងបក្ខពួក ២នាក់ ករណីចាក់សម្លាប់យុវជនម្នាក់ក្នុងកម្មវិធីរាំលេងកម្សន្ដ នៅស្រុកបូទុមសាគរ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានជាតិ៤ ថ្ងៃ មុនអាកាសធាតុវិវត្តថ្មីចុះត្រជាក់ទាបបំផុតជាងសព្វដង
-
ជីវិតកម្សាន្ដ១ សប្តាហ៍ មុនJennie ត្រូវមហាជនចិនស្ដីបន្ទោសថា រវល់ស្នេហាពេក រហូតធ្វេសប្រហែសហ្វឹកហាត់ក្នុងក្រុម
-
KPT+៣ ថ្ងៃ មុនស្ដេច ១០ អង្គ ល្បីល្បាញមានទ្រព្យសម្បត្តិច្រើនជាងគេក្នុងឆ្នាំ ២០២៣
-
កីឡា៥ ថ្ងៃ មុនលោក ប្រាយុទ្ធ សម្ដែងក្ដីរីករាយចំពោះ “ប្រដាល់ Muay Thai” ដែលទទួលស្គាល់លើឆាកអន្តរជាតិដោយ អាមេរិក
-
ជីវិតកម្សាន្ដ១ សប្តាហ៍ មុនលាតត្រដាងជីវិតកូនប្រុសជនជាតិវៀតណាមរបស់ Angelina Jolie មិនចូលចិត្តប្រព័ន្ធផ្សព្វផ្សាយ
-
សន្តិសុខសង្គម៥ ថ្ងៃ មុនចាប់ផ្សឹកគ្រូសូត្រឆ្វេងវត្តទ្រព្យគរ បញ្ជូនឲ្យសមត្ថកិច្ច ក្រោយប្រើហិង្សាលើសាមណេរ១អង្គបែកព្រះកេស
-
កីឡា៣ ថ្ងៃ មុនមន្ដ្រីអូឡាំពិកថៃ អះអាងពីការរៀនសូត្រច្រើនពីកម្ពុជាត្រៀមធ្វើម្ចាស់ផ្ទះស៊ីហ្គេម២០២៥
-
ព័ត៌មានជាតិ៥ ថ្ងៃ មុនមកដឹងដំណោះស្រាយបញ្ហាអគារជាប់គាំងនៅខេត្តព្រះសីហនុ
