៥ ចំណុចនាំឱ្យបាក់ទឹកចិត្ត ធ្វើអ្វីក៏មិនសម្រេចលទ្ធផលល្អ
Connect with us
Helistar Cambodia - Helicopter Charter Services

KPT+

៥ ចំណុចនាំឱ្យបាក់ទឹកចិត្ត ធ្វើអ្វីក៏មិនសម្រេចលទ្ធផលល្អ

បានផុស

នៅ

មនុស្សគ្រប់គ្នាឱ្យនិយមន័យនៃភាពជោគជ័យទៅតាមស្ថានភាពជុំវិញខ្លួន និងបទពិសោធដែលធ្លាប់ឆ្លងកាត់។ ភាពជោគជ័យ នរណាៗក៏ចង់បាន នរណាៗក៏ចង់សម្រេចដែរ ប៉ុន្តែគ្នាយើងខ្លះមិនមានវិធីអាចដើរដល់ទីជោគជ័យនោះទេ។ ជាពិសេស មុននឹងសម្រេចលទ្ធផលដែលខ្លួនប៉ងប្រាថ្នាឬហៅថា ជោគជ័យពិតប្រាកដ គេបានបាក់ទឹកចិត្តមុនបាត់ទៅហើយ ដោយសារតែគេមានទម្លាប់ប៉ុន្មាននេះជាប់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ខ្លាចភាពបរាជ័យ

ចង់ធ្វើអ្វីមួយ តែបែរជាខ្លាចភាពបរាជ័យ នោះអ្នកនឹងស្គាល់អ្វីដែលហៅថា ជោគជ័យឡើយ ហើយតទៅមុខអ្នកក៏មិនដឹងថាខ្លួនឯងត្រូវចាប់ផ្តើមពីណាទៅណានោះទេ។ ភាពភ័យខ្លាចនឹងធ្វើឲ្យបាក់ទឹកចិត្ត ហើយក៏មិនហ៊ានចាប់ផ្តើមធ្វើកិច្ចការអ្វីទាំងអស់។ បរាជ័យមានអ្វីគួរឱ្យខ្លាច? ដឹងទេ! បុគ្គលដែលឈានដល់គោលដៅអាចសម្រេចជោគជ័យគ្រប់រូប សុទ្ធសឹងធា្លប់បរាជ័យ។ ដូច្នេះភាពបរាជ័យទាំងអស់សុទ្ធតែជាមេរៀន ដើម្បីចៀសវាងកំហុសនៅថ្ងៃខាងមុខ។

២. ឃុំខ្លួនឯងឱ្យឯកោ

ចូរកុំធ្វើជាមនុស្សឯកោ ដែលតែងតែនៅម្នាក់ឯង។ នៅតែឯងកម្សត់ ហើយខ្វះភាពកក់ក្ដៅជាទីបំផុត។ គួរតែចែករំលែកជាមួយអ្នកដទៃនូវអ្វីដែលអ្នកគិតនិងចង់ធ្វើ ព្រោះអាចជួយឱ្យអ្នកទទួលការលើកចិត្តក៏ថាបាន។ ភ្ជាប់ទំនាក់ទំនងបានច្រើនកាលណា អ្នកកាន់តែមានបណ្ដាញច្រើនកាលណោះ ដែលនេះសុទ្ធតែជាកត្តារុញច្រានឱ្យការសិក្សា និងអាជីពទទួលផលល្អ។  

៣. អន្ទះសារជ្រុលពេក

អ្នកនឹងខាតបង់ ប្រសិនបើធ្វើអ្វីមួយទាំងបង្ខំ។ ទម្លាប់ចង់បានអ្វីមួយរបៀបលឿនៗ ព្រោះ អន្ទះសារចង់ឃើញលទ្ធផល ដោយធ្វើវាឲ្យរួចតែពីដៃ នៅទីបំផុតអ្នកនឹងទទួលបានលទ្ធផលដែលឆាប់បាត់ទៅវិញដូចគ្នា។ មួយវិញទៀតលទ្ធផលលំៗដែលបានមក នឹងធ្វើឲ្យអ្នកបាក់ទឹកចិត្ត ហើយលែងចង់ធ្វើកិច្ចការផ្សេងៗទៀតនៅពេលក្រោយ។

៤. គិតច្រើនហួសហេតុ

គិតច្រើន ជាកត្តាចម្បងធ្វើឲ្យបាក់ទឹកចិត្តយ៉ាងងាយ។ មិនគួរណាយកពេលវេលាដែលមានមកគិតហួសពីសមត្ថភាពពេកនោះទេ ព្រោះអាចធ្វើឲ្យកិច្ចការរបស់អ្នកកាន់តែពិបាកនឹងសម្រេចបាន។ ទម្លាប់គិតច្រើន ចេះតែធ្វើឱ្យខ្លួនឯងមានអារម្មណ៍ខ្វល់ខ្វាយ ចាប់នេះចាប់នោះមិនត្រង់ ហើយចុងក្រោយវានឹងធ្វើឲ្យកកស្ទះការងារ រហូតបោះបង់ឈប់ធ្វើអ្វីទាំងអស់។

៥. ដាក់សម្ពាធលើខ្លួនឯងខ្លាំងពេក

នរណាក៏ចង់ជោគជ័យដែរ ប៉ុន្តែក៏មិនគួរដាក់សម្ពាធលើខ្លួនឯងខ្លាំងពេកនោះទេ។ គួរផ្តល់ពេលវេលាសម្រាកខ្លះសម្រាប់ខ្លួន ទោះបីជាកិច្ចការនោះសំខាន់ ឬបន្ទាន់យ៉ាងណាក៏ដោយ។ ជាពិសេសត្រូវគិតសុខភាពនៅលេខរៀងទីមួយ ព្រោះបើសុខភាពអន់ថយ ភារកិច្ចគ្រប់យ៉ាងនឹងរលាយសូន្យ៕

ប្រែសម្រួល៖ សន្យា

ប្រភព៖ Lifehack

ចុចអាន៖ ១៥ និយមន័យនៃភាពជោគជ័យ ដែលដាស់យើងពីភាពសោកសៅបាន!

ចុចអាន៖ តិចនិក ៦ យ៉ាងជួយឱ្យអានបានរហ័ស ហើយមានប្រសិទ្ធភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

ស្រុក អង្គរជុំ នឹង ក្លាយ​ជា​ស្រុក​គំរូ​ទី១ នៃ​ការបញ្ឈប់​បន្ទោ​របង់​ក្រៅ​បង្គន់​

ព័ត៌មានជាតិ៨ ម៉ោង មុន

ការ​លើក​កម្ពស់​អនាម័យ​នៅ​ជនបទ​ គឺជា​ផ្នែក​មួយ​ដែល​មិន​អាច​ខ្វះ​បាន

សន្តិសុខសង្គម៨ ម៉ោង មុន

ករណី​ឃាតកម្ម​អារ.ក​សម្លាប់ ​នៅ​ស្រុក​ថ្មគោល សមត្ថកិច្ច​កំពុង​ច្បាម​មុខសញ្ញា​ជា​ឃាតក​យក​មក​សាកសួរ​

ជីវិតកម្សាន្ដ៩ ម៉ោង មុន

បវរកញ្ញា​ចក្រវាល​ក​ម្ពុ​ជា ងិន ម៉ា​រ៉ា​ឌី តំណាង​កម្ពុ ជា​ចេញទៅ​ប្រកួត​ប្រទេស​អ៊ីស្រាអែល

ព័ត៌មានជាតិ៩ ម៉ោង មុន

ក្រុមការងារ​ស្ថាន​អគ្គ​កុងស៊ុល​កម្ពុជា សហការ​ចុះ​សួរសុកទុក្ខ និង​នាំយក​អំណោយ​ចែកជូន​ពលករ​ខ្មែរ​១២៦​នាក់ ដែល​កំពុង​ធ្វើ​ច​ត្តា​ឡី​ស័ក

Sokha Hotels

ព័ត៌មានពេញនិយម

Helistar Cambodia - Helicopter Charter Services