KPT+
រឿងមួយចំនួនដែលហ្វេនៗមិនចង់បានពី idol របស់ពួកគេ
ការមានអ្នកតាមដានច្រើនលើបណ្តាញសង្គម ត្បិតតែពុំមែនវាស់វែងបានពិតប្រាកដ អំពីកម្រិតប្រជាប្រិយភាព ប៉ុន្តែបានក្លាយជាចំណុចលេចធ្លោដែរ សម្រាប់អ្នកបង្កើតកេរ៍ឈ្មោះនាសម័យកាលនេះ។
ប៉ុន្តែសូមប្រុងប្រយ័ត្នដែរចំពោះសកម្មភាពខាងក្រោមដែលធ្វើឱ្យទំហំហ្វេនអាចរបេះបាន ឬគុណតម្លៃដើរថយក្រោយ៖
១ អាយដលអួតអាង
មនុស្សអួតអាង ដំបូងៗធ្វើឱ្យបានការស្ងើចសរសើរខ្ពស់និងទាក់ទាញចំណាប់អារម្មណ៍ តែចុងក្រោយទៅ មនុស្សម្នាគេនឹងនាំគ្នាជ្រេញស្អប់ ហើយអ្នកក្រោយៗនឹងមើលឃើញចំណុចមិនល្អនេះ។ បុគ្គលជោគជ័យពិតប្រាកដ សំដៅលើការដាក់ខ្លួនរមទម្យនិងទន់ភ្លន់ មានចំណេះឬទេពកោសល្យលើសពីអ្វីដែលហ្វេនបានគិត ប្រសើរជាង គេរំពឹងខ្ពស់ស្រាប់តែពេលដឹងការពិតបែរជាដូចប៉េងប៉ោងខ្សោះខ្យល់។
២ អាយដល Fake
មនុស្សប្រឹងសម្តែងតាមការតុបតែងស្លៀកពាក់ មានចរិតរាយមាយនឹងសម្ភារៈនិយម ផុសរូបភាពលើសពីជីវភាពខ្លួនពិត និយាយស្តីលក្ខណៈរៀបចំផ្លូវការ និងមិនមានទំនាក់ទំនងពិតមួយជាមួយហ្វេនៗ សម្តីផ្អែមដូចស្ករ ឮហើយខ្លាច ឬមួយក៏មានសកម្មភាពផ្សេងៗដែលសម្គាល់ញយដងថាជាការរៀបចំ នឹងអន្តរាយដល់ទំនាក់ទំនងពិតលើបណ្តាញសង្គម។
៣ អាយដល តួឯក
មនុស្សមានចរិតមានតែឯងលើកំពូល មិនចែករំលែក មិនជួយគ្នា មិនមានចិត្តទូលាយ បិទដោយអស្មិមានៈ មានការរើសអើងក្រុម បក្ស និងមានចរិតអវិជ្ជមានខ្សោយទំនាក់ទំនង ខ្សោយជំនាញទន់ នឹងជោគជ័យដំបូងៗហើយទទួលបានការរិះគន់នោពេលក្រោយ។
៤ អាយដលបង្កជម្លោះដើម្បីបានល្បី
វិធីឈ្លោះអ្នកល្បីឱ្យខ្លួនបានគេស្គាល់ដែរ ជាវិធីចោលម្សៀតដែលមានអ្នកធ្វើច្រើននាពេលនេះ។ តើអ្នកយល់របៀបម៉េចដែលថា នឹងមានហ្វេនតាមគាំទ្រយូរអង្វែងជាមួយបុគ្គលិកលក្ខណៈមនុស្សចង់ល្បីរបៀបនេះ?
៥ អាយដលទើសនិងរិះគន់
មនុស្សទើសនិងរិះគន់មានចំនួនប្រមាណជា៥០០ដង បើធៀបនឹងទំហំអ្នកដែលចេះមកជួយលើកទឹកចិត្តគ្នាលើបណ្តាញសង្គម។ ពួកគេយល់ថាពួកគេនឹងមានហ្វេនច្រើនដោយវិធីនេះ គឺធ្វើជាវីរបុរសខាងវែកញែកជួយចង្អុលកំហុសរបស់អ្នកដទៃ ជាន់បានកាន់តែកប់រឹតតែល្អ ហើយគិតថា ទង្វើនេះមានការសាទរច្រើន។
៦ អាយដល មិនដឹងធ្វើការអីមានជំនាញអី
ស្រាប់តែល្បីលើហ្វេសប៊ុកតាមរយៈព្រឹត្តិការណ៍មួយចំនួនដែលមិនដឹងជាមានមុខរបរអ្វី ជំនាញអ្វីឱ្យពិតប្រាកដ ចំណែកការងារប្រចាំថ្ងៃ គឺលេចមុខជានិច្ច បង្ហាញមុខធ្វើដូចបុគ្គលសំខាន់ ។
៧ អាយដលចែកអំណោយ
ការចែកអំណោយហើយផុស វាប្រៀបដូចជា ការសម្តែងល្ខោនប្រើតួអង្គក្នុងតម្លៃថោកព្រោះអ្នកក្រីក្រទាំងនោះ គ្នាមិនបានដឹងអំពីអំពើកេងចំណេញ និងមិនអាចចៀសរួចព្រោះស្ថានភាពទ័លក្រ។ មនុស្សដែលកេងចំណេញ និងយកផលអំពីស្ថានភាពកម្សត់នៃជីវិតអ្នកដទៃ ជាមនុស្សដែលបាត់បង់ការគោរព ធ្វើម្តេចមានហ្វេនយូរអង្វែង?
៨ អាយដលបណ្ឌិត
តារាប្រភេទនេះ អួតសញ្ញាប័ត្រ ហ្នឹងប្រវត្តិការងារវែងអន្លាយខុសពីការពិត ដែលតាមពិតលទ្ធផលតិចតួចណាស់ប្រៀបនឹងទំហំផុស។ ផុសរូបថតកម្មវិធីផ្លូវការ លើឆាក សរសេរអួតតែពីខ្លួនឯង គ្មានលោះថ្ងៃ ហើយដែលយុវវ័យក្រឡេកពេលណាឆ្អែតចិត្តពេលនោះព្រោះជាបណ្ឌិតដែលចំណាយពេលជាមួយ Caption ហួសហេតុ។
៩ អាយដលតែងខ្លួនលើស
ធ្លាប់ឃើញមែនដែរទេ បុគ្គលដែលបង់បោយមិនមើលប្រាណ ឬត្រេកត្រអាលនឹងសម្ភារៈនិយមរហូតដល់ក្លាយជាចំណុចស៊ីបនៃការចំអកឡកឡឺយ? ពាក់អាវធំសឹងគ្រប់កម្មវិធី មិនថាទីណាជាទីណា? សំញ៉ែងអលង្ការស្រោចខ្លួន ? ការសម្តែងណាមួយដែលមិនមែនជាជីវភាពពិត រមែងមើលឃើញឆ្គងទើស ហើយរាល់ចំណុចឆ្គងទើសទាំងនោះនាំមកនូវអន្តរាយដល់ការងារនិងស្នាដៃ។
ប្រសិនអ្នកមានចំណុចបីក្នុងចំណោមទាំង៨ កុំបាច់ឆ្ងល់ថា ហេតុអ្វីមានគេ Likes ច្រើនបែរជាហ្វេនពិតប្រាកដមានតែការរិះគន់អវិជ្ជមាន?
ប្រែសម្រួល៖ Mr Tomorrow
ប្រភព៖ CelebLife
ចុចអាន៖ ជឿទេថា មនុស្សនិយមរិះគន់អ្នកដទៃ ចម្រើនតែសត្រូវ ឲ្យខ្លួនឯងប៉ុណ្ណោះ!
ចុចអាន៖ ចង់ក្លាយជាអ្នកមានទ្រព្យត្រូវចេះបង្កើតផ្នត់គំនិតសេដ្ឋី
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)