ផឹកទឹក​ដូង​តែមិនញ៉ាំសាច់ ដូចបោះចោលគុណប្រយោជន៍ទាំងនេះ​
Connect with us
Helistar Cambodia - Helicopter Charter Services

សុខភាព

ផឹកទឹក​ដូង​តែមិនញ៉ាំសាច់ ដូចបោះចោលគុណប្រយោជន៍ទាំងនេះ​

បានផុស

នៅ

បើ​និយាយ​ដល់​ផ្លែ​ដូង គ្នា​យើង​អាច​នឹង​នឹក​ដល់​ទឹក​ដ៏​ផ្អែម​ឆ្ញាញ់​ ពិសេស​ពេល​យើង​កំពុង​ស្រេកទឹក​ផង​។​​ គ្នា​យើង​ដឹង​ទេ​​ថា​​​ដូង រាប់​ទាំង​ទឹក និង​សាច់ សម្បូរ​ទៅ​ដោយ​សារធាតុ​ចិញ្ចឹម ជាតិ​សរសៃ និង​រ៉ែ​សំខាន់ៗ​ដែល​សុទ្ធ​តែ​ល្អ​ចំពោះ​សុខភាព។ ដោយ​ហេតុ​ថា​ដូង​មាន​គុណ​ប្រយោជន៍​បែប​នេះ ហើយគ្នា​យើង​ញ៉ាំទឹក​ដូង គួរ​ញ៉ាំ​សាច់​ដូង​ដែរ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.មាន​សារធាតុ​ចិញ្ចឹម​ខ្ពស់​

ផ្លែ​ដូង​ និយាយ​ដល់សាច់ និង​ទឹក​ដូង គឺសម្បូរ​ទៅ​ដោយ​ជាតិ​សរសៃ ប្រូតេអ៊ីន កាបូអ៊ីដ្រាត វីតាមីន និង​រ៉ែ ដែល​សុទ្ធ​តែ​ជួយ​ដល់​ដំណើរ​ការ​រាង​កាយ​របស់​យើង​។ ដូង ជា​ប្រ​ភព​នៃ​ម៉ង់ហ្កានេស​(manganese) ដែល​ជួយ​ជំរុញ​ដល់​ការ​ធ្វើ​មេតាប៉ូលិស​ប្រូតេអ៊ីន កាបូអ៊ីដ្រាត និង​កូលេស្តេរ៉ូល ហើយ​វា​ក៏​មាន​សារៈសំខាន់​ចំពោះ​ឆ្អឹង​ផង​ដែរ​។ ក្រៅ​ពី​នេះ ដូង​ក៏​ជា​ប្រភព​នៃ​ទង់ដែង និង​ជាតិ​ដែក ដែល​គេ​ដឹង​ថា​សុទ្ធ​ល្អ​សម្រាប់​កោសិកា​ឈាម​ក្រហម ហើយ​ជាតិ​ស៊ីលីស្យូម​វិញ គឺ​ជា​សារធាតុ​ប្រ​ឆាំង​អុកស៊ីត​កម្ម​។

២.អាច​ជួយ​សុខភាព​បេះដូង​

ដូង​អាច​ជួយ​​កាត់​បន្ថយ​ហានិភ័យ​ជំងឺ​បេះ​ដូង។ ជាក់ស្ដែង ប្រេង​នៅ​ក្នុង​សាច់​ដូង ត្រូវ​គេ​ដឹង​ថា​ជា​អ្នក​ជួយ​រក្សា​កម្រិត​កូលេស្តេរ៉ូល​ក្នុង​រាងកាយ និង​កាត់​បន្ថយ​ខ្លាញ់​ក្បាល​ពោះ​។ ការ​កើន​ឡើង​ខ្លាញ់​នៅ​ក្បាល​ពោះ​ច្រើន​ហួស​ហេតុ​បង្កើន​ហានិភ័យ​ជំងឺ​ទឹក​នោ​ម​ផ្អែម និង​ជំងឺ​បេះ​ដូង​។

៣.ជួយ​គ្រប់​គ្រង​កម្រិត​ជាតិ​ស្ករ​ក្នុង​ឈាម

សាច់​ដូង​មាន​ជាតិ​សរសៃ​ និង​ខ្លាញ់​ខ្ពស់ តែ​មាន​កាបូអ៊ីដ្រាត​ទាប​ ដែល​នេះ​អាច​ជួយ​រក្សា​លំនឹង​កម្រិត​ជាតិ​ស្ករ​ក្នុង​ឈាម។​ ការ​ញ៉ាំ​ដូង ជាទូទៅ ជួយ​បង្កើន​ដំណើរការ​​Beta-Cell ដែល​ដើរ​តួ​រ​សំខាន់​ក្នុង​ការ​គ្រប់​គ្រង​ការ​ផលិត​អាំងស៊ុយលីន។ អាំងស៊ុយលីន ជា​ប្រ​ភេទ​អ័រម៉ូន​ជួយ​រក្សា​លំនឹង​កម្រិត​ជាតិ​ស្ករ​ក្នុង​ឈាម​។ ​​​

​​​​៤.​មាន​សារ​ធាតុ​ប្រឆាំង​អុកស៊ីតកម្ម

ដូង​ជា​ប្រភព​នៃ​សារធាតុ​ប្រឆាំង​អុកស៊ីត​កម្ម​ដ៏​ខ្លាំង​បំផុត​មួយ ដែល​គេ​ដឹង​ថា​ជួយ​ការ​ពារ​កោសិកា​ពី​ការ​បំផ្លាញ​របស់​​អុកស៊ីតកម្ម​(oxidative damage)។ សារធាតុ​ជា​ច្រើន​ទៀត ដែល​មាននៅ​ក្នុង​ដូង ដូចជា gallic acid caffeic acid និង​salicylic acid ជាដើម​ គឺ​សុទ្ធ​តែ​ជា​ធាតុ​ជួយ​ដល់​ការ​គ្រប់​គ្រង​កម្រិត​កូលេស្តេរ៉ូល​ក្នុង​​រាង​កាយ​ ការពារ​ការបំផ្លាញ​លើ​កោសិកា និង​កាត់​បន្ថយ​ហានិភ័យ​ជំងឺ​បេះដូង​៕

អត្ថបទផ្ដល់សិទ្ធិដោយ៖ Hellokrupet

សូមចុចអាន៖ តែ​ល្អ​បំផុត​ទាំង​ ៥ សម្រាប់​បំបាត់​​អាការៈ​ហើមពោះ​និង​ជំងឺ​ក្រពះ

សូមចុចអាន៖ រោគសញ្ញា និង​ការ​ព្យាបាល​ការ​រលាក​ប្រព័ន្ធ​ទឹកមូត្រ​ស្រួចស្រាវ​!

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

រថយន្តហុីលុច បុកផាស់អាប់ដឹកក្មេងមកពីចាក់វ៉ាក់សាំង ស្លាប់ម្នាក់ របួស ៧នាក់

ជីវិតកម្សាន្ដ១០ នាទី មុន

បេក្ខជនឆ្នើមណាខ្លះ អាចឆ្ពោះទៅវគ្គកំពូលទាំង១០ ក្នុងកម្មវិធី “វង់តន្ត្រីខ្មែរ” នាល្ងាចថ្ងៃសៅរ៍នេះ

ព័ត៌មានអន្ដរជាតិ១៩ នាទី មុន

អ្នកជំនាញរិះគន់ចំៗ “សង្គ្រាមប្រឆាំងភេរវកម្ម” របស់ អាមេរិក ក្រោយការវាយប្រហារ ៩/១១

ព័ត៌មានជាតិ៤៩ នាទី មុន

ប្រមុខកាទូតកម្ពុជា សម្តែងសុទិដ្ឋិនិយមថា អាស៊ាន-អាមេរិក នឹងបញ្ចប់ជំងឺរាត​ត្បាតកូវីដ-១៩ ក្នុងពេលឆាប់ៗខាងមុខ

ព័ត៌មានជាតិ១ ម៉ោង មុន

ប្រមុខរាជរដ្ឋាភិបាល អនុញ្ញាតឲ្យពលរដ្ឋធ្វើដំណើរកម្សាន្ដ តាម រម្មណីដ្ឋាននានា ឱកាសឈប់ សម្រាក​ថ្ងៃបុណ្យភ្ជុំបិណ្ឌ

Sokha Hotels

ព័ត៌មានពេញនិយម

Helistar Cambodia - Helicopter Charter Services