បាត់បង់​គ្រប់យ៉ាង​ មិន​មែន​មានន័យ​ថា​ជា​ចុង​បញ្ចប់​នៃ​ជីវិត​ឡើយ
Connect with us
Helistar Cambodia - Helicopter Charter Services

KPT+

បាត់បង់​គ្រប់យ៉ាង​ មិន​មែន​មានន័យ​ថា​ជា​ចុង​បញ្ចប់​នៃ​ជីវិត​ឡើយ

បានផុស

នៅ

ការ​បាត់បង់ ​ជា​ទូទៅ​គឺ​ជា​រឿង​​ដែល​យើង​ជួប​តាំង​ពី​ក្មេង។ បាត់បង់​ស្ថិរភាព​ហិរញ្ញវត្ថុ ​ក្ដី​សុបិន ​ឬ​មនុស្ស​ជា​ទី​ស្រឡាញ់។ ទោះបី​មាន​ការ​ឈឺចាប់​ក្នុង​ការ​ជាន់​ឈ្លី​ក៏ដោយ​ យើង​អាច​ជ្រើសរើស​ដក​ដង្ហើម​វែងៗ ​ហើយ​ត្រូវ​ក្រោកឈរ​មកវិញ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុំប្រើភាសាតាមយថាកម្មមកកំណត់ជីវិតខ្លួន! លើលោកនេះគ្មានអ្នកណាមកកំណត់បាន ក្រៅពីយើងណុងជាអ្នកគូសវាសជោគវាសនាខ្លួនឯង។ បើកំពុងជួបកម្មប្រញាប់ស្រាយវាចេញ ឬធ្វើបុណ្យសន្សំចិត្តមេត្តាឲ្យបានច្រើន។

ដូចខាងក្រោមនេះ បាត់បង់​គ្រប់យ៉ាង​ មិន​មែន​មានន័យ​ថា​ជា​ចុង​បញ្ចប់​នៃ​ជីវិត​ឡើយ៖

 ១. វា​អាស្រ័យ​លើ​អាកប្បកិរិយា​របស់​យើង៖​ គ្រប់​រឿង​ទាំងអស់​ គឺ​អាស្រ័យ​លើ​អត្តចរិត​របស់​យើង ​និង​កន្លែង​ដែល​យើង​ជ្រើសរើស​ដាក់​វា​ជា​សារៈសំខាន់​ក្នុង​ជីវិត។ ប៉ុន្តែ​យើង​ត្រូវ​ដឹង​ថា ​ជីវិត​មាន​ទំនោរ​ក្នុង​ការ​លោត​ផ្លោះ​រវាង​អ្វី​ដែល​ល្អ​និង​អាក្រក់​ ហើយ​យើង​ក៏​ត្រូវ​មាន​ឥរិយាបថ​និង​ស្ថានភាព​ផ្លូវ​ចិត្ត​រឹងមាំ​ដែរ។

បើ​ទោះបី​ជា​មាន​អ្វី​កើត​ឡើង​ក៏​ដោយ​ មិន​ត្រូវ​អនុញ្ញាត​​ឲ្យ​វា​ជះឥទ្ធិពល​ដល់​យើង​ តាមរបៀប​អាក្រក់​នោះ​ទេ។

២. បណ្ដុះ​ជំនឿ​លើ​ខ្លួនឯង ៖​ នៅ​ពេល​ដែល​បាត់បង់​គ្រប់យ៉ាង​ យើង​ប្រាកដជា​មាន​អារម្មណ៍​ខុស​ពី​ខ្លួនឯង​ពីមុន។ មនុស្ស​ម្នាក់​ដែល​ធ្លាប់​មាន​ភាព​ប៉ិនប្រសប់​និង​សកម្ម​ក្នុង​ជីវិត​ តែ​បែរ​ជា​បាត់​សូន្យ​ទៅវិញ។ វា​មាន​តែ​ភាព​ទទេ​ស្អាត​មួយ​បាន​លេច​មក។

ប៉ុន្តែ​មិន​ថា​ជួប​ព្យុះ​កំណាច​មក​ពី​ណា​ ត្រូវ​រៀន​បណ្ដុះ​ជំនឿ​លើ​ខ្លួនឯង តាម​អ្វីដែល​ធ្វើ​បាន។​​ កុំផ្ញើរជីវិតនឹងយថាកម្មឲ្យសោះ! បើកំពុងជួបទុក្ខប្រញាប់ស្រាយចេញ ជួបមនុស្សអាក្រក់ប្រញាប់ដើរចេញភ្លាម។

៣. កុំ​ចុះចាញ់ ៖​ យើង​អាច​មាន​អារម្មណ៍​មិន​ច្បាស់​និង​គ្មាន​សុវត្ថិភាព ​ប៉ុន្តែ​ត្រូវ​តែ​រក្សា​​ភាព​ជា​ខ្លួនឯង ​ជឿជាក់​ខ្លួនឯង​ ហើយ​នៅ​ទីបំផុត​ទំនុក​ចិត្ត​និង​សុវត្ថិភាព ​នឹង​ត្រលប់​មក​វិញ។

មិន​ត្រូវ​កំណត់​ជីវិត​ខ្លួនឯង​ត្រឹម​រឿង​ប៉ុណ្ណឹង​ ដោយ​វិធីចុះ​ចាញ់​ឡើយ ​ប៉ុន្តែ​យក​កម្លាំង​ជំរុញ​ហើយ​ក្រោកឈរ​ប្រយុទ្ធ​ប្រឆាំង​នឹង​វា។ ជ្រើសរើស​ដោះស្រាយ​ភាព​លំបាក​ដែល​បាន​កើតឡើង​ នោះ​យើង​នឹង​ដឹង​ថា ​យើង​​ជា​នរណា។

៤. ចរិត​គឺ​វាសនា ៖​ ទស្សនវិទូ Heraclitus ធ្លាប់​បាន​ប្រកាស​ពី​សេចក្ដី​ពិត​មួយ​ថា “ ចរិត​របស់​បុរស​គឺជា​ជោគវាសនា​របស់​គាត់” ។ នេះ​ជា​មូលដ្ឋាន​នៃ​ការ​ពិត ​ដែល​ថា​យើង​ជា​នរណា​ និង​អ្វី​ដែល​បាន​ជ្រើសរើស ​អាចកំណត់​ជីវិត​របស់​យើងបាន។

ចរិត​គឺ​ជា​រឿង​មួយ​ដែល​យើង​មិន​អាច​បាត់បង់​បាន​ឡើយ ​វា​បាន​បង្ហាញ​ពី​ជោគវាសនា​ និង​គោលដៅ​របស់​យើង។ ត្រូវ​ប្រាកដ​ថា​ វា​គឺ​ជា​រឿង​ដែល​ជំរុញ​ពី​សេចក្ដី​ស្រឡាញ់ ​ការ​អាណិតអាសូរ ​និង​ភាព​រឹងមាំ​របស់​យើង។

៥. មាន​ជីវិត​គឺ​នឹង​មាន​ការ​ឡើង​ចុះ​ដូច​ជណ្ដើរ ៖​ ការ​ឡើង​ចុះ​នៃ​ជីវិត​នឹង​ឆ្លុះ​បញ្ចាំង​តាម​វិធី​ដែល​យើង​មិន​ដែល​គិត​ថា ​កើតមាន​លើ​ខ្លួនឯង​ឡើយ។ ប៉ុន្តែ​​បើ​យើង​អនុញ្ញាត ​វា​នឹង​ធ្វើ​ឲ្យយើង​ក្លាយ​ជា​ខ្លួន​យើង​ផ្ទាល់។

នៅ​ពេល​ឆ្នាំ​កាន់​តែ​ជិត​កៀកមួយឆ្នាំទៀត ​យើង​ក៏​មាន​អារម្មណ៍​ថា​ មិន​មាន​សល់​អ្វី​ក្នុង​ជីវិត ​ដូចជា​​លែង​មាន​ការ​ប្រយុទ្ធ​ក្នុង​ជីវិត​ លែង​ប្រឈមមុខ​នឹង​បញ្ហា។ យើង​អាច​មាន​អារម្មណ៍​ថា​អស់​សង្ឃឹម ​វា​ដូចជា​ទី​បញ្ចប់ ។

រំលឹក​ខ្លួនឯង​ថា​ ទោះ​ដាច់ឆ្នាំ​​ទី​ប៉ុន្មាន​ ត្រូវ​តែ​ជា​ឆ្នាំ​ល្អ​ប្រសើរ​សម្រាប់​ខ្លួនឯង​ និង​មនុស្ស​ជា​ទី​ស្រលាញ់។ មិន​សន្យា​ថា​វា​នឹង​ដំណើរ​រការលូន​ទេ​ ប៉ុន្តែ​បើ​យើង​ជ្រើសរើស​ជឿ​លើ​ខ្លួនឯង​ ត្រូវ​ដឹង​ថា​វិធី​ដែល​យើង​ជ្រើសរើស​ដើម្បី​ដោះស្រាយ​ការ​គំរាមកំហែង​ទាំងនោះ​ នឹង​កំណត់​លទ្ធផល​នៃ​ជ័យ​ជម្នះ ​ឬ​បរាជ័យ​របស់​យើង​បាន។

ការ​បរាជ័យ​និង​ការ​បាត់បង់​គ្រប់យ៉ាង​​​ មិន​មាន​ន័យ​ថា​ទី​បញ្ចប់​ទេ។ យើង​ត្រូវ​តែ​ជឿជាក់​លើ​ខ្លួនឯង ​កុំ​ចុះចាញ់​ ជម្នះ​គ្រប់​បញ្ហា​ ហើយ​កុំ​ជ្រើសរើស​បាត់ខ្លួន​ចេញ​ពី​ពិភពលោក​នេះ​ឲ្យ​សោះ។ ពេលខ្លះ វា​អាច​មាន​ន័យ​ថា​ យើង​កំពុង​តែ​ក្លាយ​ជា​អ្វី​ដែល​យើង​ធ្លាប់​ស្រមៃ​ពី​មុន​ក៏​ថា​បាន៕

ប្រែសម្រួល៖ សាង ស្រីល័ក្ខ

ចុចអាន៖ខ្ញុំ​មាន​ជំងឺ​ផ្លូវចិត្ត តើ​គួរ​សុំ​បែក​គ្នា​ជាមួយ​ដៃគូ​ឬ​អត់​?

ចុចអាន៖របៀប​ដោះស្រាយ ពេល​គេ​រិះគន់​យើង​ម្ដងៗ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កូវីដ-១៩១០ វិនាទី មុន

អបអរសាទរ លទ្ធផល​ធ្វើតេស្ត​ជា​ចុងក្រោយ​លោក​អភិបាលខណ្ឌ​មានជ័យ​អវិជ្ជមាន

កូវីដ-១៩៤៧ នាទី មុន

ថ្ងៃទី​២២​ខែមិថុនា​នេះ រដ្ឋបាល​ខេត្ត​សៀមរាប រក​ឃើញ​វិជ្ជមាន​កូ​វីដ​១៩​ចំនួន​៣៩​នាក់​ និងករណី​ស្លាប់​ម្នាក់

កូវីដ-១៩៥៦ នាទី មុន

រដ្ឋបាលខេត្ត​កំពង់ឆ្នាំង​ចេញ​សេចក្តី​ជូនដំណឹង​ស្ដីពី​ការ​រក​ឃើញ​អ្នក​វិជ្ជមាន​កូវីដ​ ចំនួន១៥​នាក់ថ្មី​ទៀត

ព័ត៌មានជាតិ១ ម៉ោង មុន

បុរស​ពោះម៉ាយ​ម្នាក់​ ចាប់​កូនស្រី​វ័យ​៦​ឆ្នាំ​សម្រាត​ខោអាវ​ធ្វើអំពើ​អាសអាភាស​យ៉ាង​ព្រៃផ្សៃ​ត្រូវ​នគរបាល​ឃាត់ខ្លួន​

ព័ត៌មានជាតិ១ ម៉ោង មុន

សំណុំរឿងកាប់សម្លាប់​បុរស​ម្នាក់​នៅ​ស្រុក​បាទី ត្រូវ​បាន​ប៉ូលិស​ក្រសួងមហាផ្ទៃ​សហ​ការណ៍​គ្នា​បំបែក​បាន​ហើយ

Sokha Hotels

ព័ត៌មានពេញនិយម

Helistar Cambodia - Helicopter Charter Services