សុខភាព
អ្នកជំងឺកូវីដកម្រិតស្រាលព្យាបាលតាមផ្ទះ ត្រូវធ្វើរឿងទាំងនេះ ដើម្បីថែទាំសុខភាព និងផ្លូវចិត្ត
ករណីឆ្លងវីរុសកូវីដ-១៩នៅក្នុងប្រទេសកម្ពុជា បានឈានដល់ដំណាក់កាលឱ្យអ្នកជំងឺស្រាលសម្រាកព្យាបាលនៅផ្ទះដោយខ្លួនឯង ប៉ុន្តែត្រូវគោរពតាមលក្ខខណ្ឌណែនាំរបស់ក្រសួងសុខាភិបាល ដើម្បីធានាសុវត្ថិភាព។
ហេតុអ្វីកម្ពុជាតម្រូវឱ្យអ្នកជំងឺកូវីដកម្រិតស្រាលព្យាបាលនៅផ្ទះ?
ប្រភពពីអង្គការ យូនីសេហ្វ បានឱ្យដឹងថា ដើម្បីជួយកាត់បន្ថយបន្ទុកមន្ត្រីសុខាភិបាល និងក្រុមពេទ្យ ព្រមទាំងទុកកន្លែងទំនេរសម្រាប់ព្យាបាលអ្នកជំងឺកូវីដកម្រិតធ្ងន់។ ការធ្វើបែបនេះ អាចជួយសម្រួលការងារបុគ្គលិកពេទ្យមួយផ្នែកធំ ខណៈអ្នកជំងឺកូវីដស្រាលក៏មានភាពងាយស្រួលផងដែរ ដែលបានស្នាក់ផ្ទះរបស់ខ្លួន។
លក្ខខណ្ឌបែបណា អាចព្យាបាលនៅផ្ទះ?
តាមការឲ្យដឹងពីរដ្ឋបាលរាជធានីភ្នំពេញ ការអនុញ្ញាតឲ្យថែទាំ និងព្យាបាលនៅផ្ទះបាន លុះត្រាតែអ្នកជំងឺមានលក្ខណៈ ៥ ចំណុចដូចជា៖
១. មានផ្ទះផ្ទាល់ខ្លួន មានបន្ទប់សម្រាប់ដាក់អ្នកជំងឺនៅដោយឡែក
២. អ្នកជំងឺមានអាយុក្រោម ៦០ឆ្នាំ
៣. អ្នកជំងឺគ្មានជំងឺប្រចាំកាយ (លើសឈាម ទឹកនោមផ្អែម មហារីក ហឺត ជំងឺសួត ជំងឺបេះដូង និងជំងឺសរសៃប្រសាទ)
៤. បានចាក់វ៉ាក់សាំង ២ដូសត្រឹមត្រូវ
៥. ត្រូវព័ទ្ធលំនៅឋានរយៈពេល ៣២ថ្ងៃ មិនឲ្យចេញចូលអំឡុងពេលព្យាបាលជំងឺ។
បន្ថែមពីលើនេះ អ្នកជំងឺគួរមានមនុស្សសុខភាពមាំទាំម្នាក់ដើម្បីជួយមើលថែ ប្រសិនត្រូវការអ្វីបន្ទាន់ ឬពេលមានករណីធ្ងន់ធ្ងរណាមួយកើតឡើង។
គួរថែទាំផ្លូវចិត្តបែបណា ក្នុងកំលុងពេលសម្រាកព្យាបាលនៅផ្ទះ?
ដើម្បីថែរក្សាផ្លូវចិត្តកុំឱ្យទន់ខ្សោយ អង្គការ យូនីសេហ្វ បានផ្ដល់ដំបូន្មានដល់អ្នកជំងឺថា៖
១. រក្សាភាពវិជ្ជមានផ្លូវចិត្តដោយកុំភិតភ័យ កុំតក់ស្លុត និងកុំគិតច្រើន
២. ប្រយ័ត្នអ្វីដែលបានឃើញឬអាន នៅលើប្រព័ន្ធអ៊ីនធើណេត ជាពិសេសព័ត៌មានបំពុល
៣. ជជែកជាមួយសមាជិកគ្រួសារឬមិត្តភក្តិតាមទូរសព្ទ ឬបណ្ដាញទាក់ទងសង្គម
៤. ធ្វើលំហាត់ប្រាណទៀងទាត់ និងចៀសវាងសំកុកកើតទុក្ខ
ក្រៅពីនោះ អ្នកជំងឺនិងអ្នកថែទាំ ត្រូវធ្វើតាមការណែនាំរបស់ក្រសួងសុខាភិបាលនៃព្រះរាជាណាចក្រកម្ពុជាដោយ៖
-ត្រូវធានាឱ្យបាន ធ្វើយ៉ាងណាឱ្យអ្នកជំងឺបានសម្រាក និងគេងបានគ្រប់គ្រាន់ ញ៉ាំអាហារមានជីវជាតិ និងផឹកទឹកឲ្យបានគ្រប់គ្រាន់
-ត្រូវពាក់ម៉ាសពេទ្យជាប់ជានិច្ចពេលនៅបន្ទប់ជាមួយអ្នកជំងឺ មានរបាំងមុខទៀតកាន់តែល្អ
-មិនត្រូវយកដៃប៉ះម៉ាស ឬមុខ និងត្រូវបោះម៉ាសចោលភ្លាមក្រោយប្រើរួច
-ត្រូវសម្អាតដៃឲ្យបានញឹកញាប់ជាមួយសាប៊ូនឹងទឹក ឬទឹកអាល់កុលសម្លាប់មេរោគ ពិសេសក្រោយប៉ះពាល់អ្នកជំងឺ ឬរបស់របរនៅជុំវិញអ្នកជំងឺ មុនពេល និងបន្ទាប់ពីរៀបចំចម្អិនអាហារ មុនពេលញ៉ាំអាហារ និងក្រោយពេលប្រើបន្ទប់ទឹករួច
-ត្រូវឲ្យអ្នកជំងឺប្រើចាន កែវ សម ឬស្លាបព្រា និងសម្ភារៈដទៃ ដាច់ដោយឡែកពីសមាជិកផ្សេង
-ត្រូវលាងសម្អាត សម្ភារៈអ្នកជំងឺជាមួយសាប៊ូ នឹងទឹកស្អាតជាប្រចាំ
-កត់សម្គាល់ទីតាំងនានាដែលអ្នកជំងឺប៉ះញឹកញាប់ និងត្រូវជូតសម្អាតសម្លាប់មេរោគលើផ្ទៃទាំងនោះជានិច្ច
-បើអ្នកជំងឺមានអាការៈធ្ងន់ធ្ងរឬពិបាកដកដង្ហើម ទូរសព្ទទៅលេខ ១១៥ ឬមន្ទីរពេទ្យជាបន្ទាន់ដើម្បីសុំជំនួយ៕
អត្ថបទ៖ សន្យា
ចុចអាន៖ អ្នកឆ្លងកូវីដកម្រិតស្រាល ហើយមានលក្ខខណ្ឌប៉ុន្មាននេះ ទើបអាចព្យាបាលនៅផ្ទះបាន
ផ្ទុះការវែកញែក ក្រោយ ឯម រៀម បង្ហាញ ៣ ចំណុច គួរចៀសវាង ក្នុងពិធីអាពាហ៍ពិពាហ៍
ក្រសួងមហាផ្ទៃ បើកសិក្ខាសាលាពិគ្រោះយោបល់ លើសេចក្តីព្រាងច្បាប់ស្តីពីបទល្មើសបច្ចេកវិទ្យាព័ត៌មាន
មន្ត្រីជំនាញក្រសួងអប់រំ កំពុងចុះសិក្សាពីកង្វះខាតអគារសិក្សានៅទូទាំងប្រទេស ដើម្បីឱ្យសិស្សទទួលបានកន្លែងសិក្សាសមរម្យ
ក្រសួងអប់រំ ប្រកាសឱ្យមន្ទីរអប់រំរាជធានី-ខេត្ត ជ្រើសរើសសិស្សពូកែ ត្រៀមចូលរួមប្រឡងទូទាំងប្រទេស នាខែឧសភា ខាងមុខ
អភិបាលខណ្ឌឫស្សីកែវ ដឹកនាំកម្លាំងចម្រុះចុះពង្រឹងសន្តិសុខ ទប់ស្កាត់បទល្មើសតាមមូលដ្ឋាន
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?