របៀបថែទាំផ្ចិតទារកទើបកើត ឲ្យឆាប់ជ្រុះ គ្មាន​ដំបៅខ្ទុះ
Connect with us
Helistar Cambodia - Helicopter Charter Services

សុខភាព

របៀបថែទាំផ្ចិតទារកទើបកើត ឲ្យឆាប់ជ្រុះ គ្មាន​ដំបៅខ្ទុះ

Published

on

ម៉ាក់​ប៉ាត្រូវ​ថែទាំ​ផ្ចិត​ទារក​ទើប​កើត​ឲ្យ​ដិត​ដល់ ទើប​​ឆាប់​ក្រៀម​ជ្រុះចេញ​ពី​ផ្ចិត មិន​​មាន​ដំបៅ​ខ្ទុះ។ ថ្ងៃនេះ Hello គ្រូពេទ្យ​នឹង​ប្រាប់​វិធី​ថែទាំ​ផ្ចិត​ទារក​ក្រោយ​កើត ឲ្យ​ឆាប់​ជា មិន​ឲ្យ​ឆ្លង​មេរោគ។

​វិធី​ថែទាំ​ផ្ចិត​កូន​ក្មេង​ត្រឹម​ត្រូវ​តាម​ក្បូន​ពេទ្យ​ លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ រៀប​រាប់​ថា ក្រោយ​ចេញ​ពី​មន្ទីរពេទ្យ ម៉ាក់ប៉ា​ត្រូវ​ធ្វើ​អនាម័យ និង​ជូត​សម្អាត​ទង​ផ្ចិត​កូន​ឲ្យ​ស្ងួត ក្រោយ​ពេល​ងូត​ទឹក​រួច បន្ទាប់​មក​លាប​ថ្នាំ​មេតាឌីន និង​មិន​ត្រូវ​រុំ​កន្ទប ឬ​ខោ​ទឹកនោម​លើ​វា​នោះ​ទេ បើសិន​ជា​កន្ទប​មិន​ស្អាត​អាច​​​ឆ្លង​មេរោគ។

ធ្វើ​តាម​វិធី​ខាងលើ​នេះ ផ្ចិត​កូន​ក្មេង ​នឹង​ក្រៀម​ជ្រុះ​ដោយ​ឯកឯង​ក្នុង​អំឡុង ៥-១៥ ថ្ងៃ​ក្រោយ​សម្រាល។ លោក​វេជ្ជបណ្ឌិត​បន្ថែម​ថា ម៉ាក់ៗ​មិន​ត្រូវ​ឆ្កឹះ ឬ​ប៉ះ​ផ្ចិត​នោះ​ទេ បើ​ទោះ​ជា​ផ្ចិត​ក្រៀម ក៏​មិន​ត្រូវ​ទាញ​វា​ឲ្យ​ដាច់​ដែរ ត្រូវ​ទុក​ឲ្យ​វា​ជ្រុះ​ដោយ​ខ្លួន​ឯង។​

ចំពោះ​វិធី​បុរាណ ដែល​ចាស់ៗ​ពី​ដើម តែង​យក​ផេះ ដី​​ដំបូក ឬ​ម្សៅ​ហុយ មក​រោយ​លើ​ផ្ចិត លោក​វេជ្ជបណ្ឌិត​ថា កុំ​សាក​ល្បង​ឲ្យ​សោះ ព្រោះ​អាច​បង្ក​រោគ ធ្វើ​ឲ្យ​ផ្ចិត​ឡើង​ក្រហម ក្តៅ មាន​ហូរ​ទឹក​រង៉ៃ ឬ​អាច​មាន​ខ្ទុះ និង​អាច​​ឈានទៅ​ឆ្លងមេរោគ​តេតាណុស​។

បើសិនជាផ្ចិតកូនមានសញ្ញាមិនប្រក្រតីទាំងប៉ុន្មានខាងលើនេះ រួម​ទាំង​កូន​ឧស្សាហ៍យំដោយសារ​ឈឺ​ផ្ចិត ម៉ាក់ៗ​ត្រូវ​ប្រញាប់​នាំ​កូន​ជួប​គ្រូពេទ្យ​ជា​បន្ទាន់៕

អត្ថបទផ្ដល់សិទ្ធិដោយ៖ Hellokeupet

ចុចអាន៖អាហារ ៧ មុខនេះអាចជួយឲ្យចរន្តឈាមដើរបាន​ល្អ

ចុចអាន៖កុំ​បណ្ដោយ ពេល​កូន​រលាកពោះវៀន ប្រយ័ត្នគ្រោះថ្នាក់ដល់ជីវិត!

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services