សូម​ស្វែង​យល់​ពី​ការ​គ្រោះ​ថ្នាក់​ស្ទះ​សរសៃឈាម​បេះដូង​! – Kampuchea Thmey Daily
Connect with us

សុខភាព

សូម​ស្វែង​យល់​ពី​ការ​គ្រោះ​ថ្នាក់​ស្ទះ​សរសៃឈាម​បេះដូង​!

Published

on

​ប្រទេស​កម្ពុជា​បច្ចុប្បន្ន​ កំពុង​ប្រឈម​នឹង​ការ​កើនឡើង​នូវ​ជំងឺលើសឈាម ទឹកនោមផ្អែម និង​ជំងឺ​មិនឆ្លង​ផ្សេងទៀត ដូចជា ជំងឺមហារីក ជំងឺ​វិបត្តិ​ផ្លូវ​ដង្ហើម​រ៉ាំរ៉ៃ​។ ក្នុងចំណោម​ជំងឺ​នានា​ទាំងអស់ ជំងឺ​មិន​ឆ្លង​ខាងលើ ជា​កត្តា​ធ្វើ​ឲ្យ​ស្លាប់ និង​ពិការភាព​ច្រើន​ជាងគេ ជាពិសេស​ក្នុង​ប្រទេស​ក្រីក្រ និង​ប្រទេស​កំពុង​អភិវឌ្ឍ​។​

​ក្នុងនោះដែរ ជំងឺ​ស្ទះ​សរសៃឈាម​បេះដូង ជា​មូលហេតុ​ចម្បង​នៃ​ការ​ស្លាប់​។ យោង​តាម​ឯកសារ WHO ២០១១ ក្នុងចំណោម​ប្រជាជន​ខ្មែរ ១​សែន​នាក់ អ្នក​ស្លាប់​ដោយសារ​ស្ទះ​សរសៃឈាម បេះដូង​មាន​ចំនួន​១២៨​។​

​ដោយសារតែ​មូលហេតុ​ខាងលើ​នេះ​ហើយ បានជា​ការ​តាមដាន និង​ការ​រក​រោគវិនិច្ឆ័យ​នៃ​ជំងឺ​ស្ទះ​សរសៃឈាម​បេះដូង​នៅ​ដំណាក់កាល​ដំបូងៗ (​មុននឹង​គ្រោះថ្នាក់​កើតឡើង​) តាម​គ្រប់​វិធីសាស្ត្រ​ដែលមាន ជាពិសេស​ដោយមាន​ជំនួយ​ពី​គ្រូពេទ្យ​ឯកទេស​បេះដូង ជា​មួយ​នឹង​សមត្ថភាព​ជំនាញ​វិភាគ​រូបភាព​វេជ្ជសាស្ត្រ​សរសៃឈាម​បេះដូង តាមរយៈ​ម៉ាស៊ីន​ស្កែ​ន​បច្ចេកវិទ្យា​ចុងក្រោយ Multislice CT Scan ពិត​ជា​មាន​សារប្រយោជន៍​ខ្លាំង​ណាស់ ចំពោះ​អ្នក​ដែល​មាន​រោគសញ្ញា​ដូច​ខាងក្រោម​៖

– ឈឺ​ចុក ឬ​ណែន​ដើមទ្រូង​

– ថប់ដង្ហើម​

– អារ​ម្ម​ណ៍ ឫ សញ្ញា​ហត់​ភ្លាមៗ​ដោយ​គ្មាន​មូលហេតុ​

​ជាពិសេស​លើ​អ្នក​ដែល​មាន​កត្តា​ប្រឈម​គ្រោះថ្នាក់​សរសៃឈាម​បេះដូង​ដូចជា​៖

– អ្នក​ដែល​មាន​អាយុ​ច្រើន​

– អ្នក​ដែល​លើស​ទម្ងន់​

– អ្នក​ពិសា​បារី​

– អ្នក​ដែល​មាន​ជំងឺលើសឈាម​

– អ្នក​ដែល​មាន​ជំងឺ​ទឹកនោមផ្អែម​

– អ្នក​ដែល​លើស​ជាតិ​ខ្លាញ់​

– អ្នក​ដែល​មិន​ធ្វើ​លំ​ហាត់ប្រាណ ឫ​ប្រកបរបរ​នៅ​នឹង​មួយ​កន្លែង​យូរ​ម៉ោង ពិសេស​ការងារ​ការិយាល័យ​។​

​ប្រសិនបើ​លោកអ្នក​មាន​រោគសញ្ញា និង​កត្តា​គ្រោះថ្នាក់​ដូច​បាន​រៀបរាប់​ខាង​លើ​នេះ សូម​មក​ពិគ្រោះ​ជាមួយ​គ្រូពេទ្យ​ឯកទេស​ជំងឺ​បេះដូង ដើម្បី​ស្វែងរក​វិធីសាស្ត្រ​ការពារ និង​ព្យាបាល​ទាន់​ពេលវេលា សំដៅ​កាត់បន្ថយ​ការ​ស្លាប់ និង​ពិការភាព​ ដែល​បណ្តាល​មក​ពី​ជំងឺ​ស្ទះ​សរសៃឈាម​បេះដូង ដែល​ជា​ឃាតក​ស្ងប់ស្ងាត់​បំផុត (silent killer)៕

អត្ថបទ៖ ​រស្មី

សូមចុចអាន៖ ​គ្រោះថ្នាក់​នៃ​គ្រឿង​ស្រវឹង​ចំពោះ​សុខភាព​ថ្លើម​

ចុច Like Facebook កម្ពុជាថ្មី

កីឡា5 hours ago

ខ្លាំង​មែន​! Capitan ផ្ដួល Ramazanov ដើម្បី​ក្លាយជា​ម្ចាស់​ខ្សែក្រវាត់​ពិភពលោក​ថ្មី

ព័ត៌មានជាតិ9 hours ago

លោកជំទាវ​ម៉ែន សំអន បាន​សម្របសម្រួល​បញ្ចប់​វិវាទ​ករណី​សំណង់​ផ្សារ​ទំនើប​សេន​ជូ​រី​ផ្លា​ហ្សា ស្របតាម​វិធីសាស្ត្រ ឈ្នះ ឈ្នះ របស់​សម្តេច​តេ​ជោ ហ៊ុន សែន

ព័ត៌មានជាតិ9 hours ago

ខេត្តស្ទឹងត្រែង​មាន​បញ្ហា​ប្រឈម​ច្រើន ដោយសារតែ​ស្ថានភាព​ព្រំដែន​មាន​សភាព​ស្មុគស្មាញ និង​មិនទាន់​បោះបង្គោល​ព្រំដែន

ព័ត៌មានជាតិ9 hours ago

កម្ពុជា ចិន រៀបចំ​ព្រឹត្តិការណ៍ «​ដំណើរ​ភាពយន្ត​ចល័ត​ចិន​-​កម្ពុជា​ដ៏​ឆ្នើម​លើក​ទី​៥»

ព័ត៌មានជាតិ9 hours ago

ករណី​បាញ់​សម្លាប់​ជនជាតិ​ចិន​កក្រើក​នៅព្រះសីហនុ ​សមត្ថកិច្ច​ឃាត់​ខ្លួន​ជនសង្ស័យ​៣នាក់​

ព័ត៌មានពេញនិយម