សុខភាព

ជំនឿបុរាណមិនមែនខុសទាំងអស់ទេ ៤យ៉ាងនេះពេទ្យថាមានន័យចំពោះស្ត្រីមានផ្ទៃពោះ

បានផុស

២ years មុន

នៅ

ថ្ងៃសៅរ៍ ២៣ តុលា ២០២១

ដោយ

ជំនឿមិនសមហេតុផលមួយចំនួនដែលចាស់ៗតែងលើកឡើងទាក់ទងនឹងស្ត្រីពពោះ ត្រូវពេទ្យបដិសេធថាជារឿងមិនត្រឹមត្រូវ។ តែបើក្រឡេកទៅមើលជំនឿទាំងប៉ុន្មានខាងក្រោមនេះ ត្បិតមិនត្រឹមត្រូវទាំងស្រុង ព្រោះតែង្កប់គំនិតអប់រំល្អដល់ស្ត្រីកំពុងមានផ្ទៃពោះ នេះបើតាមការបកស្រាយរបស់អ្នកគ្រូពេទ្យឆ្មប សុំ សូរិយា៖

១- គេងស្ពឹក ធ្វើអ្វីយឺតយ៉ាវ ពិបាកកើតកូន

Asian pregnant Stock Photos & Royalty-Free Images | Depositphotos

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាស់ៗតែងតែនិយាយឲ្យម៉ាក់ៗពពោះដែលគេងស្ពឹក ពិបាកក្នុងការសម្រាលកូន ឬឈឺពោះយូរ។ ប៉ុន្តែក្បួនពេទ្យបកស្រាយថាមិនមែនទេ តែវាជាគំនិតអប់រំ ចង់ឲ្យស្ត្រីពពោះធ្វើការរហ័សរហួន ប្រៀបដូចជាការហាត់ប្រាណដែរ វាល្អសម្រាប់សុខភាព ព្រោះកាលណាម៉ាក់ៗមិនធ្វើអ្វីសោះសាច់ដុំមិនដំណើរការ ស្ពឹក ពិបាកក្នុងការសម្រាលមែន។

២- ងូតទឹកយប់ កូនថ្លោសពេក

Kamu Sudah Melakukan Tips Showering yang Benar Ini, Girls? - Facetofeet.com

ស្រីៗពពោះត្រូវចាស់ៗហាមមិនឲ្យងូតទឹកនៅពេលយប់ព្រលប់ឡើយ ព្រោះថាជាពេលអាកាសធាតុ និងទឹកចុះត្រជាក់ដូចគ្នា ងូតទៅធ្វើឲ្យកូនថ្លោសបាន។ ទោះជាការងូតទឹកយប់ មិនមែនជាមូលហេតុធ្វើឲ្យកូនថ្លោសក៏ដោយ តែបើគិតឲ្យដល់ទៅ ចាស់ៗមិនឲ្យងូតទឹកយប់ ព្រោះងងឹត ខ្លាចរអិលដួលនាំឲ្យប៉ះពាល់កូនក្នុងផ្ទៃ។

៣- មិនឲ្យឈរ ឬអង្គុយមាត់ទ្វារ

ទង្វើបែបនេះត្រូវបានចាស់ៗហាមប្រាមមិនឲ្យធ្វើឡើយ ព្រោះពួកគាត់មានជំនឿថា កូនកើតមកមិនផុតទ្វារមាស។ បើតាមការឲ្យដឹងពីគ្រូពេទ្យ ការអង្គុយនៅមាត់ទ្វារ មិនមែនធ្វើឲ្យកូនកើតមិនផុតឡើយ តែមាត់ទ្វារផ្ទះ ជាកន្លែងខ្ពស់មិនល្អចំពោះស្រីៗមានផ្ទៃពោះ ព្រោះបើមានបញ្ហាងងឹតមុខ នឹងធ្លាក់ចុះមកក្រោមបាន។

៤- មើលរូបស្អាតៗ ដើម្បីឲ្យកូនកើតមកស្អាត និងចៀសវាងរឿងដ៏គួរឲ្យខ្លាច

44,473 Asian Pregnancy Stock Photos, Pictures & Royalty-Free Images - iStock

ពីមុនចាស់ៗតែងតែឲ្យអ្នករៀបការរួចថ្មីថ្មោងបិទរូបតួសម្ដែងស្អាតៗគ្រប់ជាតិសាសន៍ ដើម្បីពេលមានកូនធ្វើឲ្យកូនស្អាតដូច។ ប្រសិនបើមើលរឿងចាស់ៗតែងហាមមិនឲ្យមើលរឿងខ្មោច ឬរឿងរន្ធត់ណាមួយឡើយ ព្រោះខ្លាចកូនកើតទៅរកមនុស្សក្នុងរឿងទាំងនោះ។ សម្រាប់ក្រុមអ្នកស្រាវជ្រាវវិញ បានពន្យល់ថា មើលរូបស្អាតៗធ្វើឲ្យស្រីៗមានអារម្មណ៍ល្អ ឯការមើលរឿងគួរឲ្យខ្លាច ឬរន្ធត់អាចធ្វើឲ្យម៉ាក់ៗមានភាពតានតឹងច្រើន ហើយភាពតានតឹងនោះអាចនាំឲ្យមានលំហូរឈាមខុសប្រក្រតី៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មូលហេតុនេះហើយទើបចាស់ៗពីដើម ហាមស្ត្រីពពោះមិនឲ្យមើលសូរ្យគ្រាស-ចន្ទគ្រាស

ចុចអាន៖ តើស្រ្តីមានផ្ទៃពោះ គួរចាក់វ៉ាក់សាំងការពារជំងឺ កូវីដ១៩ ដែរទេ?

Related Topics:ស្ត្រីមានផ្ទៃពោះ