វ៉ាក់សាំងដូសជំរុញ J&J ទុកគម្លាតកាន់តែវែង កាន់តែមានប្រសិទ្ធភាពខ្ពស់
Connect with us
Helistar Cambodia - Helicopter Charter Services

សុខភាព

វ៉ាក់សាំងដូសជំរុញ J&J ទុកគម្លាតកាន់តែវែង កាន់តែមានប្រសិទ្ធភាពខ្ពស់

បានផុស

នៅ

ស្របពេលដែលសហរដ្ឋអាមេរិកប្រកាសចាក់ដូសជំរុញជូនពលរដ្ឋដែលធ្លាប់ចាក់វ៉ាក់សាំង Pfizer និង Moderna ពីរដងរួចហើយ អ្នកធ្លាប់វ៉ាក់សាំង Johnson & Johnson កំពុងមានចម្ងល់ថា តើពួកគេអាចទទួលបានការពារប៉ុនណា ហើយអាចចាក់ដូសជំរុញបានដែរទេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនត្រឹមតែអាមេរិកនោះទេ សូម្បីប្រជាជនកម្ពុជាដែលបានចាក់វ៉ាក់សាំងនេះកន្លងមក ក៏ឆ្ងល់ដូចគ្នា ខណៈពួកគាត់ចាក់តែមួយដូស តែពលរដ្ឋភាគច្រើនសុទ្ធសឹងចាក់វ៉ាក់សាំងពីរដូស។

មុននឹងឆ្លើយសំណួរនេះ អ្នកជំនាញបានបកស្រាយពាក់ព័ន្ធទិន្នន័យនៃប្រសិទ្ធភាព J&J ថា វ៉ាក់សាំងទាំងអស់ដែលអនុញ្ញាតដោយ អង្គការសុខភាពពិភពលោក រួមទាំងវ៉ាក់សាំង J&J សុទ្ធតែអាចការពារការចូលព្យាបាលនៅមន្ទីរពេទ្យ និងបន្ថយហានិភ័យស្លាប់ដោយសារកូវីដ-១៩ ។ មិនតែប៉ុណ្ណោះ ការចាក់វ៉ាក់សាំង J&J អាចប្រឆាំងនឹងវីរុសបំប្លែងខ្លួន Delta បានខ្លាំងផងដែរ។

វេជ្ជបណ្ឌិត Amesh Adalja អ្នកជំនាញខាងជំងឺឆ្លងមកពីសាលាសុខភាពសាធារណៈ Johns Hopkins Bloomberg ថ្លែងថា មិនទាន់មានទិន្នន័យបញ្ជាក់អំពីអគុណភាពនៃវ៉ាក់សាំង J&J នៅឡើយ។ លោកលើកឡើងដូច្នេះ ដើម្បីបញ្ជាក់ថា អ្នកចាក់វ៉ាក់សាំង J&J នៅតែអាចទទួលបានការការពារ ទោះបីជាមិនទាន់ចាក់ដូសជំរុញ។

ការចាក់វ៉ាក់សាំង J&J ត្រូវបានធ្វើឡើងខុសគ្នាពីវ៉ាក់សាំងផ្សេង ដោយសារតម្រូវការចាក់តែមួយដូសប៉ុណ្ណោះ។ ការសិក្សាមួយរបស់មន្ត្រីសុខាភិបាលនៅអាហ្វ្រិកខាងត្បូងបានបង្ហាញថា វ៉ាក់សាំងនេះអាចការពារបាន ៧១ភាគរយប្រឆាំងនឹងការចូលសម្រាកនៅមន្ទីរពេទ្យដោយវីរុសបំប្លែងខ្លួន Delta និងចន្លោះពី ៩១-៩៦ភាគរយមានប្រសិទ្ធភាពប្រឆាំងនឹងការស្លាប់។

Johnson & Johnson's single-dose COVID-19 vaccine on track for March  rollout: exec | CTV News

ក្រុមហ៊ុន J&J ក៏បានបង្ហាញទិន្នន័យមន្ទីរពិសោធន៍ស្តីពីអង់ទីគ័រប្រឆាំងទៅនឹងវីរុសថា វ៉ាក់សាំងរបស់ខ្លួន អាចការពារប្រឆាំងកូវីដបំប្លែងខ្លួនប្រភេទ Delta រយៈពេល ៨ខែ។

ក្រុមហ៊ុន J&J បានប្រាប់រដ្ឋបាលចំណីអាហារនិងឱសថអាមេរិក (FDA) ថា ដូសជំរុញ បានបន្ថែមការការពារដ៏សំខាន់ក្នុងរយៈពេលពីរខែដំបូង បន្ទាប់ពីការចាក់វ៉ាក់សាំងដូសទី១ ប៉ុន្តែវាអាចមានប្រសិទ្ធភាពល្អជាងនេះ ប្រសិនបើមនុស្សរង់ចាំរហូតដល់ប្រាំមួយខែ។

យ៉ាងណាមិញ ដូសជំរុញដែលចាក់ក្នុងរយៈពេលពីរខែ បន្ទាប់ពីដូសដំបូង បានបង្កើនកម្រិតអង់ទីគ័រពី ៤-៦ដងឯណោះ ខណៈរងចាំដល់៦ខែបន្ទាប់ពីការចាក់លើកដំបូង កម្រិតអង់ទីគ័រនឹងកើនឡើង ១២ដង ដែលនេះបង្ហាញការការពារកាន់តែធំ ជាមួយនឹងចន្លោះពេលវែង។

ស្របពេលជាមួយគ្នានោះ ផលរំខានពីការចាក់ពីរដូស គឺដូចទៅនឹងការចាក់មួយដូសដែរ៕

អត្ថបទ៖ សន្យា

ចុចអាន៖ ខណៈនេះ កម្ពុជា មានវ៉ាក់សាំងចាក់តែមួយដូស ២ ប្រភេទហើយ

ចុចអាន៖ លម្អិតពីវ៉ាក់សាំង រុស្សី ៥ ប្រភេទ ដែល កម្ពុជា អនុញ្ញាត ឲ្យប្រើប្រាស់បន្ទាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍១៤ នាទី មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍២៥ នាទី មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

ជីវិតកម្សាន្ដ៥៤ នាទី មុន

សាយ រម្លឹក​រឿង​កាលពី​៩​ឆ្នាំមុន​ប៊ិះ​អស់​ជីវិត​នៅក្នុង​ភ្នក់ភ្លើង

នយោបាយ១ ម៉ោង មុន

រដ្ឋមន្ត្រី​ក្រសួងមហាផ្ទៃ ស្នើ​ឲ្យ​ព្រះអង្គម្ចាស់ នរោត្តម ចក្រាវុធ សម្របសម្រួល​ផ្ទៃក្នុង ដើម្បី​ជ្រើសរើស​ក្បាលម៉ាស៊ីន​ដឹកនាំ​ឲ្យ​បាន​ត្រឹមត្រូវ​

Sokha Hotels

ព័ត៌មានពេញនិយម

Helistar Cambodia - Helicopter Charter Services