សុខភាព
ATIC អនុវត្តតាមការណែនាំរបស់រាជរដ្ឋាភិបាល និងគាំទ្រជួយផ្សព្វផ្សាយសារព្រមានសុខភាពរូបភាពថ្មីលើកញ្ចប់បារី
សមាគមឧស្សាហកម្មថ្នាំជក់កម្ពុជា (ហៅកាត់ថាATIC) នឹងអនុវត្តការណែនាំតាមសេចក្តីណែនាំរបស់រដ្ឋាភិបាល ក្នុងការបោះពុម្ពផ្សាយសារ ព្រមានសុខភាពរូបភាពថ្មី នៅលើកញ្ចប់បារី និងចូលរួមផ្សព្វផ្សាយអំពីសេចក្តីណែនាំនេះ ទៅដល់អាជីវករទូទាំងប្រទេសឲ្យបានជ្រួតជ្រាប ជាកិច្ចចូលរួមចំណែកពង្រឹងការអនុវត្តច្បាប់គ្រប់គ្រងថ្នាំជក់នៅកម្ពុជា។
សេចក្តីណែនាំរបស់ក្រសួងសុខាភិបាល និងក្រសួងសេដ្ឋកិច្ច និងហិរញ្ញវត្ថុ បានតម្រូវឲ្យបោះពុម្ពសារព្រមានជាភាសាខ្មែរ និងជារូបភាពថ្មី ទំហំ ៥៥% លើកញ្ចប់ផលិតផលថ្នាំជក់។ រូបភាព បង្ហាញអំពីការជក់បារីអាចបណ្តាលឲ្យកើតជំងឺសរសៃឈាមលើស្បែក និងជំងឺដាច់សរសៃឈាមខួរក្បាល។ ការ អនុវត្ត នឹងចាប់ផ្តើមប្រសិទ្ធភាពចាប់ពីថ្ងៃទី ១ ខែធ្នូ ឆ្នាំ ២០២១ តទៅ ហើយផលិតផលដែលស្របច្បាប់ និងបានបង់ពន្ធ គឺនៅអាចលក់លើទីផ្សារបានដូចធម្មតា រហូតដល់អស់ពីស្តុក។
ប្រធានសមាគមឧស្សាហកម្មថ្នាំជក់កម្ពុជា លោក រ៉យ ម៉ាណាលីលី (Roy Manalili) បានថ្លែងថា សមាជិករបស់សមាគម ដែលជាក្រុមហ៊ុនថ្នាំជក់អន្តរជាតិ ដូចជា ក្រុមហ៊ុន JTI, BAT, Imperial និង PMI បានសហការគ្នាផលិតផ្ទាំងអប់រំផ្សព្វផ្សាយ អំពីសេចក្តីណែនាំនេះ ហើយក្រុមការងារផ្នែកលក់របស់សមាជិក បានដើរចែកចាយនិងបិតផ្សាយផ្ទាំងអប់រំនេះ នៅតូបជាង ២ម៉ឺន ទូទាំងប្រទេស។
លោកបានបញ្ជាក់ថា៖ «សមាជិករបស់យើង បានបោះពុម្ពផ្សាយសារព្រមានសុខភាពជាភាសាខ្មែរ និងជារូបភាព នៅលើកញ្ចប់ផលិតផលរបស់យើង ស្របទៅតាមសេចក្តីណែនាំរបស់រដ្ឋាភិបាល និងចេញទៅលើទីផ្សារតាមកាលកំណត់នៅថ្ងៃទី ១ ខែធ្នូ ឆ្នាំ ២០២១។ សមាគមយើង រីករាយក្នុងអនុវត្ត និងគាំទ្រអាជ្ញាធរអនុវត្តច្បាប់ ក្នុងដំណើរការលើកកម្ពស់សុខភាពសាធារណៈ និងពង្រឹងបរិយាកាសប្រកួតប្រជែងប្រកបដោយភាពស្មើគ្នា។»
តាមការសិក្សាស្រាវជ្រាវអំពីពាណិជ្ជកម្មបារីខុសច្បាប់នៅកម្ពុជា ធ្វើឡើងដោយស្ថាប័នអន្តរជាតិដែលមានឈ្មោះបោះសំឡេងក្រុមហ៊ុន Kantar (កាន់តា) កាលពីចុងឆ្នាំមុន បានរកឃើញថា ផលិតផលបារីក្នុងស្តុកសរុប មានចំនួនប្រមាណ ៤,៧ លានកញ្ចប់ ដែលក្នុងនោះ ៣,៤ លានកញ្ចប់ ជាបារីស្របច្បាប់ និង ១,៣ លានកញ្ចប់ ជាបារីគ្មានអនុលោមភាពសារព្រមានសុខភាព (ឬស្មើនឹង ២៧% នៃចំនួនសរុប) ។ តាមការវិភាគបានប៉ាន់ប្រមាណថា ក្នុងចំណោមផលិតផលបារីមិនស្របច្បាប់ទាំងនោះ មានបារីខុសច្បាប់ចំនួន ១៨% ជាផលិតផលដែលមិនបោះពុម្ពសារព្រមានសុខភាពជាភាសាខ្មែរ និងជារូបភាព និងតែមប្រិ៍អាករបារី នៅលើកញ្ចប់បារី។ នេះជាតួលេខខ្ពស់គួរឲ្យកត់សម្គាល់ ដែលនាំមកនូវផលប៉ះពាល់ជាអវិជ្ជមានធ្ងន់ធ្ងរដល់អនុលោមភាពនៃច្បាប់ និងបទបញ្ញត្តិជាធរមាន ព្រមទាំងការខិតខំប្រឹងប្រែងរបស់រាជរដ្ឋាភិបាលលើគោលនយោបាយគ្រប់គ្រងថ្នាំជក់នៅកម្ពុជា ។
“យើងជឿជាក់ថា សកម្មភាពជាអាទិភាពចំពោះមុខរបស់ក្រសួងសុខាភិបាល ដើម្បីពង្រឹង និងអនុវត្តបទបញ្ញត្តិជាធរមាន លើផលិតផលថ្នាំជក់ដែលមិនមានបោះពុម្ពសារព្រមានសុខភាពជាភាសាខ្មែរ និងជារូបភាព ជាជំហានចម្បងជាសារវ័ន្ត ជាជាងការដាក់ចេញនូវសារព្រមានសុខភាពថ្មី ឬការពង្រីកទំហំសារព្រមានសុខភាព ព្រមទាំងធានាបាននូវការប្រកួតប្រជែងដោយស្មោះត្រង់ និងស្មើភាព ក្នុងន័យគាំទ្រដល់បរិយាកាសធុរកិច្ចដោយតម្លាភាព ស្របតាមកំណែទម្រង់ គោលនយោបាយថ្មីរបស់រាជរដ្ឋាភិបាល។” បញ្ជាក់បន្ថែមដោយលោក រ៉យ ម៉ាណាលីលី (Roy Manalili)៕
សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះពិនិត្យព្យាបាលជំងឺពលរដ្ឋនៅស្រុកថ្មគោល
កម្មករ-និយោជិត សរសើរថា ពេលមកបើកលុយ ក្រសួងការងារ បានយកចិត្តទុកដាក់លើសពីការរំពឹងទុក
សម្តេចធិបតី និងលោកជំទាវបណ្ឌិត ចាត់ឱ្យគ្រូពេទ្យព្យាបាលពូម្នាក់ដែលមានជំងឺបេះដូងរីក
សិក្ខាកាមយោធាកម្ពុជា៣រូប នឹងចេញទៅបន្តការសិក្សានៅបណ្ឌិតសភាការពារជាតិជប៉ុន
ឯកឧត្ដម ហ៊ុន ម៉ានី ៖ ការអនុញ្ញាតឲ្យរាយការណ៍ជាប្រចាំឆ្លុះបញ្ចាំងពីការយកចិត្តទុកដាក់ខ្ពស់របស់ សម្ដេចធិបតី លើការងារកំណែទម្រង់រដ្ឋបាលសាធារណៈ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)