ទម្លាប់អាក្រក់ ៨ យ៉ាងធ្វើឲ្យធ្មេញខូច ដោយមិនដឹងខ្លួន
Connect with us
Helistar Cambodia - Helicopter Charter Services

សុខភាព

ទម្លាប់អាក្រក់ ៨ យ៉ាងធ្វើឲ្យធ្មេញខូច ដោយមិនដឹងខ្លួន

បានផុស

នៅ

ទម្លាប់​ប្រចាំ​ថ្ងៃ​ជា​ច្រើន​ដែលអាច​ធ្វើ​ឲ្យ​ធ្មេញ​របស់​យើង​ខូចបាន​។ ​តើ​ទម្លាប់​អាក្រក់​អ្វី​ខ្លះ​ ​ដែល​យើង​ត្រូវ​ជៀសវាង? អត្ថបទ​នេះ​នឹង​បង្ហាញ​អំពី​ចំណុច​ចំនួន​​ ៨ ដែលធ្វើឲ្យធ្មេញខូចបាន​ ​ហើយយើងក៏គួរជៀស​វាង​ផង​ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- ទំពារ​ទឹក​កក

ក្រោម​អាកាស​ធាតុ​ក្ដៅ​គ្មាន​អ្វី​ក្រៅ​ពី​ចង់​ទំពារ​ដុំ​ទឹក​កក​ឲ្យ​បាន​ត្រជាក់​ខ្លះ​នោះ​ទេ។ ទោះ​យ៉ាង​ណា​ក៏​ដោយ​បន្ទាប់​ពី​ទំពារ​រួច​ នោះ​ធ្មេញ​របស់​យើង​នឹង​ខូចខាត​ធ្ងន់ធ្ងរ ​វិវត្ត​ទៅ​រក​ភាព​ខូចខាត​ឬ​បាក់បែកបាន​។

២- ចោះ​ក្រវិល​ក្នុង​មាត់

ការ​ចោះ​ក្រវិល​ក្នុង​មាត់​អាច​បង្ក​ឲ្យ​មាន​ការ​បង្ក​រោគ​ស្រៀវ​ធ្មេញ​ បាត់បង់​ធ្មេញ​និង​ស្រក​អញ្ចាញ​ធ្មេញ។

៣- ចូលចិត្ត​ទំពារ​​ស្ករ

អ្នក​ណាៗ​ក៏​ដឹង​ថា​ស្ករ​នេះ​ឆ្ងាញ់​ដែ រ​ប៉ុន្តែ​នៅ​ពេល​ដែល​យើង​ទទួល​ទាន​ច្រើន​ពេក​ នឹង​​ធ្វើ​ឲ្យ​ជាតិ​ស្ករ​នៅ​ក្នុង​ឈាម​ឡើង​ខ្ពស់​ព្រម​ទាំង​ធ្វើ​ឲ្យ​ខូច​ធ្មេញ​ទៀត​ផង។

៤- ប្រើ​ធ្មេញ​​សម្រាប់​ហែក​ឬ​ទាញ​អ្វី​ឲ្យ​របើក​

អ្នកខ្លះចូលចិត្ត​ប្រើ​ធ្មេញខាំ ឬហែក​របស់អ្វីមួយ ដោយគិតថាវិធី​បែប​នេះ​គឺ​​ចំណេញ​ពេល​វេលា​សម្រាប់​ធ្វើ​អ្វី​ផ្សេង​ទៀត​ជា​ជាង​ការ​ដែល​ទៅ​ស្វែង​រក​កន្ត្រៃ​យក​មក​ប្រើប្រាស់ តែវិធីនេះអាចធ្វើឲ្យ​ប៉ះពាល់​ធ្មេញ​បាន។

៥- ញ៉ាំ​មិន​ឈប់

គ្នាយើងដឹងហើយថា​​អាហារ​គឺ​សំខាន់​សម្រាប់យើង​គ្រប់គ្នា​ តែ​ការ​ទំពារ​ជាប់​រហូត ​ឬ​ផឹក​ភេសជ្ជៈ​ឥត​ឈប់​អាច​ធ្វើ​ឲ្យ​ធ្មេញ​មាន​ជីវិត​ខ្លី​ងាយ​នឹង​ស្រៀវ។

៦- ជក់​បារី

ការ​ជក់​បារី ឬ​ប្រើ​ផលិតផល​ពី​ថ្នាំជក់ មិន​ត្រឹម​តែ​ធ្វើ​ឲ្យ​ខូច​សុខភាព​ប៉ុណ្ណោះ​ទេ (ជាពិសេស​ទៅ​លើ​សួត) ប៉ុន្តែ​​ថែម​ទាំង​ធ្វើ​ឲ្យ​ខូច​ធ្មេញ​ទៀត​ផង។ ដូច​នេះ​ហើយ សូម​បញ្ឈប់​ការ​ជក់បារី​នេះ​ភ្លាម ដើម្បី​កុំ​ឲ្យ​ហួស​ពេល។

៧- ផឹក​កាហ្វេ​ច្រើន​ពេក

សម្រាប់​គ្នាយើង​​មួយ​ចំនួន​ ការ​ផឹក​កាហ្វេ​បាន​ក្លាយ​ជា​ទម្លាប់​ដែល​ខ្វះ​មិន​បានទៅហើយ។ កាហ្វេ​មាន​ផ្ទុក​ទៅ​ដោយ​សារធាតុ​កាហ្វេ​អ៊ីន​ដែល​ជួយ​ដាស់​ស្មារតី​ និង​ប្រមូល​អារម្មណ៍។ ​ហេតុ​នេះ​ហើយ​ទើប​អ្នក​ធ្វើ​ការ​ជា​ច្រើន​ត្រូវ​ការ​កាហ្វេ​ខ្លាំង​ណាស់។ ម្យ៉ាង​ទៀត​ជាតិ​កាហ្វេ​អ៊ីន​ធ្វើ​ឲ្យ​ប៉ះពាល់​ដល់​ធ្មេញ​របស់យើង​សារធាតុនេះ​​បង្អាក់​​ដល់​លំហូរ​ទឹក​មាត់​ធ្វើ​ឲ្យ​ស្ងួត​មាត់ ​និង​ក្នុង​រយៈ​ពេល​យូរ​អាច​បណ្ដាល​ឲ្យ​ខូច​ធ្មេញ។

៨- ផឹក​ទឹក​ផ្លែ​ឈើ​ច្រើន​ជ្រុល

ទោះ​បី​ជា​ទឹក​ផ្លែ​ឈើ​សំបូរ​ទៅ​ដោយ​វីតាមីន​ A​ វីតាមីន C​ និង​សារធាតុ​រ៉ែ​សំខាន់​ផ្សេង​ទៀត​ក៏​ពិត​មែន តែ​ការ​ទទួលទាន​ច្រើន​ជ្រុល ​អាច​ធ្វើ​ឲ្យ​ធ្មេញ​ខូច​បាន។ មូលហេតុ​នោះ​គឺ​បណ្ដាល​មក​ពី​ជាតិ​ស្ករ​ធម្មជាតិ​នៅ​ក្នុង​ផ្លែ​ឈើ​ទៅ​កម្ទេច​ធ្មេញ​របស់​យើង។

សរុប​សេចក្ដី​មក​ ទម្លាប់​ខ្លះ​មើល​ទៅ​មិន​សូវ​មាន​គ្រោះ​ថ្នាក់​ប៉ុន្មាន​ទេ ​ប៉ុន្តែ​អាច​ជា​កត្តា​គ្រោះ​ថ្នាក់​បណ្ដាល​ឲ្យ​ធ្មេញ​យើង​ខូច​បាន។ ត្រូវ​ចងចាំ​ក្នុង​ចិត្ត​ថា​ទម្លាប់​ទាំង ​៨ ខាង​លើ​នេះ​ គឺ​ជា​អ្វី​ដែល​យើង​ត្រូវ​ជៀសវាង​ដើម្បី​ការពារ​រោគ​ពុក​ធ្មេញ៕

អត្ថបទផ្ដល់ដោយ៖ Hello Krupet

ចុចអាន៖ធ្មេញងាប់ មានគ្រោះថ្នាក់នៅខាងក្នុងមាត់ បើប្រហែសអាចគ្រោះថ្នាក់បាន

ចុចអាន៖ទម្លាប់ខុសមួយចំនួន ដែលមនុស្សមានទំនោរធ្វើ បន្ទាប់ពីដុសធ្មេញរួច

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

អភិបាល​រាជធានី យប់​នេះ​កំពុង​ឈរជើង​នៅ ទីបញ្ជាការ​ស្រាល មុខ​ផ្សារ​ព្រែក​ជ្រៃ ដើម្បី​ត្រៀម​សង្គ្រោះ​ពលរដ្ឋ​ដែល​រងគ្រោះ​ដោយ​ទឹកជំនន់

ព័ត៌មានជាតិ៨ ម៉ោង មុន

សម្តេច វិបុល​សេនា ភក្តី សាយ ឈុំ អញ្ជើញ ជា​គណៈ​អធិបតីភាព ប្រកាស​ផ្ទេរ​មុខតំណែង​ប្រធាន​គណៈកម្មាធិការ​គណបក្ស​ខេត្ត​កំពត

ចរាចរណ៍៩ ម៉ោង មុន

ស្លាប់​ម្នាក់​របួសធ្ងន់​ស្រាល​៣​នាក់ ដោយសារ​គ្រោះថ្នាក់​ចរាចរ រថយន្តបុក​ម៉ូតូ​៣​គ្រឿង​

ព័ត៌មានជាតិ៩ ម៉ោង មុន

​បន្ទាន់! អគ្គិសនី​កម្ពុជា ផ្អាក​ការ​ផ្គត់ផ្គង់​ភ្លើងនៅ​តំបន់​ព្រៃជ្រៃ​ ដោយសារ​រង​ការ​ជន់​លិច​ទឹក​ខ្លាំង​

ព័ត៌មានជាតិ១០ ម៉ោង មុន

ប្រមុខ​រាជរដ្ឋាភិបាល​កម្ពុជា​អំពាវនាវ​ឲ្យ​ការ​ចែកចាយ​វ៉ាក់សាំង​និង​ថ្នាំ​ព្យាបាល​ជំងឺ​កូ​វីដ​-១៩ ប្រកបដោយ​សមធម៌​ក្នុង​តម្លៃ​សមរម្យ​និង​ទាន់ពេល

Sokha Hotels

ព័ត៌មានពេញនិយម

Helistar Cambodia - Helicopter Charter Services