KPT+
មូលហេតុ ៤ ធំៗ ដែលមនុស្សខ្លះមិនស្ដាប់ដំបូន្មាន ឬគ្រាន់តែស្ដាប់ហើយមិនអើពើ
ធ្លាប់មានអារម្មណ៍ខកចិត្តទេ នៅពេលដែលបានព្យាយាមជួយមិត្តភ័ក្ដិដោះស្រាយបញ្ហារបស់ពួកគេ បែរជាមិនឃើញគេទទួលយកដំបូន្មានទាំងនេះ? អាចជារឿងពិបាកបន្តិច ក្នុងការជួយមនុស្សនៅពេលពួកគេមិនស្ដាប់ហេតុផលរបស់យើង។
មនុស្សជាច្រើនមករកយើងដើម្បីចង់បានដំបូន្មាន ប៉ុន្តែនៅពេលដែលយើងបានព្យាយាមផ្ដល់ការណែនាំវិជ្ជមាន មានអ្នកខ្លះ មានឥរិយាបថបង្ហាញថាមិនទទួលយក។
នេះជាមូលហេតុ ៤ យ៉ាងរបស់ពួកគេ ៖
១. ពួកគេមិនផ្ដល់តម្លៃដល់ជីវិតខ្លួនឯង
មនុស្សគ្រប់គ្នាដែលជួបរឿងមិនល្អ ក៏ចាប់ផ្ដើមធ្វើឲ្យពេលវេលារបស់ពួកគេគ្មានតម្លៃ។ អ្នកខ្លះបានបាត់បង់គ្រប់យ៉ាង តែមិនបានផ្ដល់តម្លៃដល់ជីវិតរបស់គេទេ។ ឬអ្នកខ្លះទៀត ទទួលយកដំបូន្មាន ប៉ុន្តែមិនធ្វើអ្វីទាំងអស់ជាមួយបញ្ហា។ គេចូលចិត្តស្ដាប់ តែមិនអនុវត្ត ហើយគិតថាជីវិតគ្មានតម្លៃអ្វីត្រូវទទួលយក។
២. ពួកគេមានការភ័យខ្លាចចំពោះភាពជោគជ័យ
ពួកគេអាចគិតពីរឿងដែលពួកគេបានជៀសវាង ព្រោះខ្លាចភាពជោគជ័យមិនអាចមកដល់។
រឿងណាក៏ដោយ បើអាចចៀសវាងបាន ពួកគេនឹងជៀស គឺដោយសារតែមិនដឹងលទ្ធផលទៅជារបៀបម៉េច។
បញ្ហាចម្បងដែលមនុស្សខ្លាចភាពជោគជ័យ គឺពួកគេគិតថាគ្រប់យ៉ាងអាចនឹងគ្មានដំណើរការ ឬគ្មានផ្លូវអាចចាកចេញបាន។ ពួកគេមិនសូវចូលចិត្តមានក្ដីសង្ឃឹម ថាថ្ងៃស្អែកនឹងប្រសើរជាងនេះឡើយ ដោយសារពួកគេមិនចូលចិត្តធ្វើអ្វីដើម្បីកែបញ្ហាថ្ងៃនេះឡើយ។
ទោះបីយើងព្យាយាមប្រាប់មិត្តភ័ក្ដិពីរឿងនេះ ប៉ុន្តែពួកគេនៅតែបន្តដោយភាពអស់សង្ឃឹមដដែល។
៣. ពួកគេបដិសេធហើយគិតថាគំនិតគេល្អជាង
ការបដិសេធធ្វើឲ្យរំខានដល់សមត្ថភាពក្នុងការធ្វើសកម្មភាពគ្រប់រឿង។ ពួកគេអាចគិតថាគំនិតរបស់គេល្អជាងយើង ដែលចូលចិត្តផ្ដល់ដំបូន្មានឲ្យគេ។ ហើយបើយើងផ្ដល់ដំបូន្មានឲ្យពួកគេរឿងស្នេហា ទៀតគេរឹតតែលែងជឿ បើសិនគេបានបែកបាក់គ្នា ឬឈ្លោះគ្នាជាដើម។
៤. ពួកគេមិនមានទស្សនវិស័យនឹងពេលវេលា
តើយើងធ្លាប់បានកត់សម្គាល់ទេថា មនុស្សដែលមកយឺត ហើយឲ្យអ្នកដទៃរង់ចាំជានិច្ច មិនដែលសម្រេចនូវអ្វីដែលមានអត្ថន័យនៅក្នុងជីវិតរបស់គេទេ?
ដើម្បីសម្រេចកិច្ចការបាន យើងត្រូវមានចក្ខុវិស័យច្បាស់លាស់ថា តើត្រូវចំណាយពេលប៉ុន្មាន។ បន្ទាប់មកយើងត្រូវរៀបចំផែនការជំហាននីមួយៗ ឲ្យសមនឹងពេលវេលាដែលបានបែងចែក។
បើយើងព្រងើយកន្តើយនឹងបញ្ហា ហើយទុកពេលវេលាឲ្យខ្លី ឬមិនគិតថាវាត្រូវការពេលប៉ុន្មាន យើងនឹងត្រូវបរាជ័យ។
មិត្តភ័ក្ដិខ្លះដែលនិយាយថា ពួកគេយល់ពីអ្វីដែលយើងកំពុងប្រាប់ពួកគេឲ្យធ្វើ។ ពួកគេយល់ស្រប ស្ដាប់មើលទៅដូចជាដំណោះស្រាយចំពោះភាពលំបាករបស់ពួកគេ។ បញ្ហាតែមួយគត់គឺពេលក្រោយមក ពួកគេមិនបានចាប់ផ្ដើមធ្វើតាមយើងឡើយ៕
ប្រែសម្រួល៖ សាង ស្រីល័ក្ខ
ចុចអាន៖ចិត្តសាស្ត្រ! សង្កេតកាយវិការសម្គាល់អារម្មណ៍មនុស្ស
ចុចអាន៖ហេតុអ្វីបានជាកូនៗ ជិតស្និទ្ធជាមួយជីដូនជីតាជាងឪពុកម្ដាយ?
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)