សុខភាព
ការសិក្សាបង្ហាញថា ផឹកកាហ្វេរាល់ថ្ងៃជួយឱ្យឆ្អឹងរឹងមាំ
ការសិក្សាមួយរបស់សាកលវិទ្យាល័យហុងកុងបានបង្ហាញថាអ្នកដែលចូលចិត្តផឹកកាហ្វេជារៀងរាល់ថ្ងៃគឺមានឆ្អឹងរឹងមាំជាងអ្នកមិនផឹកកាហ្វេសោះ។
អ្នកស្រាវជ្រាវនៅសាកលវិទ្យាល័យហុងកុងបានធ្វើការសិក្សាមួយទៅលើជំងឺពុកឆ្អឹងដែលមានមនុស្សពេញវ័យចំនួន ៥៦៤នាក់បានចូលរួម។ ការសិក្សានេះបានធ្វើការប្រៀបធៀបដង់ស៊ីតេរ៉ែនៅក្នុងឆ្អឹងរវាងអ្នកផឹកកាហ្វេរាល់ថ្ងៃ និងអ្នកមិនផឹកសោះ។ ការសិក្សានេះបានរកឃើញថាអ្នកផឹកកាហ្វេរាល់ថ្ងៃមានដង់ស៊ីតេរ៉ែដែលធ្វើឲ្យឆ្អឹងរឹងមាំខ្ពស់ជាងអ្នកមិនផឹកកាហ្វេ។ អ្នកស្រាវជ្រាវក៏បានរកឃើញនូវម៉ូលេគុលបីប្រភេទដែលទាក់ទងទៅនឹងការផឹកកាហ្វេ និងឆ្អឹងរឹងមាំមិនងាយនឹងបាក់ដែរ។
ទោះបីជាការសិក្សានេះមានទំហំតូច និងពឹងផ្អែកទៅលើការរាយការណ៍ផ្ទាល់ពីអ្នកចូលរួមទាក់ទងទៅនឹងទម្លាប់ការផឹកកាហ្វេរបស់ពួកគេក៏ដោយ អ្នកជំនាញដែលមិនបានចូលរួមក្នុងការសិក្សានេះបានលើកឡើងថា វាគ្រប់គ្រាន់ក្នុងការធ្វើជាភស្តុតាងសម្រាប់កំណត់ទៅលើការសន្និដ្ឋាននេះ ពីព្រោះការសិក្សាមុនៗមិនទាន់មានសេចក្តីសម្រេចពិតប្រាកដអំពីឥទ្ធិពលរបស់កាហ្វេទៅលើឆ្អឹងទេ។
ទាក់ទងទៅនឹងការសិក្សាមុនៗទៅលើផលប្រយោជន៍របស់កាហ្វេមកលើសុខភាពក៏បានលើកឡើងថា អ្នកផឹកកាហ្វេរាល់ថ្ងៃមិនងាយប្រឈមនឹងជំងឺបេះដូង ជំងឺដាច់សរសៃឈាមក្នុងខួរក្បាល និងជំងឺទឹកនោមផ្អែមដូចអ្នកមិនផឹកកាហ្វេទេ។ មិនត្រឹមតែប៉ុណ្ណោះកាហ្វេក៏មានប្រយោជន៍ផ្សេងទៀតដូចជាហានិភ័យទាបក្នុងការកើតជំងឺថ្លើម ជំងឺមហារីកមួយចំនួន ជំងឺវង្វេង និងជំងឺបាក់ទឹកចិត្តជាដើម។
គួរបញ្ជាក់ផងដែរ ផឹកកាហ្វេតែមួយមុខមិនអាចជួយដល់សុខភាពទេ ដូចនេះត្រូវបន្តការហាត់ប្រាណ ញ៉ាំអាហារដែលល្អចំពោះសុខភាព និងបញ្ចូលកាហ្វេទៅក្នុងរបបអាហារប្រចាំថ្ងៃ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ផឹកកាហ្វេពេលព្រឹកទាំងពោះទទេ ប៉ះពាល់សុខភាពម៉េចខ្លះ?
ចុចអាន៖ អ្នកម៉ាប់ៗលែងបារម្ភហើយ ផឹកកាហ្វេអាចជួយសម្រកទម្ងន់បាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ