សុខភាព

ស្របពេលផ្ទុះកូវីដ-១៩ តើគួរយកកូនទៅចាក់វ៉ាក់សាំងអត់?

បានផុស

៣ years មុន

នៅ

ថ្ងៃព្រហស្បតិ៍ ៨ មេសា ២០២១

ដោយ

មានម៉ាក់ៗជាច្រើនលើកឡើងជាចម្ងល់ថា ដល់ថ្ងៃកំណត់យកកូនទៅចាក់វ៉ាក់សាំង តែ COVID-19 កំពុងផ្ទុះ តើគួរយកកូនទៅចាក់ទៀតអត់? ចំពោះចម្ងល់នេះ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានអះអាងថា ត្រូវតែយកកូនទៅចាក់វ៉ាក់សាំងតាមការកំណត់។

Parents urged to keep childhood vaccination appointments during national COVID-19 restrictions - GOV.UK

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិតបានបន្ថែមទៀតថា បើកូនដល់កំណត់ត្រូវចាក់ ត្រូវយកទៅចាក់ឲ្យទាន់ពេលវេលា ហើយការផ្ទុះ COVID-19 នេះមិនប៉ះពាល់ចំពោះកូនឡើយ ព្រោះពេលយកទៅចាក់ពេទ្យតែងពាក់ម៉ាស់ និងស្រោមដៃបានត្រឹមត្រូវ។ មួយវិញទៀតបើយើងខ្លាច ត្រូវតែប្រយ័ត្នដោយនៅឆ្ងាយពីអ្នកជំងឺដទៃ និងយកអ្វីបិទបាំង ឬគ្របកូនតូច ដូចជាកន្សែង ក្រមា ចំពោះអ្នកមានកូនតូចៗ អាយុ ៦ ខែចុះក្រោម។

Standing orders for vaccines may improve pediatric vaccination rates | MDedge Hematology and Oncology

ចំពោះកូន ៦ ខែឡើងវិញ យើងអាចពាក់ម៉ាស់ ហើយក្រោយចាក់ថ្នាំរួច មកដល់ផ្ទះអាចលាងសម្អាតដៃ និងផ្លាស់ប្ដូរសម្លៀកបំពាក់ចេញ ដើម្បីឲ្យអស់ការសង្ស័យ។ ការចាក់វ៉ាក់សាំងឲ្យកូនតាមការកំណត់ ពិតជាមានសារៈសំខាន់ ព្រោះមិនកាត់បន្ថយប្រសិទ្ធភាពរបស់វ៉ាក់សាំង និងជួយទប់ស្កាត់ការឆ្លងជំងឺទាន់ពេលវេលា។

covid-19: The global hunt for Covid-19 vaccine for kids begins; next up, testing shots in children - The Economic Times

វេជ្ជបណ្ឌិតបានឲ្យដំបូន្មានថា ទោះជា COVID-19 គួរឲ្យខ្លាចមែន តែបើយើងការពារបានល្អ អត្រាឆ្លងក៏ទាបដែរ ហើយគ្រាន់តែយកកូនទៅទទួលវ៉ាក់សាំងមិនមែនជាការប្រថុយប្រថានអ្វីនោះទេ ព្រោះគ្រូពេទ្យមានអនាម័យត្រឹមត្រូវ ហើយអ្នកជំងឺផ្សេងៗក៏មិនស្ថិតនៅក្នុងបន្ទប់តែមួយជាមួយកន្លែងចាក់វ៉ាក់សាំងដែរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ បង្រៀនកូនឲ្យចេះធ្វើអនាម័យខ្លួនប្រាណតាមវិធីសាស្ត្រទាំងនេះ

ចុចអាន៖ ៥ ចំណុច ដោះស្រាយភាពតានតឹងរបស់កុមារ ក្នុងពេលផ្ទុះកូវីដ-១៩

Related Topics:សុខភាពកុមារ