KPT+
មុនដាក់ដែកពត់ធ្មេញ ធ្លាប់ដឹងរឿង ៥ យ៉ាងនេះឬនៅ?
យុវវ័យបច្ចុប្បន្ន ដែលមានធ្មេញដុះខុសជួរ ច្រពើស សឹក បែក និងចង់បានធ្មេញស្អាត តែងនិយមទៅដាក់ដែកពត់ឱ្យវារាបត្រង់ល្អ។ យ៉ាងណាមិញ ការដាក់ដែកពត់ធ្មេញមិនមានលក្ខណៈដូចគ្នាទាំងអស់នោះទេ ហើយមានរឿងមួយចំនួយដែលយើងត្រូវដឹងអំពីសេវាកម្មនេះ។
១. ការចំណាយប្រាក់
ប្រាក់ចំណាយជាមធ្យមសម្រាប់ការពត់ធ្មេញមានតម្លៃប្រមាណ ២០០០ ដុល្លារអាមេរិក ។ ប៉ុន្តែតម្លៃនេះមិនមែនសុទ្ធតែប៉ុណ្ណឹងនោះទេ វាប្រែប្រួលតាមស្ថានភាពធ្មេញរបស់យើងម្នាក់ៗ។ អ្នកខ្លះអាចចំណាយក្រោម ២០០០ ដុល្លារ អ្នកខ្លះអស់ថ្លៃ ៣០០០ ដុល្លារ និងខ្លះទៀតអាចចំណាយរហូតដល់ ៥០០០ ដុលា្លរក៏មាន។
២. ការចំណាយពេលវេលា
ពេលវេលានៃការពត់ធ្មេញក៏អាចប្រែប្រួលតិចតួចតាមប្រភេទធ្មេញនិងអាយុរបស់យើងដែរ។ ជាទូទៅយើងត្រូវប្រើពេល ២ ឆ្នាំ ទើបអាចដោះដែកពត់ធ្មេញចេញ ហើយក៏មានអ្នកខ្លះអាចចាយពេលដល់ទៅ ៣ ឆ្នាំ បូករួមទាំងការទៅពិនិត្យឡើងវិញ។ ម្យ៉ាងវិញទៀត ក្នុងកំលុងពេលនៅពាក់ដែកពត់ធ្មេញ យើងត្រូវប្រើពេលយ៉ាងហោច ៣០ នាទីរៀងរាល់មួយខែម្ដងដើម្បីសម្អាតធ្មេញជាមួយគ្រូពេទ្យ។
ក្រៅពីនោះ ក្រោយហូបអាហារម្ដងៗ ត្រូវចាយពេលសម្អាតធ្មេញយូរទៀតផង។
៣. ការឈឺចាប់
អំឡុងដាក់ដែកពត់ធ្មេញ ប៉ុន្មានខែដំបូង ការឈឺចាប់ធ្មេញប្រាកដជានឹងជួបប្រទះ ដោយសារធ្មេញត្រូវបានរឹត និងចាប់ផ្ដើមរំកិលទីតាំងដើមរបស់វា។ អំឡុងពេលនេះ យើងនឹងពិបាកទទួលទានអាហារ ជាពិសេសអាហាររឹង និងស្អិត។ អ្នកខ្លះអាចឈឺចាប់ខ្លាំង ហូបបរិភោគអាហារមិនបាន និងសូម្បីទឹកត្រជាក់ខ្លាំងក៏ពិបាកផឹកដែរ។
៤. ការប្រើ Retainer
ក្រោយដោះដែកពីធ្មេញ យើងត្រូវបន្តប្រើ Retainer ដែលជាឧបករណ៍ទប់ធ្មេញឱ្យរក្សាកន្លែងដើមបន្ទាប់ពីពត់រួចរាល់។ Retainer អាចបន្តពាក់យូរឆ្នាំ ឬមួយជីវិតតែម្ដង។
៥. ការផ្លាស់ប្ដូរទម្រង់មុខ
ទោះបីមិនផ្លាស់ប្ដូរខ្លាំង តែទម្រង់មុខច្បាស់ជាប្រែប្រួលខ្លះ ក្រោយដោះដែកចេញ។ ត្បិតថាវាមិនដូចការវះកាត់ តែមុខរបស់យើងនឹងប្លែកជាងមុនបន្តិច៕
ប្រែសម្រួល៖ សន្យា
ប្រភព៖ Australia Dental
ចុចអាន៖ ឈឺធ្មេញពេលយប់ម្ដងម្កាល អាចប្រើវិធីទាំងនេះ ដោះស្រាយបានមួយគ្រាសិន
ចុចអាន៖ ហេតុផល គួរតែគោរពនិងឲ្យតម្លៃអ្នកសំអាតមាត់ធ្មេញ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ