ទទួលទានអាហារជីវជាតិល្អ ពិតជាអាចការពារហានិភ័យឆ្លងកូវីដ-១៩?
Connect with us
Helistar Cambodia - Helicopter Charter Services

សុខភាព

ទទួលទានអាហារជីវជាតិល្អ ពិតជាអាចការពារហានិភ័យឆ្លងកូវីដ-១៩?

បានផុស

នៅ

ការសិក្សាថ្មីមួយអះអាងថា ១ភាគ៣នៃករណីឆ្លងមេរោគកូរ៉ូណាអាចត្រូវបានចៀសវាងប្រសិនបើមនុស្សម្នាក់ៗមានទម្លាប់ទទួលទានអាហារដែលមានជីវជាតិល្អគ្រប់គ្រាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Rheumatoid Arthritis Diet: Can Diet Help With Symptoms? | SELF

យើងដឹងហើយថា របបអាហារប្រចាំថ្ងៃដែលរួមបញ្ចូលនូវផ្លែឈើ និងបន្លែច្រើនមុខ សុទ្ធសឹងផ្ដល់ឱ្យរាងកាយទទួលបាននូវសុខភាពល្អ។ ប៉ុន្តែអ្វីដែលគួរឱ្យចាប់អារម្មណ៍ជាងនេះ ក្នុងសម័យជំងឺរាតត្បាត អាហារសម្បូរជីវជាតិ ត្រូវបានអ្នកស្រាវជ្រាវអះអាងថា អាចជួយការពារកុំឱ្យឆ្លងជំងឺកូវីដ-១៩ បានផងដែរ។

ការសិក្សាថ្មីមួយពីសាកលវិទ្យាល័យ បូស្តុន (Boston) សហរដ្ឋអាមេរិក ​បានរាយការណ៍ថា ការទទួលទានអាហារដែលមានសារធាតុចិញ្ចឹមល្អ អាចជួយកាត់បន្ថយហានិភ័យនៃការឆ្លងកូវីដ-១៩ ព្រមទាំងអាចបន្ថយអាការធ្ងន់ធ្ងរ ប្រសិនបើមនុស្សម្នាក់ឆ្លងវីរុស។

Healthy Diet Develops Better Reading Skills In Children - NDTV Food

ចំណែកឯ អ្នកស្រាវជ្រាវមកពីមន្ទីរពេទ្យ ម៉ាសាឈូសេត (Massachusetts ) នៅបូស្តុនបានបន្ថែមថា របបអាហារពិតជាជះឥទ្ធិពលល្អក្នុងការបន្ថយហានិភ័យនៃជំងឺកូវីដ-១៩ ក៏ដូចជារោគសញ្ញាធ្ងន់ធ្ងរ ជាពិសេសការពារអ្នកមានប្រព័ន្ធភាពស៊ាំខ្សោយ។

របាយការណ៍នៃការស្រាវជ្រាវមួយទៀតបង្ហាញថា អាហារូបត្ថម្ភមិនគ្រប់គ្រាន់ឬការទទួលទានអាហារមិនល្អ ជាមូលហេតុមួយនាំឱ្យមានការរីករាលដាលក្នុងចំណោមក្រុមបុគ្គលងាយរងគ្រោះ។  នេះបើតាមការលើកឡើងពីសាស្រ្តាចារ្យ Jordi Marino នៅសាលាវេជ្ជសាស្ត្រ ហាវ៉ាដ ​(Harvard ) ។

Your Guide to Colorful Eating: Eat the Rainbow - Ask The Scientists

ក្រុមស្រាវជ្រាវបានវិភាគទិន្នន័យដែលប្រមូលបានលើមនុស្សចំនួន ៥៩២ ៥៧១ នាក់ មកពីសហរដ្ឋអាមេរិក និងចក្រភពអង់គ្លេស នៅចន្លោះខែមីនា ដល់ខែធ្នូ ឆ្នាំ២០២០។ អំឡុងពេលនៃការតាមដាន អ្នកចូលរួមចំនួន ៣១ ៨៣១ នាក់បានឆ្លងជំងឺកូវីដ-១៩ ។ ក្នុងនោះគេបានរកឃើញថា អ្នកដែលតែងតែទទួលទានអាហារជីវជាតិល្អជាប្រចាំ មានហានិភ័យឆ្លងទាបជាងអ្នកផ្សេង ៩%។ ក្រៅពីនោះ អ្នកដែលញ៉ាំអាហារដែលមានភាពល្អចំនួន ៤១% ហាក់ដូចជាមិនសូវមានរោគសញ្ញាធ្ងន់ធ្ងរដោយសារជំងឺកូវីដ-១៩ឡើយ។

អ្នកស្រាវជ្រាវម្នាក់ទៀត គឺលោកបណ្ឌិត Andrew Chan បានពន្យល់ថា ក្រៅពីការចាក់វ៉ាក់សាំង និងការពាក់ម៉ាស បូករួមទាំងការរក្សាគម្លាត ការទទួលទានអាហារត្រឹមត្រូវក៏អាចកាត់បន្ថយហានិភ័យនៃការឆ្លងជំងឺកូវីដ-១៩ ផងដែរ។

ក្រុមអ្នកស្រាវជ្រាវជឿជាក់ថា ការបរិភោគអាហារដែលសម្បូរជីជាតិពីរុក្ខជាតិ មិនត្រឹមតែមានតម្លៃថោកប៉ុណ្ណោះទេ តែវាក៏អាចជួយបញ្ចប់ការរីករាលដាលនៃជំងឺកូវីដ-១៩បានថែមទៀត៕

ប្រែសម្រួល៖ សន្យា

ប្រភព៖ THE JERUSALEM POST

ចុចអាន៖ គួរ​ចៀសវាង​អាហារ ៥ ប្រភេទ​នេះ​ដាច់ខាត បើ​ចង់​ឲ្យ​វ៉ាក់សាំង​មាន​ប្រសិទ្ធភាព​ខ្លាំងក្រោយចាក់​ហើយ

ចុចអាន៖ កាហ្វេនិងបន្លែ កាត់បន្ថយហានិភ័យ ធ្លាក់ខ្លួនឈឺកូវីដ តែសាច់ ២ប្រភេទ បង្កើនឱកាសឈឺធ្ងន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services