Connect with us

សុខភាព

ពេលទល់លាមកប្រឹងបន្ទោបង់ខ្លាំងពេក ប្រយ័ត្នកើតជំងឺរហែករន្ធទ្វារបាត

បានផុស

នៅ

ពេល​យើង​បត់​ជើង​ធំ​បន្ទាប់​ពី​ខានបន្ទោបង់ ២-៣ថ្ងៃ វា​ធ្វើ​ឲ្យ​យើង​ពិបាក​បញ្ចេញ​កាក​សំណល់​ក្នុង​ខ្លួន​ ទម្រាំ​ចេញ​មក យើង​ត្រូវ​ប្រឹង​ឡើង​បែក​ញើស​ជោក​ថ្ងាស។ ជួន​កាល​ ពេល​យើង​ប្រឹង​បន្ទោបង់ នឹង​អាច​បង្ក​ជា​ជំងឺ​រហែក​រន្ធ​ទ្វារបាត​ទៀត ព្រោះ​ខំ​ប្រឹង​ខ្លាំង​ពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​ការ​ផ្សព្វផ្សាយ​របស់​មន្ទីរពេទ្យ កាល់ម៉ែត បាន​ឲ្យ​ដឹង​ថា ជំងឺ​រហែក​រន្ធ​ទ្វារបាត គឺ​ជា​ជំងឺ​ដែល​មាន​ការ​ដាច់​រលាត់​បាត មនុស្ស​មួយ​ចំនួន​ធំ​អាច​ជួប​ញឹក​ញាប់​ដែរ ចំពោះ​បញ្ហា​ជំងឺ​នៅ​រន្ធ​ទ្វារ​បាត ធ្វើ​ឲ្យ​អ្នក​ជំងឺ​មាន​ការ​ឈឺ​ចាប់​នៅ​បាត និង​បន្ទោរ​បង់​លាមក​មាន​ឈាម។ ជំងឺ​នេះ អាច​ជួប​ប្រទះ​នៅ​លើ​មនុស្ស​គ្រប់​វ័យ និង​គ្រប់​ភេទ ហើយ​វា​អាច​មាន​លក្ខណៈ​ស្រួច​ស្រាវ ឬ​រ៉ាំរ៉ៃ។

ជំងឺ​រហែក​រន្ធ​ទ្វារ​បាត កើត​មាន​ឡើង​ដោយ​សារ​តែ​ការ​ប៉ះទង្គិច​នៃ​ដុំ​លាមក​ទៅ​លើ​ស្បែក​នៃ​រន្ធ​ទ្វារបាត ដែល​ធ្វើ​ឲ្យ​មាន​ការ​ដាច់​រលាត់ ឬ​ដោយ​ការ​កន្ត្រាក់​នៃ​សាច់ដុំ​រន្ធ​ទ្វារបាត​ខ្លាំង។ ជំងឺ​នេះ​អាច​បង្ក​ពី​មួល​ហេតុ​ដូច​ជា៖

១. ទល់​លាមក
២. រាករូស​រ៉ាំរ៉
៣. ប្រឹង​បន្ទោបង់​លាមក​ខ្លាំង
៤. ក្រោយ​ការ​សម្រាល​កូន
៥. រួម​ភេទ​តាម​រន្ធ​ទ្វារបាត

រោគ​សញ្ញា​នៃជំងឺ​រហែក​រន្ធ​ទ្វារបាត

  • ឈឺ​នៅ​រន្ធ​ទ្វារបាត ពិសេស​នៅ​ពេល​បត់​ជើង​ធំ
  • មាន​ឈាម​ជាប់​លាមក ឬ​តក់​ក្នុង​ចាន​បង្គន់
  • ជួន​កាល មាន​សាច់​នៅ​បាត ដែល​អ្នក​ជំងឺ​ច្រើន​គិត​ថា​ជា ជំងឺ​ឫស​ដូង​បាត

ក្នុង​ករណី​មាន​មេរោគ​នៅ​លើ​កន្លែង​រហែក​នោះ វា​អាច​បណ្ដាល​ឲ្យ​កើត​មាន​បូស​អន្ទង់​នៅ​រន្ធ​ទ្វារបាត ដែល​ធ្វើ​ឲ្យ​ជ្រាប​សើម​ដោយ​ខ្ទុះ និង​រមាស់​នៅ​បាត។

មុន​នឹង​ព្យាបាល គ្រូពេទ្យ​ទាម​ទារ​ឲ្យ​ដឹង​ពី​មូល​ហេតុ​បង្ក និង​រយៈ​ពេល​នៃ​ជំងឺ​នេះ​ជាមុន​សិន ហើយ​វិធីសាស្ត្រ​ក្នុង​ការ​ព្យាបាល​មាន​ដូច​ជា៖

  • ប្រើ​ថ្នាំ​បន្ទន់​លាមក បើ​អ្នក​ជំងឺ​ពិបាក​ក្នុង​ការ​បត់​ជើង​ធំ
  • ប្រើ​ថ្នាំ​បំបាត់​រាក បើ​អ្នក​ជំងឺ​មាន​ការ​រាករូស​ខ្លាំង
  • ប្រើ​ថ្នាំ cream លាប​ទៅ​លើ​ទ្វារ​បាត
  • ប្រើ​ថ្នាំ​បំបាត់​ការ​ឈឺ​ចាប់
  • ត្រាំ​ទឹក​ក្ដៅ​ឧណ្ហៗ​អាច​ជួយ​កាត់​បន្ថយ​ការ​ឈឺ​ចាប់។

ប៉ុន្តែ បើ​ជំងឺ​រហែក​រន្ធ​ទ្វារបាត វិវត្ត​ទៅ​ជា​រ៉ាំរ៉ៃ ឬ​មាន​មេរោគ​ក្លាយ​នៅ​កន្លែង​រហែក​នោះ ការ​ព្យាបាល​ដែល​មាន​ប្រសិទ្ធភាព​បំផុត​នោះ​គឺ​ការ​វះកាត់​យក​ផ្នែក​រហែក​ចេញ និង​សម្អាត​នូវ​មេរោគ​នៅ​កន្លែង​នោះ។ ការ​ប្រើ​ពពួក​ថ្នាំ​ផ្សះ​តែ​មួយ​មុខ មិន​មាន​ប្រសិទ្ធភាព​ក្នុង​ការ​ព្យាបាល​ទេ៕

អត្ថបទផ្ដល់ដោយ៖ Hello Krupet

ចុចអាន៖ទម្លាប់ខ្លះៗ ការពារមិនឲ្យងាយឈឺ​ ដោយមេរោគនៅបន្ទប់ទឹក

ចុចអាន៖បែកញើសពេលយប់ អាចជាសញ្ញានៃជំងឺ មហារីកឈាម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម