រឿងរ៉ាវ ៨ យ៉ាងដែលយើងមិនដឹងពីតារា YouTube និង Instagram ដ៏មានប្រជាប្រិយ Jeffree Star – Kampuchea Thmey Daily
Connect with us
Helistar Cambodia - Helicopter Charter Services

KPT+

រឿងរ៉ាវ ៨ យ៉ាងដែលយើងមិនដឹងពីតារា YouTube និង Instagram ដ៏មានប្រជាប្រិយ Jeffree Star

Published

on

លោក Jeffree Star ជាតារា YouTube ក៏ដូចជាតារា Instagram ដ៏មានប្រជាប្រិយ និងជាម្ចាស់យីហោដ៏ធំបំផុតមួយនៅក្នុងឧស្សាហកម្មថែរក្សាសម្ផស្សនាពេលបច្ចុប្បន្ននេះ។ លោកត្រូវបានគេស្គាល់តាមរយៈឆានែល YouTube ដែលមានអ្នក Subscribe ប្រមាណ ១៦ លាននាក់។ វីដេអូ Jeffree Star មានប្រជាប្រិយភាពខ្លាំងណាស់ដោយរកបានអ្នកចូលទស្សនារាប់លានដងក្នុង១វីដេអូ។ ទន្ទឹមនឹងភាពល្បីល្បាញរបស់តារាភេទទី៣រូបនេះ មានរឿងរ៉ាវមួយចំនួនដែលប្រិយមិត្តមិនទាន់បានដឹងនោះទេ ។

១. កំណើតរបស់ Jeffree Star

Jeffree Star កើតនៅថ្ងៃទី ១៥ ខែវិច្ឆិកាឆ្នាំ ១៩៨៥ ហើយឆ្នាំ ២០២០​ លោកមានអាយុ ៣៥ ឆ្នាំ។ តារា YouTube រូបនេះកើតនៅក្រុង Orange County ក្នុងរដ្ឋ California សហរដ្ឋអាមេរិក។

២. Jeffree Star មុនល្បីឈ្មោះ

Jeffree Star មានឈ្មោះដើម Jeffrey Lynn Steininger Jr ។ លោកចាប់ផ្ដើមរៀនផាត់មុខដំបូងដោយប្រើគ្រឿងសម្អាងរបស់ម្តាយ។ ក្រោយមកលោកបានចូលរៀនផ្នែកតុបតែងមុខនៅសាលា។ បន្ទាប់ពីបញ្ចប់ការសិក្សានៅវិទ្យាល័យ Jeffree បានផ្លាស់ទៅរដ្ឋ Los Angeles ហើយចាប់ផ្ដើមការបង្ហាញម៉ូដ ការផាត់មុខ និងការងារផ្នែកតន្រ្តីផ្សេងទៀត។ មុនពេលក្លាយជាម៉ូឌែល Instagram លោក Jeffree បានថតរូបបង្ហោះនៅលើ MySpace ហើយទទួលបានការចាប់អារម្មណ៍តាំងពីពេលនោះមក ។

៣. ម្ដាយរបស់​ Jeffree Star

ទំនាក់ទំនងរវាង Jeffree ជាមួយម្តាយមានភាពរញេរញៃ ដោយសារពួកគេទាំងពីរធ្លាប់ទាស់ទែងគ្នា និងឈប់និយាយរកគ្នាជាង១០ឆ្នាំ។ ទើបតែពេលថ្មីៗនេះទេ ទើបអ្នកទាំងពីរចាប់ផ្ដើមផ្សះផ្សារទំនាក់ទំនងម្ដាយកូនឡើងវិញ។

៤. មិត្តប្រុសរបស់ Jeffree Star

Jeffree Star ធ្លាប់មានទំនាក់ទំនងស្នេហាជាមួយលោក Nathan Schwandt ពីឆ្នាំ ២០១៥-២០១៩ ។ លោក Nathan មានអាយុប្អូន Jeffree Star ៨ឆ្នាំ។ លោកជាមនុស្សដំបូងដែលជម្រុញលើកទឹកចិត្ត Jeffree ឲ្យបង្កើតឆានែល YouTube។ ប៉ុន្តែបច្ចុប្បន្ន Andre Marhold ជាសង្សារថ្មីរបស់តារារូបនេះ។

៥. ឆ្កែរបស់ Jeffree Star

Jeffree Star និង Nathan Schwandt ចិញ្ចឹមឆ្កែ ៥ ក្បាលតាំងពីខែមករាឆ្នាំ ២០១៨ ដែលឆ្កែទាំងអស់នោះមានឈ្មោះផ្ដើមដោយអក្សរ D រួមមាន Diva, Dadd, Diamond, Drama និង Delicious ។ គួរឲ្យសោកស្ដាយឆ្កែមួយក្បាលឈ្មោះ Diamond បានងាប់កាលពីឆ្នាំ ២០១៩ ពេលអ្នកទាំងពីរកំពុងវិស្សមកាល។

៦. ស្នាមសាក់របស់ Jeffree Star

Jeffree Star មានស្នាមសាក់ពីក្បាលដល់ចុងជើង ពោលគឺពេញខ្លួនតែម្ដង។ គ្រប់ស្នាមលើដងខ្លួនរបស់តារា YouTube រូបនេះ មានតាំងពីលោកនៅក្មេងមិនទាន់ចូលរៀនវិទ្យាល័យម្ល៉េះ។ វាជារឿងរ៉ាវឈឺចាប់ដែល Jeffree ធ្លាប់ជួបកាលពីកុមារ និងជារឿងរ៉ាវតស៊ូក្នុងឆាកជីវិតរបស់លោក។

៧. Jeffree Star នៅមុននិងក្រោយពេលតុបតែងមុខ

Jeffree Star នៅមុននិងក្រោយពេលផាត់មុខ គឺខុសគ្នាដាច់ស្រឡះ។ មុខមាត់របស់លោកខុសគ្នាទាំងស្រុងមិនគួរឲ្យជឿ។ ដោយសារតែបែបនេះទើប Jeffree ត្រូវបានគេកោតសរសើរនិងគាំទ្រនូវទឹកដៃសិល្បៈមួយនេះ រហូតធ្វើឲ្យលោកក្លាយជាតារាម៉ូឌែល Instagram ដ៏ល្បីឈ្មោះមួយរូប។

៨. ទ្រព្យសម្បត្តិរបស់ Jeffree Star

Jeffree Star ទទួលបានប្រាក់ចំណូលតាមរយៈយីហោផលិតផលថែរក្សាសម្ផស្ស និងប្រាក់ចំណូលពីបណ្តាញសង្គម។ ទ្រព្យសម្បត្តិរបស់លោកគិតជាសាច់ប្រាក់សុទ្ធត្រឹមឆ្នាំចុងឆ្នាំ ២០២០ មានប្រមាណជា ៧៥ លានដុល្លារ៕

ប្រែសម្រួល៖ សន្យា

ចុចអាន៖ ជីវិត​ប្រចាំ​ថ្ងៃ​របស់​មហាសេដ្ឋី TESLA និង SPACEX ព្រមទាំងទម្លាប់​ពេល​ទំនេរ

ចុចអាន៖ ហេតុផល ៦យ៉ាង ​ដែល​យើង​គួរ​គិត​​ហើយ​គិត​ទៀត​ មុន​សម្រេចចិត្តចាក់​សាក់

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ5 mins ago

លោក​ចម ប្រសិទ្ធ អំពាវនាវ​ឲ្យ​អ្នក​វិនិយោគ​ឥណ្ឌា​មក​បណ្តាក់​ទុន​នៅ​កម្ពុជា​លើ​វិស័យ​អាទិភាព​ជាច្រើន​កំពុងតែ​រង់ចាំ

ព័ត៌មានជាតិ16 mins ago

អន្ដរក្រសួង​បន្ត​ពិនិត្យ និង​ពិភាក្សា​លើ​មាត្រា​១២ និង​១៣ នៃ​សេចក្ដីព្រាងច្បាប់​អន្ដោប្រវេសន៍​ថ្មី

ព័ត៌មានជាតិ20 mins ago

ក្រុម​មេធាវី​ដាក់​លិខិត​ស្នើសុំ​បន្ត​សវនាការ​លើ​សំណុំរឿង​ព្រហ្មទណ្ឌ​របស់លោក កឹម សុខា​

ព័ត៌មានជាតិ44 mins ago

ស្ពាន​ព្រះមុនីវង្ស​ចាស់​ គ្រោង​នឹង​ជួសជុល​បង្កាន់​ដៃ​ស្ពាន​ ផ្លូវ​ថ្មើរ​ជើង​ និង​អ៊ុត​កៅស៊ូ​តួស្ពានចាប់​ពីថ្ងៃទី២៧ មករាតទៅ

ព័ត៌មានជាតិ2 hours ago

លទ្ធផល​ជំរឿន​បង្ហាញថា ប្រជាជន​កម្ពុជា​ធ្លាក់ចុះ​នៃ​អត្រា​លទ្ធភាព​បង្កើតកូន​

Sokha Hotels

ព័ត៌មានពេញនិយម

Helistar Cambodia - Helicopter Charter Services