ឧស្សាហ៍​ភ្លេចភ្លាំង តិចនិក​ធម្មជាតិ ​៥ យ៉ាង​នេះ​ អាច​ជួយ​បាន
Connect with us
Helistar Cambodia - Helicopter Charter Services

សុខភាព

ឧស្សាហ៍​ភ្លេចភ្លាំង តិចនិក​ធម្មជាតិ ​៥ យ៉ាង​នេះ​ អាច​ជួយ​បាន

បានផុស

នៅ

ការ​ភ្លេចភ្លាំង​គឺ​ជា​រឿង​ធម្មតា​សម្រាប់​មនុស្ស​យើង​គ្រប់​រូប នៅ​ពេល​ដែល​​ជីវិត​ប្រចាំ​ថ្ងៃ​កាន់​តែ​មាន​ភាព​មមាញឹក​ច្រើន។​ ប៉ុន្តែ​​ប្រសិន​បើ​អាការនេះ​កើត​ឡើង​ញឹក​ញាប់​ពេក​ ​នឹង​ជះឥទ្ធិពល​មិនល្អ​ដល់​យើង​ និង​អ្នក​នៅ​ជុំវិញ​ខ្លួន។​​ ការ​ភ្លេចភ្លាំង​អាច​កើតឡើង​ ដោយសារ​តែ​តំណពូជ​ និង​កត្តា​ជា​ច្រើន​ទៀត​។​​​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ​ តាម​ការ​ស្រាវជ្រាវ​បាន​បង្ហាញ​ថា​ របប​អាហារ​ និង​បែប​បទ​ក្នុង​ការ​រស់នៅ ​ក៏​ប៉ះពាល់​យ៉ាង​ខ្លាំង​ដល់​ការ​ចងចាំ​​​ផង​ដែរ​។​

ហេតុដូច្នេះ​ហើយ​ ដើម្បី​បង្កើន​​ការ​ចងចាំ​ឲ្យ​​កាន់​តែ​​ប្រសើរ​​ឡើង​​ ​យើង​​អាច​សាកល្បង​​​អនុវត្ត​វិធីសាស្ត្រ​ងាយ​ៗ​​ទាំង​៥​យ៉ាង​នេះ​។

១. ញ៉ាំ​ស្ករ​តិចតួច​

HD wallpaper: Asian, women, model, long hair, black hair, eating, spoon,  melons | Wallpaper Flare

​​​​​​​ការ​ញ៉ាំ​ស្ករ​ច្រើន​ពេក​ ​នឹង​ធ្វើ​ឲ្យ​យើង​​ប្រឈមមុខ​នឹង​បញ្ហា​សុខភាព​ និង​ជំងឺ​រ៉ាំរ៉ៃ​ជាច្រើន។​ មិន​តែ​ប៉ុណ្ណោះ​​ វា​ក៏​ជំរុញ​ឲ្យ​ការ​ចងចាំ​យើង​ចុះ​ខ្សោយ​ផង​ដែរ​។ យោង​តាម​ការ​សិក្សា​មួយ​ទៅ​លើ​មនុស្ស​ចំនួន​៤ពាន់​នាក់ ​បាន​បង្ហាញ​ថា ការ​ញ៉ាំ​ភេសជ្ជៈ​ដែល​មាន​ជាតិ​ស្ករ​ច្រើន​ ​នឹង​ធ្វើ​ឲ្យ​ថាមពល​ខួរក្បាល​ថយ​ចុះ​ ក៏​ដូច​ជា​​ការ​ចងចាំ​ចុះ​ខ្សោយ។

. ខ្លាញ់​ត្រី

​​ខ្លាញ់​ត្រី​សម្បូរ​ទៅ​ដោយ​អាស៊ីដ​ខ្លាញ់​អូមេហ្គា៣ អាស៊ីដ​អ៊ីកូសាផេនតេនិច​ (EPA) និង​អាស៊ីដ​ដូកូសាហេហ្សៀនិច (DHA)។​ ជាតិ​ខ្លាញ់​ទាំងនេះ​ មាន​សារប្រយោជន៍​ដល់​សុខភាព​រាងកាយ​​យ៉ាង​ខ្លាំង ដែល​អាច​ជួយ​កាត់​បន្ថយ​អត្រា​កើត​ជំងឺ​បេះដូង​ កាត់បន្ថយ​ការ​រលាក​ ស្ត្រេស​ និង​ការ​ថប់​បារម្ភ​ជាដើម​។

៣. ធ្វើ​សមាធិ

​​​​​ការ​ធ្វើ​សមាធិ​ផ្ដល់​ផល​​វិជ្ជមាន​​ដល់​សុខភាព​យើង​ដ៏​សម្បើម​​។ វា​មិន​ត្រឹម​តែ​ធ្វើ​ឲ្យ​យើង​មាន​អារម្មណ៍​ធូរ​ស្រាល​ និង​ស្ងប់​ចិត្ត​ប៉ុណ្ណោះ​ទេ ប៉ុន្តែ​នៅ​​ជួយ​កាត់​បន្ថយ​ស្ត្រេស​ ការ​ឈឺ​ចាប់ ធ្វើ​ឲ្យ​សម្ពាធ​ឈាម​ទាប​ ព្រម​ទាំង​ជួយ​បង្កើន​ការ​ចងចាំ​ផង​ដែរ។

. រក្សា​ទម្ងន់​ខ្លួន​សមស្រប

ទម្ងន់​ខ្លួន​សមស្រប​ មាន​ប្រយោជន៍​យ៉ាង​ខ្លាំង​ដល់​សុខុមាលភាព​ ហើយក៏​ជា​វិធីសាស្ត្រ​ដ៏​ល្អ​បំផុត​ក្នុង​ការ​​ថែទាំ​រូបរាងកាយ​​ ក៏ដូចជា​ចិត្តគំនិត​ឲ្យ​ស្ថិត​ក្នុង​លក្ខខ័ណ្ឌ​កំពូល​ផង​ដែរ​។ តាម​ការ​សិក្សា​មួយ​ចំនួន​បាន​បង្ហាញ​​ថា ការ​ធាត់​ជ្រុល គឺ​មាន​ហានិភ័យ​ខ្ពស់​ក្នុង​ការ​ថយ​ចុះ​នៃ​ការ​ចងចាំ។

៥. គេង​គ្រប់​គ្រាន់

How Does Melatonin Help With Sleep? | Fashion Gone Rogue

នៅ​ពេល​ដែល​យើង​គេង​មិន​​​បាន​គ្រប់គ្រាន់ ការ​ចងចាំ​របស់​យើង​ក៏​ចាប់​ផ្ដើម​​ចុះ​ខ្សោយ​​ជា​លំដាប់ ដែល​ធ្វើ​ឲ្យ​យើង​ឆាប់​ភ្លេចភ្លាំង​ ទោះបី​ជា​រឿងរ៉ាវ​នោះ​ទើប​នឹង​កើត​ឡើង​ក៏ដោយ​។ បើ​មិន​ចង់​ឲ្យ​បញ្ហា​នេះ ប៉ះពាល់​ដល់​សមត្ថភាព​ខួរក្បាល​​ទេ​ យើង​​គួរ​​ចាប់ផ្ដើម​​កែប្រែ​ទម្លាប់​ចូល​​គេង​យប់​ជ្រៅ​ពេក​ដោយ​ងាក​មក​គេង​ត្រឹម​ម៉ោង​១០​យប់​ជំនួស​វិញ​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ពេលចាស់ទៅមិនចង់ភ្លេចភ្លាំងច្រើន នៅក្មេងត្រូវអនុវត្តទម្លាប់បែបនេះ

ចុចអាន៖ មូលហេតុដែលធ្វើឲ្យអ្នកឧស្សាហ៍ភ្លេចភ្លាំង មិនចាំសូម្បីរឿងតូចៗកើតឡើងក្នុងជីវិត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services