សុខភាព
ហូបបែបនេះឲ្យទៀង ដឹងតែមិនងាយឈឺ
ពេលបានហូបម្តងៗ ធ្វើឲ្យខ្លួនឯងសប្បាយចិត្ត តែបើហូបហើយ ឈឺនេះឈឺនោះ មិនខុសអីពីធ្វើបាបខ្លួនឯងទេ។ ទោះជាចូលចិត្តហូប តែកុំហូបផ្ដេសផ្ដាស ព្រោះអាចឈឺដោយសាររឿងអស់ហ្នឹងតែម្ដង។ “Hello គ្រូពេទ្យ” ណែនាំតិចនិករៀបចំរបៀបញ៉ាំអាហារ ៩ យ៉ាង ដើម្បីមានសុខភាពល្អ។
១- បន្លែ និងផ្លែឈើ
បន្លែ និងផ្លែឈី សម្បូរវីតាមីន និងសារធាតុរ៉ែល្អៗជាច្រើនសម្រាប់សុខភាព និងជួយប្រព័ន្ធរំលាយអាហារ។ បន្លែស្រស់ និងផ្លែឈើ គួរមានពាក់កណ្តាលក្នុងរបបអាហារប្រចាំថ្ងៃរបស់យើង ព្រោះវាជាអាហារល្អសម្រាប់សុខភាព អាចញ៉ាំបានគ្រប់រដូវកាល។
២- គ្រាប់ធញ្ញជាតិ
គ្រាប់ធញ្ញជាតិ ឬស្រូវសាឡីសុទ្ធ ១០០% មានសារធាតុចិញ្ចឹមក្នុងហ្នឹងស្រាប់ ហើយវាមានច្រើនជាងគ្រាប់ដែលចម្រាញ់រួច ពិសេសជាតិសរសៃ។ បន្ថែមគ្រាប់ធញ្ញជាតិសុទ្ធក្នុងអាហារ អាចជួយប្រព័ន្ធរំលាយអាហារ ដំណើរការប្រសើរជាងមុន។
៣- ទឹកដោះគោ
មុន ឬបន្ទាប់ពីញ៉ាំអាហារ គួរផឹកទឹកដោះគោមានជាតិខ្លាញ់ទាប ឬគ្មានជាតិខ្លាញ់។ ទឹកដោះគោនេះ មានវីតាមីន និងកាល់ស្យូមខ្ពស់ ហើយកុំបារម្ភពីកម្រិតកាឡូរី ឬជាតិស្ករ។ បើមិនចូលចិត្តទឹកដោះគោ អាចផឹកទឹកសណ្តែក ឬទឹកដោះគោជូរក៏បាន។
៤- ញ៉ាំប្រូតេអ៊ីនគ្មានខ្លាញ់
ត្រូវជ្រើសរើសអាហារសម្បូរប្រូតេអ៊ីន (សាច់) ជាងសាច់សម្បូរជាតិខ្លាញ់មិនល្អ។ ញ៉ាំឲ្យបានពីរដងក្នុងមួយសប្តាហ៍ និងគ្រឿងសមុទ្រ។
៥- កុំញុំាចំណីសម្បូរខ្លាញ់
ចៀសបានចៀសទៅ ប្រភេទអាហារចៀន និងទឹកជ្រលក់ ព្រោះយើងកំពុងបន្ថែមខ្លាញ់ទៅក្នុងខ្លួន។ ញ៉ាំអាហារស្ងោរ ឬអាហារឆ្អិនល្មម ល្អសម្រាប់សុខភាពជាង។
៦- គិតពីអ្វីថ្មីៗ
គ្រប់ពេលចូលចង្ក្រាន ពិសេសស្រីៗ ចង់បន្ថែមអ្វីថ្មីទៅក្នុងអាហារ ដូចជា សាច់ ដើម្បីឲ្យមានរសជាតិកាន់តែឆ្ងាញ់។ ករណីនេះ ស្មើនឹងកំពុងបន្ថែមជាតិខ្លាញ់ និងសូដ្យូមទៅក្នុងអាហារ ធ្វើឲ្យប៉ះពាល់សុខភាព។
សាកល្បងបន្ថែមបន្លែជំនួសវិញ អាចនាំសារធាតុចិញ្ចឹមជាច្រើនទ្រទ្រង់រាងកាយ ហើយរសជាតិកាន់តែឆ្ងាញ់ទៀត។
៧- គ្រប់គ្រងប្រភេទអាហារឲ្យល្អ
ពេលនៅផ្ទះ យើងអាចគ្រប់គ្រងជាតិខ្លាញ់ក្នុងអាហារបានល្អ។ ចុះពេលចេញក្រៅញ៉ាំ ធ្វើម៉េចវិញ? ពេលនេះយើងជាអ្នកសម្រេច ត្រូវជ្រើសប្រភេទអាហារស្ងោរ ចំហុយ ប្រសើរជាងប្រភេទចៀន ឬឆា។
៨- សាកអាហារថ្មីៗ
កុំស្ទាក់ស្ទើរញ៉ាំបន្លែ និងផ្លែឈើ ព្រោះវាល្អសម្រាប់សុខភាព ហើយគួរញ៉ាំយ៉ាងហោចណាស់ម្តងក្នុងមួយសប្តាហ៍។ បន្លែ ឬផ្លែឈើ សុទ្ធតែមានផលល្អ ទោះយើងមិនធ្លាប់ញ៉ាំពីមុន គួរសាកល្បងឲ្យបានគ្រប់យ៉ាង។
៩- អាហារផ្អែមៗ
បើចង់ញ៉ាំអាហារផ្អែមៗ អាចញ៉ាំផ្លែប៉ោម ដំណាប់ធ្វើខ្លួនឯង សាឡាដផ្លែឈើ ឬគ្រាប់ធញ្ញជាតិ ទើបល្អសម្រាប់សុខភាព៕
ចុចអាន៖ស្រីៗមិនចង់មានហានិភ័យមហារីកសុដន់ ល្មមភ្ញាក់ខ្លួន ងាកមកផ្ដោតអាហារក្រុមនេះវិញ
ចុចអាន៖ជំងឺ ៣ ប្រភេទគ្រោះថ្នាក់ខ្លាំងដល់ជីវិត ដែលបណ្ដាលមកពីការហូបអាហារកែច្នៃច្រើន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?