KPT+
ធ្លាប់ដឹងទេ នាយករដ្ឋមន្ត្រីថៃទទួលបានប្រាក់ខែប៉ុន្មាន?
នាយករដ្ឋមន្ត្រីថៃ លោក ប្រាយុទ្ធ ចាន់អូចា (Prayuth Chan-ocha) ក្នុងមួយឆ្នាំទទួលបានប្រាក់សរុបជាង ៥ ម៉ឺនដុល្លារសហរដ្ឋអាមេរិក ដែលគិតជាខែប្រហែល ៤ពាន់ ១រយដុល្លារសហរដ្ឋអាមេរិក។ នេះបើតាមប្រភពពី wikipedia។
លោក ប្រាយុទ្ធ ចាន់អូចា ជាអតីតមន្ដ្រីយោធាចូលនិវត្តន៍មួយរូប មុនកាន់តំណែងជាមេដឹកនាំរាជាណាចក្រថៃចាប់តាំងពីឆ្នាំ ២០១៤ រហូតដល់បច្ចុប្បន្ន។ បើនិយាយពីទ្រព្យសម្បត្តិរបស់លោក មិនសូវមានមហាជនដឹងច្រើនឡើយ ហើយក៏មានបណ្ដាញផ្សព្វផ្សាយសង្គមតិចតួចបំផុតបានដឹង។
យ៉ាងណាមិញ តាមប្រភពព័ត៌មានក្នុងស្រុក កាលពីខែឧសភា ឆ្នាំ ២០១៣ បានឱ្យដឹងថា លោកប្រាយុទ្ធបានលក់ដីចំនួន ៩ កន្លែងនៅជាយក្រុងបាងកកទៅឲ្យក្រុមហ៊ុនមួយក្នុងតម្លៃ ៦០០ លានបាត បង្កភាពភ្ញាក់ផ្អើលពាសពេញប្រទេស។
លុះដល់ថ្ងៃទី ៤ ខែកញ្ញា ឆ្នាំ ២០១៤ នៅក្នុងការបង្ហាញទ្រព្យសម្បត្តិជាសាធារណៈដល់គណៈកម្មការជាតិប្រឆាំងអំពើពុករលួយ នាយករដ្ឋមន្ត្រីវ័យ ៦៧ ឆ្នាំរូបនេះបានចុះបញ្ជីប្រាក់សុទ្ធចំនួន ១២៨.៦ លានបាត (៣.៩ លានដុល្លារ) និងជាប់បំណុល ៦៥៤.៧៤៥ បាត (២០,០០០ ដុល្លារអាមេរិក) ។
បន្ថែមពីលើប្រាក់សុទ្ធ លោកប្រាយុទ្ធ មានទ្រព្យសម្បត្តិសំខាន់ៗមួយចំនួនរួមមាន រថយន្តម៉ាក Mercedes Benz S600L រថយន្ត BMW ស៊េរី 740Li រថយន្តទំនើបចំនួន ៣ គ្រឿងផ្សេងទៀត នាឡិកាប្រណីតចំនួន ៩ គ្រឿងមានតម្លៃ ៣ លានបាត និងគ្រឿងអលង្ការតម្លៃ ២០០,០០០ ដុល្លារអាមេរិក។
មិនទាន់អស់ទេ មេដឹកនាំថៃរូបនេះ បានឲ្យដឹងថា លោកបានផ្ទេរប្រាក់ចំនួន ៤៦៦.៥ លានបាត (១៤.៣ លានដុល្លារ) ទៅសមាជិកគ្រួសាររបស់ខ្លួនផងដែរ នៅក្នុងឆ្នាំ ២០១៤ ។ ប្រាក់នេះជាប្រាក់ផ្សេងទៀតដែលមិនបានរាប់បញ្ចូលជាសាធារណៈទៅក្នុងបញ្ជីររទ្រព្យសម្បត្តិរបស់លោកឡើយ។
តាមប្រភពពី wikipedia ដដែល មកទល់នឹងឆ្នាំ ២០១៩ ទ្រព្យសម្បត្តិសុទ្ធលោក ប្រាយុទ្ធ ចាន់អូចា មាន ១២០ លានបាត ឬ ប្រហែល ៣,៨៥៤,៦១៧ ដុល្លារអាមេរិក។ ចំណែកទ្រព្យនៅក្នុងឆ្នាំ ២០២១ នេះ មិនទាន់បើកបង្ហាញជាសាធារណៈទេ៕
ប្រែសម្រួល៖ សន្យា
ចុចអាន៖ សាវតារលោក ប្រាយុទ្ធ ចាន់អូចា មុនក្លាយជានាយករដ្ឋមន្ត្រីថៃបច្ចុប្បន្ន
ចុចអាន៖ ខ្លះៗអំពីលោកស្រី ណារ៉ាផន ចាន់អូចា ភរិយានាយករដ្ឋមន្ត្រីថៃ
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)