សុខភាព
តិចនិកទាំង ៥ ជួយថែទាំប្លោកនោម ឲ្យមានសុខភាពល្អ
ប្លោកនោមមានតួនាទីផ្ទុកទឹកនោម និងជាផ្នែកមួយនៃប្រព័ន្ធទឹកនោម ហើយវាក៏រួមចំណែកជួយឲ្យរាងកាយបញ្ចេញទឹកសំណល់ បន្ទាប់ពីស្រូបយកសារធាតុចិញ្ចឹមដែលចាំបាច់រួចមក។ ជាក់ស្ដែង ប្លោកនោមមានការប្រែប្រួលនៅពេលដែលយើងមានវ័យកាន់តែច្រើន។ ហេតុនេះហើយ ដើម្បីថែទាំសុខភាពប្លោកនោមឲ្យបានល្អ ក៏ដូចជាជៀសផុតពីជំងឺប្លោកនោមផ្សេងៗ គ្នាយើងគប្បីអនុវត្តវិធីសាស្ត្រខាងក្រោមនេះ។
១. ជៀសវាងទប់នោម
គ្នាយើងមួយចំនួនព្យាយាមទប់នោម នៅពេលដែលប្លោកនោមរបស់ខ្លួនជិតពេញ។ ទម្លាប់នេះអាចប៉ះពាល់ដល់រាងកាយធ្ងន់ធ្ងរ ហើយវាក៏អាចធ្វើឲ្យក្បាលពោះរបស់យើងឡើងប៉ោងផងដែរ។ ពិតណាស់ ការទប់នោមអាចនាំឲ្យសាច់ដុំប្លោកនោមចុះខ្សោយក្នុងរយៈពេលវែង ហើយក៏អាចបង្កជាការឆ្លងមេរោគប្លោកនោមដូចគ្នា។ ហេតុនេះហើយ គ្នាយើងគប្បីជៀសវាង ឬបញ្ឈប់ទម្លាប់មិនល្អដល់សុខភាពប្លោកនោមមួយនេះជាបន្ទាន់។
២. ញ៉ាំទឹកគ្រប់គ្រាន់
ជាមួយគ្នានេះដែរ ការញ៉ាំទឹកឲ្យបានគ្រប់គ្រាន់មានសារសំខាន់ណាស់ ក្នុងការកម្ចាត់ចោលបាក់តេរីពីផ្លូវទឹកនោម ព្រមទាំងការពារការឆ្លងមេរោគប្លោកនោម។ មួយវិញទៀត ចូរកាត់បន្ថយការញ៉ាំភេសជ្ជៈដែលមានជាតិកាហ្វេអ៊ីន និងជាតិហ្គាស ដើម្បីជួយឲ្យប្លោកនោមមានដំណើរការបានល្អ។៣. ធ្វើលំហាត់ប្រាណ
ការធ្វើលំហាត់ប្រាណមិនត្រឹមតែជួយដល់ការសម្រកទម្ងន់ប៉ុណ្ណោះទេ វាក៏ជួយការពារបញ្ហាប្លោកនោម និងបញ្ចៀសការទល់លាមក។ យ៉ាងណាមិញ ប្រសិនបើយើងមានបញ្ហាសាច់ដុំប្លោកនោមខ្សោយ គ្នាយើងគប្បីធ្វើលំហាត់ប្រាណអាងត្រគាក ពីព្រោះលំហាត់ប្រាណទាំងនេះជួយទប់ទឹកនោមឲ្យបានយូរ។ ចំណែកឯលំហាត់ប្រាណKegal ក៏មានគុណប្រយោជន៍ជួយពង្រឹងសាច់ដុំ ដើម្បីបញ្ចៀសការលេចនោមភ្លាមៗ នៅពេលដែលយើងក្អក កណ្ដាស់ ឬឈឺនោម។
៤. រក្សាអនាម័យឲ្យបានល្អ
ការសម្អាតបរិវេណប្រដាប់ភេទឲ្យបានត្រឹមត្រូវ មានសារសំខាន់ណាស់ ដើម្បីបញ្ចៀសការឆ្លងមេរោគផ្សេងៗ។ ការលាងសម្អាតនេះដែរ គប្បីធ្វើឡើងនៅមុន និងក្រោយពេលរួមភេទ ពីព្រោះវាអាចជួយកម្ចាត់ចោលបាក់តេរីដែលបង្ករោគ ពីដៃគូបានយ៉ាងមានប្រសិទ្ធភាព។ មួយវិញទៀត ការនោមនៅមុន និងក្រោយពេលរួមភេទរួច ក៏មានអត្ថប្រយោជន៍ជួយការពារការឆ្លងមេរោគផងដែរ។ ចូរអនុវត្តទម្លាប់លាងសម្អាតបរិវេណប្រដាប់ភេទពីខាងមុខទៅខាងក្រោយជានិច្ច៕
ចុចអាន៖មីកញ្ចប់ ញ៉ាំឆៅច្រើនពេក អាចបង្កហានិភ័យសុខភាពខ្លាំង តែយើងអាចញ៉ាំបានតាមវិធីនេះ
ចុចអាន៖សញ្ញាព្រមានទាំង ៥ បង្ហាញថា រាងកាយរបស់អ្នកផ្ទុកជាតិពុលច្រើនលើសកម្រិត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង