សារៈសំខាន់​នៃ​ការពិនិត្យ​អេកូ​សាស្ត្រ​ទារក ក្នុង​ផ្ទៃ​!
Connect with us
Helistar Cambodia - Helicopter Charter Services

សុខភាព

សារៈសំខាន់​នៃ​ការពិនិត្យ​អេកូ​សាស្ត្រ​ទារក ក្នុង​ផ្ទៃ​!

បានផុស

នៅ

​ការពិនិត្យ​អេកូ​ទារក​ក្នុង​ផ្ទៃ​មាន​សារៈសំខាន់​ណាស់ មិនអាច​ខ្វះ​បាន សម្រាប់​ការអនុវត្ត​ជាក់ស្តែង​នៅ​ផ្នែក​សម្ភព​។ គឺជា​ការផ្តល់​ភាព​សុក្រឹត និង​អត្ថប្រយោជន៍​ជាច្រើន ក្នុងករណី​មានការ​ចូលរួម​ពី​លោក​-​លោកស្រី​ជា​មាតា បិតា​។ ខាងក្រោម​នេះ​ជាការ​ណែនាំ​នូវ​ចំណុច​ទាំងឡាយ​ដែល​លោក​-​លោកស្រី​គួរ​ចងចាំ នៅពេល​ពិនិត្យ​អេកូ​៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១) ការពិនិត្យ​ដើម្បី​រក​អាយុ​គភ៌ និង​កាលបរិច្ឆេទ​គ្រប់​ខែ​៖

​ស្ត្រី​ដែលមាន​ផ្ទៃពោះ​ទាំងអស់ ចាំបាច់​គួរ​ពិនិត្យ​នៅពេល​គភ៌​មាន​អាយុ​ពី ១១ ទៅ​១៤​ស​ប្តា​ហ៏ គឺជា​ការពិនិត្យ​ដែល​ផ្តល់​ភាព​សុ​ក្រិត​ជាងគេ ហើយ​ស្ត្រី​ត្រូវ​ចងចាំ​នូវ​កាលបរិច្ឆេទ​គ្រប់​ខែ​នោះ​រហូត​ដល់ពេល​សម្រាល​កូន​។​

២) ការពិនិត្យ​កាយសម្បទា​របស់​ទារក​ក្នុង​ផ្ទៃ​៖

​ស្ត្រី​ដែលមាន​ផ្ទៃពោះ​គួរ​ធ្វើការ​ពិនិត្យ​នៅ​សប្តាហ៍​ទី​២២ ដល់ ២៤ គឺជា​ពេលវេលា​សមស្រប ដែល​អាចឲ្យ​យើង​ពិនិត្យ បាន​ងាយស្រួល ព្រោះ​សរីរាង្គ​ទារក​ធំ​ល្មម និង​បរិស្ថាន​ជុំវិញ​ទារក​មាន​សភាព​ស្រឡះ​ល្អ​។ ការពិនិត្យ​មុន ឬ​ក្រោយ ពេលនេះ​មាន​លក្ខណៈ​ពិបាក និង​មិន​សព្វ​ជ្រុងជ្រោយ​។ ៨០%​នៃ​ជំងឺ​របស់​ទារក​ក្នុង​ផ្ទៃ ត្រូវបាន​ពិនិត្យឃើញ ដោយសារ​ការធ្វើ​អេកូ​សាស្ត្រ​។​

៣) ការពិនិត្យ​សម្រាប់​វាយ​តំលៃ​ការ​សម្រាល​៖

​ការពិនិត្យ​អេកូ​ត្រូវធ្វើឡើង​នៅ​ចន្លោះ​ពី ៣២ ទៅ ៣៤ សប្តាហ៍ ព្រោះ​អាច​ឲ្យ​យើង​ដឹង​អំពី​ទម្រង់ ទំហំ ទម្ងន់​របស់​ទារក ទីតាំង​សុក និង​បរិមាណ​ទឹកភ្លោះ ដែលមាន​ទំនាក់ទំនង​យ៉ាង​ជិតស្និទ្ធ​ទៅនឹង​លទ្ធភាព​នៃ​ការ​សម្រាលកូន​។​

៤) ការណែនាំ​ផ្សេងៗ​ទៀត​៖

– ការពិនិត្យ​អេកូ​ផ្ទៃពោះ​មិនមាន​ផលប៉ះពាល់​ដល់​សុខភាព​របស់​ម្តាយ និង​ទារក​ឡើយ​។​

– ការពិនិត្យ​អេកូ​ត្រូវធ្វើឡើង​យ៉ាងតិច​៣​ដង ក្នុងអំឡុងពេល​ពី​មាន​ផ្ទៃពោះ​រហូតដល់​គ្រប់​ខែ ក្នុងករណី​ការវិវត្តន៍​របស់ ផ្ទៃពោះ​ធម្មតា​។ គ្រប់ការ​ពិនិត្យ​អេកូ​ត្រូវ​មាន​ការណែនាំ​ជាមុន​ពី​គ្រូពេទ្យ​ជំនាញ ដើម្បី​ជៀសវាង​ការពិនិត្យ​ច្រើនដង ឥតប្រយោជន៍​ខាត​ពេលវេលា​និង​ថវិកា​។ ករណី​ផ្ទុយ​ពីនេះ ការពិនិត្យ​អេកូ​ត្រូវធ្វើឡើង​បន្ថែមទៀត តាម​ការតាមដាន​រប​ស់​គ្រូពេទ្យ​ជំនាញ ទៅតាម​ករណី​ដែល​បាន​ជួបប្រទះ​។​

– គ្រប់ការ​ពិនិត្យ​អេកូ​ផ្ទៃពោះ​មិនចាំបាច់​ពិសា​ទឹកជា​មុន ដើម្បី​ឲ្យ​មាន​ទឹកនោម​ក្នុង​ប្លោកនោម​ទេ​។ លើកលែងតែ​ក្នុងករណី​ការពិនិត្យ​អេកូ​ផ្ទៃពោះ​ក្នុង​ខែ​ដំបូង ការពិនិត្យ​ទីតាំង​សុក និង​វាស់​ប្រវែង​របស់​មាត់ស្បូន​។​

“​រាល់ពេល​មក​ពិគ្រោះ​ជាមួយ​អ្នកជំនាញ​រោគ​ស្ត្រី និង​សម្ភព និង​មក​ទទួល​ពិនិត្យ​អេកូ​សាស្ត្រ​ទារ​កនៅ​មន្ទីរពេទ្យ​កាល់ម៉ែត សូម​លោក​-​លោកស្រី ជម្រាប​គ្រប់​ព័ត៌មាន​អំពី​ស្ថានភាព​សុខភាព​នៃ​មាតា និង​បម្រែបម្រួល​នៃ​ទារក​”៕​

អត្ថបទ៖ រស្មី​

សូមចុចអាន៖​ ម្ដាយឆ្លងកូវីដ-១៩ ពេលពពោះ កូនក្នុងផ្ទៃមានហានិភ័យអីខ្លះ?​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

មុននេះ សមត្ថកិច្ចចាប់ខ្លួនកូនប្រសាឧកញ៉ា ហេង សៀ ជួលមនុស្សថតរូបអាសអាភាស បំផ្លាញកិត្តិយស កញ្ញា ​មាន ពេជ្ររីតា

ព័ត៌មានជាតិ១៤ នាទី មុន

គណបក្ស​ប្រជាជន​កម្ពុជា ប្រកាស​ផ្អាក​ប្រារព្ធ​ទិវា​ជាតិ នៃ​ការចងចាំ ថ្ងៃទី​២០ ខែឧសភា ដោយសារ​ការ​រីក​រាលដាល នៃ​ជំងឺ​កូ​វីដ​-១៩

ព័ត៌មានខ្លីៗ១៩ នាទី មុន

នាំខ្លួនកូនប្រសារឧកញ៉ា ហេង សៀ ទៅសាកសួរករណីជួលមនុស្សថតរូបអាសអាភាសបំភាន់សាធារណជន

ព័ត៌មានជាតិ២៦ នាទី មុន

អង្គការ​មូលនិធិ​កុមារ​កម្ពុជា ឧបត្ថម្ភ​ថវិកា​ចំនួន​១៥០០០​ដុល្លា ដល់​សមាគម​គ្រូពេទ្យ​ស្ម័គ្រចិត្ត​TYDA ដើម្បី​ចូលរួម​ប្រយុទ្ធប្រឆាំង​ជំងឺ​កូ​វីដ​-១៩

កូវីដ-១៩៥៤ នាទី មុន

លោកស្រី​ឱ ​វណ្ណឌី​ន ​៖​ ពលរដ្ឋ​គួរតែ​ពាក់​ម៉ាស​ល្អ​ជាង​ពាក់​ម៉ាស៊ីន​ដកដង្ហើម​នៅ​កន្លែង​សង្គ្រោះបន្ទាន់

Sokha Hotels

ព័ត៌មានពេញនិយម

Helistar Cambodia - Helicopter Charter Services