KPT+
សកម្មភាព៥ យ៉ាងនេះអាចធ្វើភ្លាមក្រោយពីប្រឡងកុំឲ្យចំណាយពេលឥតប្រយោជន៍
ក្រោយពីប្រឡងបញ្ចប់ការសិក្សា សិស្ស-និស្សិតមួយចំនួនពុំដឹងថាត្រូវធ្វើអ្វីឲ្យរសាយអារម្មណ៍តានតឹង ឬចាប់ផ្ដើមធ្វើអ្វីឲ្យមានប្រយោជន៍នៅឡើយទេ។ ពួកគេខ្លះបានចំណាយពេលឲ្យកន្លងទៅឥតអំពើដោយមិនបានបានធ្វើអ្វីទាំងអស់។ យ៉ាងណារឿង ៥ យ៉ាងនេះអាចជួយទាំងសិស្សថ្នាក់វិទ្យាល័យ ឬនិស្សិតមហាវិទ្យាល័យអាចយកទៅប្រើការបាន ក្រោយបញ្ចប់ថ្នាក់សិក្សារបស់ខ្លួន៖
ចាប់ផ្តើមធ្វើប្លុក ឬបង្កើតគេហទំព័រ
ការងារនេះជាការងារមួយដែលកំពុងពេញនិយមក្នុងសម័យកាលបច្ចេកវិទ្យា។ ប្រសិនបើអ្នកចេះជំនាញព័ត៌មានវិទ្យា(IT) ខ្លះៗ ការចងក្រងឯកសារពីម្ហូបអាហារ ការថែទាំសុខភាព សម្លៀកបំពាក់ ការថតរូប និងអ្វីផ្សេងជាច្រើនទៀតចូលទៅក្នុងប្លុកឬគេហទំព័រ វាពិតជាមានប្រយោជន៍មិនត្រឹមតែផ្ដល់ឲ្យនូវអាជីពមួយប៉ុណ្ណោះទេ តែវាក៏ជួយរកចំណូលបានផងដែរ។
ទទួលយកបទពិសោធន៍ការងារ
កុំខ្លាចថា ខ្លួនក្មេងពេកក្នុងការចាប់ផ្ដើមធ្វើការងារពីពេលនេះទៅ ទោះបីទទួលបានប្រាក់ខែតិចតួចក៏ដោយ ព្រោះវានឹងផ្ដល់បទពិសោធន៍ដល់អាជីពទៅថ្ងៃអនាគត ហើយយ៉ាងហោចណាស់ក៏វាប្រសើរជាងដើរទាត់ខ្យល់លេងទទេៗដែរ។ ពេលនេះ ជាជាពេលវេលាដ៏ល្អដើម្បីចេញក្រៅនិងទទួលយកបទពិសោធន៍ការងារ និងស្វែងយល់នូវអ្វីដែលអ្នកចូលចិត្តធ្វើនិងអ្វីដែលមិនចូលចិត្តនៅពេលក្រោយ។
រៀនភាសាបន្ថែម
ចេះភាសាច្រើន ស្មើនឹងមានឱកាសកាន់តែច្រើន។ ពិភពលោករបស់យើងកាន់តែមានលក្ខណៈអន្តរជាតិកម្រិតណា សារសំខាន់នៃភាសាបរទេសកាន់តែមានតម្រូវការខ្ពស់។ ជំនាញភាសាគឺមានសារៈសំខាន់សម្រាប់អាជីពនាពេលអនាគតរបស់អ្នក វាមិនមែនគ្រាន់តែជាការស្ទាត់ជំនាញលើពាក្យនិងវេយ្យករណ៍ប៉ុណ្ណោះទេ ប៉ុន្តែវាសំខាន់ដើម្បីពង្រីកការយល់ដឹងរបស់អ្នកតាមរយៈការនូវស្គាល់វប្បធម៌ថែមទៀត។ ក្រៅពីនេះការរៀនភាសាបរទេស វាមានប្រយោជន៍ ប្រសិនបើអ្នកទៅសិក្សានៅឯបរទេស។
ធ្វើការងារស្ម័គ្រចិត្ត
មធ្យោបាយដ៏ល្អមួយទៀតដើម្បីពង្រីកការយល់ដឹងនិងទទួលបានការកោតសរសើរ គឺគួរចុះឈ្មោះជួយការងារស្មគ្រ័ចិត្តផ្សេងៗ។ ការចាកចេញពីមិត្តភក្តិនិងក្រុមគ្រួសារនឹងក្លាយដើម្បីធ្វើការស្ម័គ្រចិត្ត វាជាការទទួលបទពិសោធច្រើនបំផុតដែលមិនធ្លាប់មាន ដោយអ្នកនឹងស្គាល់ពិភពថ្មី រសជាតិជីវិតថ្មី និងមនុស្សថ្មីៗជាច្រើនទៀត។
ធ្វើអ្វីដែលមិនធ្លាប់ធ្វើពីមុន
ប្រសិនបើអ្នកជាមនុស្សដែលមកពីគ្រួសារមានទ្រព្យគួរសម ដំណើរកម្សាន្តឆ្ងាយៗជារឿងល្អបំផុតដើម្បីភ្លក់រសជាតិថ្មីៗ។ ប៉ុន្តែបើអ្នកមិនសូវមានលុយកាក់ វាក៏មិនមែនជាបញ្ហាដែរ ព្រោះអ្នកក៏អាចចាប់ផ្ដើមធ្វើអ្វីថ្មីបានដូចគ្នា។ អ្វីដែលអ្នកមិនធ្លាប់ធ្វើពីមុន សាកចាប់ផ្ដើមធ្វើវាឥឡូវនេះទៅ! ទោះបីតូចៗក៏ដោយ វាសុទ្ធរឿងគួរធ្វើដែលផ្ដល់មេរៀនថ្មីសម្រាប់ជីវិត៕
ប្រែសម្រួល៖ សន្យា
ប្រភព៖ EF
ចុចអាន៖នេះហើយ ជាសញ្ញាប្រាប់ថាសិស្សសាលាកំពុងមានជំងឺបាក់ទឹកចិត្ត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត