អ្នកជំងឺទឹកនោមផ្អែម សូមប្រយ័ត្នកើតជំងឺរបេងថែមទៀត
Connect with us
Helistar Cambodia - Helicopter Charter Services

សុខភាព

អ្នកជំងឺទឹកនោមផ្អែម សូមប្រយ័ត្នកើតជំងឺរបេងថែមទៀត

បានផុស

នៅ

ជំងឺរបេង គឺជាជំងឺឆ្លងដែលអាចកើតឡើងពីមនុស្សម្នាក់ទៅមនុស្សម្នាក់ តាមរយៈផ្លូវដកដង្ហើមហើយជំងឺនេះ អាច​កើតឡើង​នៅ​ស្ទើរតែ​គ្រប់​សរីរាង្គ​នៃ​ខ្លួន​មនុស្ស​យើង​។ ទម្រង់​មួយ​ក្នុង​ចំណោម​ទម្រង់​ជាច្រើន​នៃ ជំងឺ​របែង​ដែល​កើត​នៅលើ​មនុស្ស​យើង​ គឺ​របេង​សួត​។ ស្របពេល​មានកម្ម​វិធី​ជាតិ​នានា​ដែល​ធ្វើការ​ប្រយុទ្ធប្រឆាំង នៃ​ការរីក​រាលដាល​នៃ​ជំងឺរបេង យើង​សង្កេតឃើញ​ផងដែរ​ថា ចំនួន អ្នក​កើត​ជំងឺ​ទឹកនោមផ្អែម​ក៏​ហាក់​កើនឡើង​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
What Is Tuberculosis? Learn About a Rare, Deadly Disease | UPMC

​ការ​ហក់​ឡើង​ទ្វេគុណ​នៃ​ជំងឺ​ទឹកនោមផ្អែម ធ្វើ​ឲ្យ​អ្នកជំនាញ​នានា​មានការ​បារម្ភ អំពី​ការ​រាលដាល​ជំងឺរបេង​ទៅ​អ្នកជំងឺ​ទឹកនោមផ្អែម​។ ដូចដែល​យើង​បានដឹង​កន្លងមកហើយ​ថា ​អ្នកជំងឺ​ទឹកនោមផ្អែម​ពួកគាត់​អាចមាន​កាយសម្បទា​ថយ​ចុះ​ហេតុនេះហើយ មេរោគ​របេង​ងាយ​នឹង​ជ្រៀត​ចូលក្នុង​ខ្លួន​របស់​ពួកគាត់​។ បើ​ប្រៀបធៀប​ទៅនឹង​អ្នក​ដែល​មិនកើត​ជំងឺ​ទឹកនោមផ្អែម អ្នក​ដែលមាន​ជំងឺ​ទឹកនោមផ្អែម អត្រា​ដែល​អាច​កើតមាន​ជំងឺរបេង​គឺ មាន​ច្រើនជាង​២​ទៅ​៣​ដង ជាពិសេស​គឺ ​ក្រុម​អ្នកជំងឺ​ទឹកនោមផ្អែម​ ដែល​មិនបាន​ព្យាបាល និង​ត្រួតពិនិត្យ​ជាតិ​ស្ករ​ឲ្យ​បាន​ត្រឹមត្រូវ​។ ​ម្យ៉ាងវិញទៀត ​បើ​យើង​ប្រៀបធៀប​អត្រា​មរណៈ​នៃ​អ្នក​ដែល​កើត​របេង និង​មាន​ទឹកនោមផ្អែម​គឺ​ខ្ពស់ជាង ៤​ទៅ​៥​ដង ធៀប​ជាមួយ​អ្នក​ដែល​កើត​របេង​ហើយ​គ្មាន​ទឹកនោមផ្អែម​។

​ហេតុដូចនេះ ​សម្រាប់​អ្នក​ដែលមាន​ជំងឺ​ទឹកនោមផ្អែម​ គឺមាន​សារៈសំខាន់​ណាស់​ដែល​ត្រូវ​ស្វែង​យល់ដឹង និង​បង្ការ​រុករក​ជំងឺរបេង​។

​ក​) តើ​នៅពេលណា​អ្នកជំងឺ​ទឹកនោមផ្អែម​សង្ស័យថា ​ខ្លួន​គាត់​អាចមាន​ជំងឺរបេង​?

​នៅពេលដែល​អ្នកជំងឺ​ទឹកនោមផ្អែម​មាន​លេចចេញ​ជា​រោគសញ្ញា​ដូចជា​៖

– អស់​កម្លាំង ល្ហិតល្ហៃ ទទួលទាន​មិនបាន

– ក្អកមាន​ស្លេះ​លើសពី ៣​ខែ

– មាន​អារម្មណ៍​ក្តៅខ្លួន​ស្ទិញៗ​ជាពិសេស​ក្តៅខ្លួន​នៅពេល​រសៀល

– ស្រក​ទម្ងន់​ដោយ​ឥត​មូលហេតុ

​ខ​) ការព្យាបាល​៖

​ការព្យាបាល​ជំងឺរបេង​ ដែល​កើត​នៅលើ​អ្នកជំងឺ​ទឹកនោមផ្អែម​ទាមទារ​ឲ្យ​មាន​ការចូល​សហការគ្នា​រវាង​គ្រូពេទ្យ​ជំនាញ​ច្រើន​ផ្នែក​ដូចជា គ្រូពេទ្យ​ឯកទេស​ខាង​ផ្នែក​ជំងឺឆ្លង គ្រូពេទ្យ​ឯកទេស​ខាង​ផ្នែក​ជំងឺ​សួត និង​គ្រូពេទ្យ​ឯកទេស​ខាង​ផ្នែក​ទឹកនោមផ្អែម​ជាដើម ។​ល​។

​មន្ទីរពេទ្យ​កាល់ម៉ែត មាន​គ្រប់​ជំនាញ​ឯកទេស​ដែល​អាច​ឲ្យ​លោកអ្នក​មក​ធ្វើការ​ប្រឹក្សា​បាន ជាងនេះទៅទៀត​យើង​មាន​ឧបករណ៍ និង​សម្ភារៈ​ទំនើបៗ សម្រាប់​ពិនិត្យ​កំហាក​ដូចជា ការពិនិត្យ​ដោយផ្ទាល់​នៅលើ​កំហាក ការបណ្តុះ​រក​មេរោគរ​បេង​នៅក្នុង​កំហាក និង​ការពិនិត្យ​តាមរបៀប​Gene Xpert​។ រីឯ​ផ្នែក​រូបភាព​វេជ្ជសាស្ត្រ យើង​មាន​ផងដែរ​នូវ​ការថត​សួត​ដោយ​កាំរស្មីអ៊ិច​ក៏ដូចជា​ម៉ាស៊ីន​ស៊ី​ធី​ស្កែ​ន​សម្រាប់​ថត​សួត ហើយ​លើសពីនេះទៅទៀត យើង​មាន​ឧបករណ៍​សម្រាប់​ឆ្លុះ​ទងសួត ​ដែល​អាចជួយ​សម្រួល​ក្រុម​គ្រួ​ពេទ្យ​ក្នុងការ​បូម​យក​ស្លេះ មក​ពិនិត្យ​ក្នុងករណី​ដែល​អ្នកជំងឺ​មិនអាច​ខាក​ស្លេះ​ចេញ​បាន​។​

«​លោក លោកស្រី​ដែលមាន​ជំងឺ​ទឹកនោមផ្អែម​និង​មាន​អាកា​រៈ​ដូច​បាន​រៀបរាប់​ខាងលើ គួរ​គប្បី​មក​ប្រឹក្សា​ជាមួយនឹង​គ្រូពេទ្យ​ជំនាញ នៅ​មន្ទីរពេទ្យ​កាល់ម៉ែត ដើម្បី​វិភាគ រក​រោគវិនិច្ឆ័យ​ជំងឺរបេង ឲ្យ​បាន​ទាន់ពេលវេលា​»៕​

អត្ថបទ៖ រស្មី​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

ដឹង​មូលហេតុ​អំពី​យុវជន​វ័យ​១៥​ឆ្នាំ​បាន​ធ្វើ​អត្តឃាត​ចង.ក​សម្លាប់​ខ្លួន​ទាំង​ខ្លួន​នៅ​វ័យក្មេង

កីឡា៧ ម៉ោង មុន

ពិតជា​ខ្លាំង​មែន​! Superbon ផ្ដួល Petrosyan យក​ខ្សែក្រវាត់​ឃី​ក​បុក​សី​ង ONE Featherweight ត្រឹម​ដើម​ទឹក​ទី​២

ជីវិតកម្សាន្ដ១០ ម៉ោង មុន

ភាព​ល្បី​រន្ទឺ​របស់​លោកស្រី ឌី សា​វ៉េ​ត ធ្វើ​ឲ្យ​លេច ធ្លោ​ក្នុងសង្គម​ថៃ​កាលពី​ទសវត្ស​៧០

ព័ត៌មានជាតិ១០ ម៉ោង មុន

ឃាត់ខ្លួន​ជនជាតិ​ថៃ ៧នាក់ ដែល​មកពី​ខេត្ត​សមុទ្រ​ប្រា​កាន បម្រុង​លប​ឆ្លងដែន​មក​ធ្វើការ​នៅក្នុង​ប្រទេស​កម្ពុជា

ព័ត៌មានជាតិ១០ ម៉ោង មុន

រថយន្ត ​ម៉ូតូ​ និង​កង់​បី​សរុប​៧​គ្រឿង បុក​រុញ​បន្ត​គ្នា​របួស​ធ្ងន់ធ្ងរ​២​នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services