សុខភាព
រឿងរ៉ាវជុំវិញការមករដូវ សូម្បីស្រីៗខ្លួនឯង ក៏អត់ដឹងដែរ
រដូវធ្វើឲ្យស្រីៗមិនស្រណុកចិត្ត មួម៉ៅច្រើន។ រដូវមួយម៉ាត់ស្ដាប់ទៅខ្លី ហើយសាមញ្ញ ប៉ុន្តែរឿងជាក់ស្ដែងនៅពីក្រោយ មានច្រើនណាស់ ដែលយើងស្រីៗយើងអាចមិនដឹង។ បើអ្នកអានជាយុវវ័យដែលដឹងរឿងនេះមិនច្បាស់ ឬមិនដឹងច្រើន ហើយអៀនអត់ហ៊ានសួរគេ សូម្បីមិត្តជិតស្និទ្ធ ឬបងប្អូនស្រី អានអត្ថបទេះនឹងដឹងច្រើន។
១- អីទៅជាការមករដូវ?
រដូវជាវដ្តនៃការហូរឈាមរបស់ស្ត្រី។ ការហូរឈាមនេះបណ្ដាលមកពីការប្រមូលផ្តុំឈាមពីកោសិកាស្បូនតាមរយៈមាត់ស្បូន ហើយហូរចេញតាមរន្ធទ្វារមាស។
២- ចុះវដ្តរដូវ?
វដ្តរដូវជាការហូរឈាមទៀងទាត់ ដែលគ្រប់គ្រងដោយការឡើងចុះនៃអ័រម៉ូនភេទជារៀងរាល់ខែ។ វដ្តរដូវមួយ ត្រូវរាប់ពីថ្ងៃដំបូងដែលមករដូវ រហូតដល់ថ្ងៃដំបូងនៃការមករដូវម្តងទៀត។ វាអាចមានរយៈពេលពី ២១-៣៥ ថ្ងៃសម្រាប់មនុស្សពេញវ័យ និង ២១-៤៥ ថ្ងៃសម្រាប់វ័យគ្រប់ការ។ រយៈពេលមករដូវអាចខុសគ្នាៗ តែជាទូទៅ ស្រីៗមករដូវមានរយៈពេលពី ៣-៥ ថ្ងៃ។
៣- មានអីកើតឡើងខ្លះក្នុងវដ្តរដូវ?
អាស្រ័យលើការឡើងចុះនៃអ័រម៉ូនភេទក្នុងមួយខែ វដ្តរដូវចែកចេញជា ២ ដំណាក់កាល៖
– នៅពាក់កណ្ដាលដំបូងនៃវដ្ត មានការឡើងខ្លាំងនូវអ័រម៉ូនភេទញី អឺស្ត្រូហ្សែន (estrogen)។ អ័រម៉ូននេះធ្វើឲ្យកោសិកាក្នុងស្បូនលូតលាស់ឡើងក្រាស់។ កោសិកាទាំងនេះហើយដែលផ្តល់សារធាតុចិញ្ចឹមដល់អំប្រ៊ីយ៉ុង បើមានការបង្កកំណើត។ តែបើស៊ុតគ្មានការបង្កកំណើតទេ វានឹងផ្ទុះបែក។
– ក្នុងដំណាក់កាលទី២ នៃវដ្ត មានការធ្លាក់ចុះនៃអ័រម៉ូន ហើយកោសិកាដែលឡើងក្រាស់ នឹងរហែក ពេលមករដូវ។
៤- អាចមានរដូវដល់អាយុប៉ុន្មាន?
ជាទូទៅ ស្ត្រីមករដូវរហូតដល់អាយុអស់រដូវដែលតែងកើតឡើងនៅចន្លោះ ៤៥ ទៅ ៥៥ ឆ្នាំ។
៥- ជួបបញ្ហាអ្វីខ្លះ ពេលមករដូវម្ដងៗ?
ជារឿងធម្មតាដែលស្ត្រីអាចជួបបញ្ហាមួយចំនួន ពេលមករដូវ ដូចជា៖
– ហូរឈាមញឹក មិនទៀងទាត់
– បាត់រដូវយ៉ាងតិច ៣ ខែ
– មករដូវតិចជាង ៨ ដងក្នុងមួយឆ្នាំ
– ឈឺចាប់ខ្លាំងពេលមករដូវ
– មករដូវមិនសូវទៀងទាត់ តែមិនធ្ងន់ធ្ងរ
– មករដូវច្រើន ហើយយូរថ្ងៃជាងធម្មតា ដូចជា មករដូវលើស ៧ ថ្ងៃ ឬមកឈាមច្រើនជាងមុន
– មករដូវយូរថ្ងៃជាងធម្មតា ហើយមកម្តងៗច្រើន
– ធ្លាក់ឈាមច្រើនជាង ១២ ខែ បន្ទាប់ពីរដូវចុងក្រោយ
– Premenstrual syndrome (PMS) រោគសញ្ញាមុនមករដូវលើផ្លូវកាយ ផ្លូវចិត្ត ដូចជា ក្ដៅខ្លួនស្ទំៗ ឆេវឆាវ ឈឺចង្កេះ។
មូលហេតុនៃភាពមិនប្រក្រតីទាំងនេះ មាន៖
– បញ្ហារោគស្ត្រី
– ជំងឺក្រពេញទីរ៉ូអ៊ីត
– ដុំគីសទឹកច្រើនកន្លែង
– មានផ្ទៃពោះ ឬបំបៅដោះកូន
– កងដាក់ក្នុងស្បូន ថ្នាំពន្យារកំណើត អាចធ្វើឲ្យហូរឈាមចន្លោះរដូវបាន ឬក៏ធ្វើឲ្យរដូវមកមិនទៀងទាត់ តែធ្វើឲ្យមានការហូរឈាមខ្លាំង និងឈឺចាប់ទៅវិញ។
– ជីវិតរស់នៅអាចផ្លាស់ប្តូរតុល្យភាពអ័រម៉ូន ហើយធ្វើឲ្យហូរឈាមមិនទៀងទាត់។ ជាក់ស្ដែង ឡើងចុះទម្ងន់ខ្លាំង ហាត់ប្រាណហួសកម្រិត ស្ត្រេស។
គួរជួបពេទ្យ បើមានអាការៈមិនប្រក្រតីដូចរៀបរាប់ខាងលើ ដើម្បីដឹងថា យើងត្រូវការព្យាបាលណាមួយឲ្យបានត្រឹមត្រូវ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ បញ្ឈប់ទម្លាប់ ៥ នេះ បើមិនចង់មានគ្រោះថ្នាក់ អំឡុងពេលមករដូវ
ចុចអាន៖ ឈឺចាប់ខ្លាំងពេលមករដូវ អាហារនិងភេសជ្ជៈ ទាំងនេះអាចជួយសម្រួលបាន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)