សុខភាព
ចាស់ៗច្រើនឈឺសន្លាក់ ក្រៅពីថ្នាំពេទ្យ មានវិធីអ្វីជួយបានទៀត?
នៅពេលយើងមានវ័យកាន់តែច្រើនបញ្ហាឈឺដៃ ឈឺជើង ពិសេសឈឺត្រង់សន្លាក់ក៏កើតមានដែរ។ បញ្ហាឈឺសន្លាក់ អ្នកជំនាញលើកឡើងថាក៏អាចកើតមានលើមនុស្សពេញកម្លាំងផងដែរ។ យ៉ាងណា បញ្ហានេះ តែងកើតឡើងនៅពេលយើងមានវ័យកាន់តែចាស់ពិតប្រាកដមែន ហើយអ្នកជំនាញជឿថាមនុស្សមានវ័យលើសពី៦៥ឆ្នាំ ប្រហែល៥០ភាគរយមានបញ្ហាឈឺសន្លាក់។
១. ប្រភេទនៃការរលាកសន្លាក់
រលាកសន្លាក់ឆ្អឹង៖ ច្រើនកើតឡើងដោយសារការរហែកឆ្អឹងខ្ចី ធ្វើឲ្យឆ្អឹងកកិតគ្នា នាំឲ្យមានការប្រេះ ខូចខាត និងរលាកកើតឡើង។
រលាកសន្លាក់រ៉ាំរ៉ៃ៖ គឺជាលក្ខខណ្ឌជាប្រព័ន្ធមួយដែលរំញោចរោគសញ្ញាពេញទាំងរាងកាយ។ វាជាជំងឺម្យ៉ាងហៅថា autoimmune disease ដែលកើតឡើងនៅពេលប្រព័ន្ធភាពស៊ាំរបស់យើងវាយប្រហារដោយភាន់ច្រឡំលើសន្លាក់ដែលមានសុខភាពល្អ។
ដើម្បីដោះស្រាយបញ្ហាឈឺសន្លាក់នេះ គ្រូពេទ្យអាចចេញវេជ្ជបញ្ជាឲ្យអ្នកជំងឺប្រើប្រាស់ថ្នាំមួយចំនួន ប៉ុន្តែក៏គ្រូពេទ្យអាចណែនាំឲ្យយើងប្រើវិធីព្យាបាលបែបធម្មជាតិខ្លះដែរ។ យ៉ាងណា យើងត្រូវសុំការណែនាំពីគ្រូពេទ្យឲ្យបានច្បាស់ថាវិធីទាំងនោះមានអ្វីខ្លញស័ក្ដិសមនឹងស្ថានភាពរបស់យើង។ ខាងក្រោមជាវិធីមួយចំនួន ក្នុងការជួយសម្រួលដល់បញ្ហាឈឺសន្លាក់នេះ។
២. គ្រប់គ្រងទម្ងន់ឲ្យបានល្អ
ការគ្រប់គ្រងទម្ងន់បានល្អ មានឥទ្ធិពលយ៉ាងខ្លាំងទៅលើរោគសញ្ញារលាកសន្លាក់របស់អ្នកជំងឺ។ កាលណាយើងឡើងទម្ងន់កាន់តែច្រើន កម្លាំងសង្កត់មកលើសន្លាក់ ពិសេសនៅត្រង់ជង្គង់ ត្រគាក និងជើង ក៏ខ្លាំងដែរ។
តាមគោលការណ៍ណែនាំ អ្នកមានបញ្ហារលាកឆ្អឹងសន្លាក់ លើសទម្ងន់ ឬជំងឺធាត់ គួរតែព្យាយាមសម្រកទម្ងន់។ គ្រូពេទ្យអាចណែនាំឲ្យយើងសម្រកទម្ងន់ ទៅតាមកម្មវិធីមួយចំនួន ដើម្បីអាចសម្រេចបានដូចបំណង។
ពេលយើងស្រកទម្ងន់អាចជួយឲ្យ៖
- ស្រួលធ្វើចលនា
- កាត់បន្ថយការឈឺចាប់
- ការពារការខូចខាតសន្លាក់ទៅថ្ងៃក្រោយ
២. ហាត់ប្រាណឲ្យបានគ្រប់គ្រាន់
បើសិនជាយើងមានបញ្ហារលាកសន្លាក់ ការហាត់ប្រាណអាចជួយយើង៖
- គ្រប់គ្រងទម្ងន់បានល្អ
- រក្សាភាពបត់បែនរបស់សន្លាក់បានល្អ
- បង្កើនសាច់ដុំនៅជុំវិញសន្លាក់ អាចជួយជាទម្របានកាន់តែខ្លាំង
បើយើងជាមនុស្សវ័យចំណាស់ពិបាកក្នុងការធ្វើលំហាត់ប្រាណផ្សេងៗ ការដើរជាជម្រើសល្អ បំផុតក្នុងការហាត់ប្រាណរបស់មនុស្សវ័យចំណាស់។ ក្រៅពីនោះបើអាចធ្វើបាន លំហាត់ប្រាណ ដូចជាជិះកង់ និងហែលទឹក ក៏ល្អសម្រាប់សុខភាពដូចគ្នា។ ការហាត់ប្រាណដើម្បីសុខភាព ជាទូទៅមានការណែនាំថាអាចហាត់៣០នាទីក្នុងមួយថ្ងៃ ឬ១៥០នាទីក្នុងមួយសប្ដាហ៍។
៣. កាត់បន្ថយការផឹកភេសជ្ជៈកំប៉ុង
ភេសជ្ជៈមានជាតិស្ករច្រើន និងភេសជ្ជៈប៉ូវកម្លាំងជាដើម សុទ្ធតែអាចជំរុញឲ្យមានការរលាក និងឡើងទម្ងន់ ហើយក៏អាចធ្វើឲ្យមនុស្សយើងមានបញ្ហារលាកសន្លាក់រ៉ាំរ៉ៃផងដែរ។ ជំនួសឲ្យការផឹកភេសជ្ជៈទាំងនេះ យើងគួរផឹកទឹកឲ្យបានច្រើន និងគ្រប់គ្រាន់ ដែលអាចធ្វើឲ្យសន្លាក់មានដំណើរការបានល្អ។
៤. ញ៉ាំអាហារល្អចំពោះសុខភាព
វ័យយើងកាន់តែចាស់ ការញ៉ាំអាហារល្អចំពោះខុសភាពជួយការពារការឈឺសន្លាក់។ ការញ៉ាំអាហារកែច្នៃច្រើនអាចធ្វើឲ្យយើងជួបបញ្ហារលាក ឈឺចាប់ និងហើម។ នៅពេលនិយាយដល់អាហារល្អចំពោះសុខភាព គ្មានអ្វីក្រៅពីផ្លែឈើស្រស់ និងបន្លែនោះទេ។ បន្លែ និងផ្លែឈើមិនមែនល្អតែចំពោះសុខភាពទូទៅទេ តែក៏ល្អចំពោះសុខភាពសន្លាក់ផងដែរ។ មួយវិញទៀត បើយើងជាអ្នកជក់បារី ត្រូវបញ្ឈប់ការជក់បារី ព្រោះថាបារីក៏អាចបង្កបញ្ហាដល់សុខភាពសន្លាក់ដូចគ្នា។
៥. គេងឲ្យបានគ្រប់គ្រាន់
វ័យយើងកាន់តែចាស់ អាចធ្វើឲ្យយើងពិបាកគេងលក់ស្កប់ស្កល់ដែរ សម្រាប់អ្នកខ្លះ។ ការគេងមិនបានស្កប់ស្កល់នឹងធ្វើឲ្យបញ្ហាសន្លាក់កាន់តែធ្ងន់ធ្ងរ។ ការគេងបានតិចនៅពេលយប់ អាចធ្វើឲ្យកើតមានបញ្ហាធុញថប់ ការឈឺចាប់នៅសន្លាក់ក៏អាចកើតមានកាន់តែខ្លាំង ហើយការឈឺចាប់នៅសន្លាក់កាន់តែខ្លាំង អាចធ្វើឲ្យយើងដើរមិនរួចក៏មាន។
ការគេងមិនលក់ គេងមិនបានគ្រប់គ្រាន់ ធ្វើឲ្យរាងកាយកាន់តែពិបាកក្នុងការទប់ទល់នឹងការឈឺចាប់។ ចូរគេងឲ្យបានគ្រប់គ្រាន់ តាមរយៈការបិទចោលឧបករណ៍អេឡិចត្រូនិក យ៉ាងតិចមួយម៉ោងមុនចូលគេង ឬធ្វើសមាធិខ្លះៗមុនចូលគេង ដើម្បីជួយបង្កើនគុណភាពដំណេករបស់យើង៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ទម្លាប់សកម្មច្រើន មិននៅមួយកន្លែង ជួយពន្យាភាពចាស់ ឬខ្សោយនៅវ័យ ៦០ប្លាយ
ចុចអាន៖ ចូរប្រុងប្រយ័ត្ន ចំពោះថ្នាំឈឺសន្លាក់ ដែលទិញយកមកលេបមិនត្រឹមត្រូវ
ឯកឧត្ដម ហ៊ុន ម៉ានី ៖ ការអនុញ្ញាតឲ្យរាយការណ៍ជាប្រចាំឆ្លុះបញ្ចាំងពីការយកចិត្តទុកដាក់ខ្ពស់របស់ សម្ដេចធិបតី លើការងារកំណែទម្រង់រដ្ឋបាលសាធារណៈ
កម្ពុជា មានអ្នកស្រឡាញ់ភេទដូចគ្នា ប្រមាណ ១០ ម៉ឺននាក់ នៅទូទាំងប្រទេស
ព្រឹកថ្ងៃទី២៤ មីនា សម្ដេចធិបតី នឹងអញ្ជើញបើកទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ លើកទី២
ក្រសួងយុត្តិធម៌ ត្រៀមរៀបចំមហាសន្និបាតលើវិស័យយុត្តិធម៌ទូទាំងប្រទេស រយៈពេល៣ថ្ងៃ នាសប្ដាហ៍ក្រោយ
ជុំ លីណូ បំផុសចូលរួមផ្សព្វផ្សាយអ្វីដែលខ្មែរមាន ព្រោះជាប្រទេសអច្ឆរិយ ដ៏អស្ចារ្យជាងគេលើលោក
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?