សុខភាព
ស្វែងយល់អំពី ជំងឺរបេង!
ជំងឺរបេងគឺជំងឺកាចសាហាវមួយ ដែលអាចឆក់យកជីវិតមនុស្សបាន ប្រសិនបើយើងធ្វេសប្រហែសមិនបានធ្វើរោគវិនិច្ឆ័យច្បាស់លាស់ និងប្រញាប់ប្រញាល់ព្យាបាលអោយទាន់ពេល និងតាមកាលកំណត់ជាក់ច្បាស់មួយ។ ជំងឺនេះអាចឆ្លងពីមនុស្សម្នាក់ទៅមនុស្សម្នាក់ទៀតតាមរយៈផ្លូវដង្ហើម ។ វានឹងទៅបំផ្លាញប្រព័ន្ធដង្ហើម (សួត) ខួរក្បាល ឬសរីរាង្គផ្សេងៗក្នុងខ្លួនយើង ដែលធើ្វឲ្យស្ថានភាពសុខភាពចុះថមថយជាលំដាប់ ស្គមរីងរៃ រហូតដល់ប្រឈមការបាត់បង់ជីវិត។
តែប្រសិនបើអ្នកជំងឺមកពិនិត្យសុខភាពទាន់ពេលវេលា ដែលនឹងផ្តល់រោគវិនិច្ឆ័យប្រាកដប្រជាដោយគ្រូពេទ្យជំនាញ និង ទទួលយកការព្យាបាលដោយលេបថ្នាំតាមវេជ្ជបញ្ជា តាមដានក្នុងរយៈកាលកំណត់មួយ នោះជំងឺរបេងនេះ នឹងអាចព្យាបាលឲ្យជាសះស្បើយបាន។
១) រោគសញ្ញា ៖
អ្នកដែលកើតជំងឺរបេងមានអាការៈ
- គ្រុនក្តៅ ពេលរសៀល
- អស់កំលាំង ហេវហត់
- បែកញើសយប់
- ក្អករ៉ាំរ៉ៃ ២ ទៅ៣សបា្តហ៏
- ឈឺក្បាល ឡើងកូនកណ្តុរករ ក្នុងពោះ …
- អាចមានរោគសញ្ញាតិចតួច ដូចជាអស់កំលាំង ថយអាហារ ស្រកទម្ងន់(ស្គម)។
២) មូលហេតុ ៖
មេរោគបង្កជម្ងឺរបេង គឺបេកា ឬ មីកូបាក់តេរីយូម តូយប៊ែគុយឡូសីស។
៣) ការព្យាបាល ៖
ជំងឺនេះព្យាបាលដោយការលេបថ្នាំរបេងដែលមានប្រសិទ្ធភាពខ្ពស់ និងមាននៅទូទាំងប្រទេសកម្ពុជា (ជាទូទៅ ករណីជំងឺមិនធ្ងន់ធ្ងរ ការព្យាបាលធ្វើឡើងនៅតាមមណ្ឌលសុខភាព)។
បញ្ជាក់៖ ករណីជំងឺមានសភាពធ្ងន់ធ្ងរ ដោយសារការវិវត្តន៍នៃជំងឺផ្ទាល់ ឫមកពីផលវិបាកនៃជំងឺ ឫស្ថានភាពស្មុគស្មាញនៃអ្នកជំងឺ ការព្យាបាតម្រូវឲ្យសម្រាកនិងសង្គ្រោះក្នុងមន្ទីរពេទ្យជាមួយក្រុមវេជ្ជបណ្ឌិតជំនាញ។
៤) ការការពារ ៖
- ចាក់វ៉ាក់សាំងបេសេហ្សេ ចំពោះទារកទើបកើត។
- ត្រូវព្យាបាលបង្ការ ករណីកុមារអាយុចាប់ពី៥ឆ្នាំចុះក្រោម ដែលនៅប្រាស្រ័យជាមួយអ្នកមានការឆ្លងរបេងបេកាវិជ្ជមាននៅផ្ទះជាមួយ។
- ថែរក្សារអនាម័យទូទៅ ដោយពាក់ម៉ាស់មាត់និងច្រមុះ ករណីសង្ស័យមានជំងឺរបេង។
សូមចូលរួមទាំងអស់គ្នា ដើម្បីគ្រួសារបានសុខសាន្ត និងគ្មានជំងឺរបេង៕
រស្មី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ