សុខភាព
ផ្លែសេដាល្អចំពោះភ្នែក និងផ្ដល់ប្រយោជន៍ច្រើន ដល់សុខភាព
ផ្លែសេដាមានរសជាតិស្រដៀងនឹងស៊ុតក្រហមដែលស្ងោរឆ្អិន ប៉ុន្តែវាមានរសជាតិផ្អែម។ ផ្លែឈើនេះ សម្បូរទៅដោយបេតាការ៉ូទីន កាល់ស្យូម ផូស្វ័រ ជាតិដែក វីតាមីន C វីតាមីន B3 វីតាមីន B1 និងជាតិសរសៃ។ ខាងក្រោមនេះជាអត្ថប្រយោជន៍នៃការញុំាផ្លែសេដា។
១. ជំនួយភ្នែកនិងសក់
សារធាតុបេតាការ៉ូទីននៅក្នុងផ្លែសូដាត្រូវបានបំប្លែងទៅជាវីតាមីន A ពេលចូលដល់រាងកាយយើង។ វីតាមីន A ជួយឲ្យភ្នែកយើងមើលច្បាស់នៅពេលយប់ និងការពារភ្នែកស្ងួត។ លើសពីនេះទៅទៀតវាជួយការពារភ្នែកពីជំងឺភ្នែកឡើងបាយ និងជំងឺភ្នែកចុះខ្សោយ ដែលអាចបណ្តាលឲ្យងងឹតភ្នែក។ វីតាមីន A ក៏ជួយឱ្យសក់ភ្លឺរលោង និងក្រាស់ដែរ។
២. ការពារការខ្វះគ្រាប់ឈាម
ជាតិដែកនៅក្នុងផ្លែសូដាជួយផលិតអេម៉ូក្លូប៊ីនដែលមានតួនាទីដឹកនាំអុកស៊ីសែនឆ្លងកាត់ចរន្តឈាមទៅគ្រប់កោសិការបស់រាងកាយ។ ដូច្នេះការញុំាផ្លែសេដាជួយឲ្យយើងមានកម្លាំង។
៣. ជួយឲ្យឆ្អឹងរឹងមាំ
ផ្លែសេដាសម្បូរទៅដោយកាល់ស្យូម និងផូស្វ័រដែលល្អចំពោះសុខភាពឆ្អឹង។ ឯជាតិដែកនៅក្នុងផ្លែ សេដាក៏មានតួនាទីក្នុងការផលិតកោសិកាឈាមក្រហមដែលមានសារៈសំខាន់ចំពោះការអភិវឌ្ឍរាងកាយ និងឆ្អឹងដែរ។
៤. បន្ថយហានិភ័យនៃការកើតជំងឺទឹកនោមផ្អែម
វីតាមីន B3 នៅក្នុងផ្លែសេដាមានតួនាទីគ្រប់គ្រងកម្រិតជាតិស្ករនៅក្នុងឈាម ព្រោះវាជួយសម្រួលដល់ការបំលែងទៅជាថាមពល។
៥. ជួយពង្រឹងប្រព័ន្ធការពាររាងកាយ
បរិមាណវីតាមីន C នៅក្នុងផ្លែសូដាអាចជួយការពារ និងព្យាបាលជំងឺផ្តាសាយ និងគ្រុនផ្តាសាយបាន។
៦. ជំនួយខួរក្បាល
បរិមាណជាតិដែកនៅក្នុងផ្លែសេដាក៏ជួយបង្កើនការផ្គត់ផ្គង់អុកស៊ីសែនដល់ខួរក្បាលផងដែរ។ ជាលទ្ធផលខួរក្បាលអាចដំណើរការបានល្អ និងអាចកាត់បន្ថយហានិភ័យនៃការកើតជំងឺចាស់វង្វេង ។
៧. ជំនួយសន្លាក់ និងឆ្អឹងខ្ចី
វីតាមីន B3 នៅក្នុងផ្លែសេដាជួយបង្កើនភាពបត់បែនរបស់សន្លាក់ និងជួយបង្កើតឆ្អឹងខ្ចី។ សារធាតុកាល់ស្យូម និងផូស្វ័រនៅក្នុងផ្លែសូដាក៏ជួយក្នុងការបំបាត់ជំងឺរលាកសន្លាក់ដែរ។
៨. ជំនួយដល់ការរំលាយអាហារ
ជាតិសរសៃនៅក្នុងផ្លែសេដាជួយសម្រូលដល់ចលនាពោះវៀន ដែលធ្វើឱ្យយើងងាយក្នុងការបន្ទោបង់។ ជាតិសរសៃក៏ជួយគ្រប់គ្រងកម្រិតជាតិគ្លុយកូសក្នុងឈាម និងជួយកម្ចាត់កូលេស្តេរ៉ូលអាក្រក់ចេញពីរាងកាយយើងផងដែរ៕
អត្ថបទផ្ដល់ដោយ៖ Hello Krupet
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត