Connect with us

សុខភាព

មកពីហេតុផល ៨យ៉ាងនេះ ទើបធ្វើឱ្យអ្នកចង់ញ៉ាំអាហារផ្អែមៗ

បានផុស

នៅ

ពេលខ្លះយើងមានអារម្មណ៍ថាចង់ញុំាអាហារផ្អែមៗដូចជាបង្អែម ការ៉េម នំខេក ស្ករគ្រាប់ ទឹកក្រូច ឬភេជ្ជៈផ្អែមៗជាខ្លាំង។ ហេតុអ្វីបានជាយើងមានអារម្មណ៍ចង់ញុំាអាហារផ្អែមៗដូចនេះ?

១. ទម្លាប់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត Michael Crupain ឯកទេសថ្នាំបង្ការបានលើកឡើងថា នៅ​ពេល​យើងញ៉ាំអាហារផ្អែមៗ កម្រិតអាំងស៊ុយលីនដែលគ្រប់គ្រងជាតិស្ករក្នុងឈាមកើនឡើងដល់ខួរក្បាលរបស់យើង ពេលនោះ ខួរក្បាលនឹងបញ្ចេញ​អ័រម៉ូន dopamine ដែលធ្វើឱ្យយើងមានអារម្មណ៍ល្អ។ ជាលទ្ធផលយើងនឹង ទម្លាប់​ថា រាល់ពេលញុំាអាហាររួច ឬនៅពេលជាក់លាក់ណាមួយ យើងត្រូវញុំាអាហារ ឬភេជ្ជៈផ្អែមៗ ព្រោះវាធ្វើឱ្យយើងស្កប់ស្កល់ ឬមានមានអារម្មណ៍ល្អ។

២. ឃ្លានខ្លាំង

វេជ្ជបណ្ឌិត Mehmet Oz ឯកទេសវះកាត់បេះដូងនៅមន្ទីរពេទ្យ Presbyterian បានលើកឡើងថា កាល​ដែលយើងឃ្លានខ្លាំងរាងកាយរបស់យើងបញ្ចេញអ័រម៉ូន ghrelin (អ័រម៉ូនធ្វើឱ្យយើងឃ្លាន) ច្រើនដែលបណ្តាល​ឱ្យយើង​ចង់ញុំាអាហារ ឬភេជ្ជៈផ្អែមៗ។

៣. គេងមិនគ្រប់គ្រាន់

វេជ្ជបណ្ឌិត Michael Crupain បានលើកឡើងថា ការគេងមិនគ្រប់គ្រាន់​ធ្វើឱ្យយើងអស់កម្លាំង និងឃ្លានដែលធ្វើឱ្យយើងញុំាច្រើន និងចង់ញុំារបស់ផ្អែមៗ។

I'm not lonely – I'm eating alone to enjoy my own company | Stuff.co.nz

៤. ការខ្វះជាតិទឹក

ការខ្វះជាតិទឹកអាចធ្វើឱ្យរាងកាយពិបាករំលាយជាតិស្ករ glycogen (គ្លុយកូស​ដែលរក្សាទុក) សម្រាប់ថាមពល ដូច្នេះរាងកាយរបស់យើងចង់បាន​​ជាតិស្ករបន្ថែម​ដើម្បីផ្តល់​ប្រភពថាមពល​រហ័ស​ដល់​រាងកាយ។

៥. មានភាពតានតឹង ឬថប់បារម្ភ

វេជ្ជបណ្ឌិត Mehmet Oz បានលើកឡើងថា នៅពេលដែលយើងថប់បារម្ភ ស្ត្រេស ឬបាក់​ទឹកចិត្ត កម្រិត serotonin ដែលជាអ័រម៉ូនធ្វើឱ្យយើង​សប្បាយចិត្ត​នៅក្នុងខួរក្បាលរបស់យើង​នឹងធ្លាក់​ចុះ បណ្តាលឱ្យយើងឃ្លានជាតិស្ករ ព្រោះរបបអាហារដែលសម្បូរជាតិស្ករ​អាចធ្វើឱ្យអារម្មណ៍យើង​ប្រសើរ​ឡើង។

៦. ញុំាកាបូអ៊ីដ្រាតច្រើនពេក

នៅពេលញ៉ាំអាហារដែលមានកាបូអ៊ីដ្រាត រាងកាយរបស់យើងបំប្លែងវាទៅ​ជាជាតិស្ករ (គ្លុយកូស) ដែលជាប្រភពថាមពលចម្បងរបស់យើង។ ការញុំាកាបូអ៊ីដ្រាតច្រើនពេក​បណ្តាលឱ្យអាំងស៊ុយលីន​ធ្វើការ​បន្ថែមដើម្បីផ្ទុកជាតិ​ស្ករទាំងនេះ។ នៅទីបំផុត អាំងស៊ុយលីននឹងមានភាពធន់ដែល​មាន​ន័យ​​ថា​ជាតិ​ស្ករ​មិនអាចចូលទៅក្នុងកោសិការបស់យើងទេ ហើយក៏ស្ថិតនៅក្នុងចរន្តឈាមរបស់យើង។ ដូច្នេះរាងកាយរបស់យើងចង់បានជាតិស្ករបន្ថែម​ដើម្បីផ្តល់ប្រភពថាមពលរហ័សដល់រាងកាយ។

៧. រោគសញ្ញាមុនពេលមករដូវ

Young asian woman eating sweet sticky rice with yellow spoon. | Stock  Images Page | Everypixel

ស្ត្រីភាគច្រើនដែលមិនចូលចិត្តញុំារបស់ផ្អែមអាចចង់ញុំារបស់ផ្អែមខ្លាំងនៅ ១ ឬ ២សប្តាហ៍មុន​ពេល​មក​រដូវ​ ដែល​នេះ​ដោយសារតែការថយចុះនៃអ័រម៉ូន​អ៊ឹស្ត្រូសែន និងការប្រែប្រួលនៃ serotonin ដែលអាច​ធ្វើ​ឱ្យ​កម្រិតជាតិស្ករក្នុងឈាមធ្លាក់ចុះ។

៨. កង្វះសារធាតុរ៉ែ

កង្វះជាតិដែក ក្រូមីញ៉ូម ម៉ាញេស្យូម និងស័ង្កសីជាដើមអាចកាត់បន្ថយការឆ្លើយតបទៅនឹងជាតិស្ករ (គ្លុយកូស) ក្នុងឈាមដែលអាចបណ្តាលឱ្យយើង​អស់កម្លាំង និងឃ្លានជាតិស្ករ។

ការចង់ញុំាអាហារផ្អែមៗអាចមានន័យថារាងកាយរបស់យើងខ្វះថាមពល។ លោកស្រី Farah Fahad អ្នកឯកទេសខាង​ចំណី​អាហារ​បាន​លើក​ឡើង​ថា រាងកាយ​របស់យើងដូចជាជា​ម៉ាស៊ីន​អ៊ីចឹង ​ប្រសិនបើ​យើង​មិន​ផ្តល់​អាហារ​ត្រឹមត្រូវឱ្យរាងកាយទេ នោះ​វា​នឹង​ត្រូវការជាតិ​ស្ករដើម្បី​បំពេញថាមពល​ដល់រាងកាយ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នក​ចូលចិត្ត​ញ៉ាំ​​​ផ្អែម​ៗ​រាល់ថ្ងៃ​ មក​មើល​វិធី​កាត់​បន្ថយ​​របប​អាហារ​ដែល​មាន​​ជាតិ​ស្ករ​ច្រើន​​​​

ចុចអាន៖ មូលហេតុ២នេះហើយ ទើបយុវវ័យឥឡូវឆាប់លើសខ្លាញ់ ឡើងឈាម ប្រឈមជំងឺទឹកនោមផ្អែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម