សុខភាព
កំហុសឆ្គង ៣យ៉ាង ធ្វើឲ្យកូនឈឺញឹក តែឪពុកម្ដាយមិនសូវចាប់អារម្មណ៍
រាករូស ក្តៅខ្លួន បញ្ហារលាកផ្លូវដង្ហើម ជាជំងឺដែលក្មេងតូចៗឧស្សាហ៍ជួបប្រទះបំផុត។ កូនតូចឈឺបណ្តាលមកពីកត្តាច្រើនយ៉ាងណា ក្នុងនោះអាចមកពីសុខភាពកូនកើតមកខ្សោយ អាកាសធាតុប្រែប្រួល ឬក៏អាចមកពីសកម្មភាពធ្វេសប្រហែលរបស់ម៉ាក់ប៉ាទៅវិញ។
ខាងក្រោមនេះជា កំហុសឆ្គង ៣ យ៉ាងធ្វើឲ្យកូនរាក ក្តៅខ្លួន ក្អក ឬផ្តាសាយ តែម៉ាក់ប៉ាមិនបានចាប់អារម្មណ៍។
១- ម្តាយបំបៅដោះកូន ញ៉ាំចំណីផ្តេសផ្តាស
កុំទៅឆ្ងល់ បើសិនជាយើងឲ្យកូនម៉ឹមតែទឹកដោះម៉ាក់ៗមួយមុខ ស្រាប់តែកូនទៅជារាករូស នោះច្បាស់ជាយើងញ៉ាំចំណីអីខុសហើយ។ អាហារផ្អាប់ បន្លែ ឬត្រីសាច់ឆៅ ម៉ាក់ៗមិនត្រូវញ៉ាំនោះទេ ព្រោះងាយធ្វើឲ្យកូនហើមពោះ ទល់ខ្យល់ទៅជារាករូស។
២- ប្រើដបដដែលៗឆុងទឹកដោះគោ
គ្នាយើងមួយចំនួនគិតថា ដបទឹកដោះគោអាចប្រើឆុងទឹកដោះគោបានច្រើនដង ឲ្យតែទុកនៅកន្លែងស្អាត តែតាមពិតទៅដបទឹកដោះប្រើរួចបើទុកកាន់តែយូរ នោះបាក់តេរីកកើតកាន់តែច្រើន ក្មេងញ៉ាំទៅងាយរាករូស។ យកល្អកុំយកដបដែលឆុងទឹកដោះគោរួចមកប្រើឡើងវិញ គួរតែមានដបសាគួរ ២ ឬ ៣ និងត្រូវលាងសម្អាតក្រោយប្រើរួចជាមួយទឹកក្តៅ មិនត្រូវទុកចោលយូររាប់ម៉ោងនោះទេ។
៣- បញ្ចុកចំណីកូនផ្តេសផ្តាស
កូនតូចឃើញអីក៏ឃ្លានដែរ តែម៉ាក់ប៉ាមិនត្រូវបញ្ចុកនំចំណី ទឹកដោះគោប្រអប់ ឬទឹកផ្លែឈើកំប៉ុងផ្តេសផ្តាសនោះទេ វាអាចឲ្យកូនទាស់ចំណី ទៅជារាក ក្តៅខ្លួន រលាកបំពង់ក ឬក្អួត ។ បើកូនតូចអាយុក្រោម ៦ ខែ គ្រូពេទ្យណែនាំឲ្យកូនម៉ឹម ទឹកដោះម៉ាក់តែមួយមុខគត់ មិនត្រូវបណ្តក់ទឹកថែមឡើយ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ គ្រុនឈីក និងគ្រុនឈាម ខុសគ្នាម៉េចខ្លះ មួយណាធ្ងន់ធ្ងរជាង?
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង