គួរដឹង! ផលរំខានមួយគ្រោះថ្នាក់ចំពោះអ្នកចាក់ Sinovac

ជា​ទូទៅ​ ការ​ចាក់​វ៉ាក់សាំង Sinovac ​តែង​មាន​ប្រតិកម្ម​ឆ្លើយតបដូចជា ក្តៅខ្លួន ឈឺក្បាល ឈឺសាច់ដុំ ចង្អោរ ក្អួត និងអស់​កម្លាំង​ជាដើម។

ប៉ុន្តែ ការវៀចមុខមួយចំហៀង ត្រូវបានគេចុះបញ្ជីថា ជាផលរំខានដ៏កម្រ ហើយគ្រោះថ្នាក់ ដែលអាចកើតឡើងបន្ទាប់ពីចាក់វ៉ាក់សាំង Sinovac។

ទោះបីជាយ៉ាងណាក៏ដោយ ទិន្នន័យចាក់វ៉ាក់សាំងរបស់ក្រុមហ៊ុន Sinovac បាននិយាយថា មានមនុស្សតិចជាង ០,០១ ភាគរយប៉ុណ្ណោះ ដែលរងគ្រោះដោយផលប៉ះពាល់នេះ បន្ទាប់ពីចាក់វ៉ាក់សាំង។

ករណីសង្ស័យសរុបចំនួន ១២៨ ដែលពាក់ព័ន្ធនឹងផលរំខានដ៏កម្រនេះ ត្រូវបានរាយការណ៍ត្រឹមថ្ងៃទី ៣០ ខែមិថុនា។

ក្នុងចំណោមករណីទាំងនោះ មាន ១១៧ ករណីត្រូវបានបញ្ជាក់ថា ទាក់ទងនឹងការវៀចមុខមួយចំហៀង។ ករណីទាំងនោះ ពាក់ព័ន្ធនឹងបុរសចំនួន ៧០ នាក់និងស្ត្រី ៤៧ នាក់ មានអាយុពី ១៧ ទៅ ៨៧ ឆ្នាំ ដោយក្នុងនោះ មាន ៥៣ នាក់ បានទទួលវ៉ាក់សាំង Sinovac៕

ប្រែសម្រួល៖ Vann Vann

ប្រភព៖ Standard

ចុចអាន៖ ផលរំខានវ៉ាក់សាំង Sinovac ដូសទី៣ និងថ្នាំគួរទុកតាមខ្លួន ករណីអាការមិនស្រួល