KPT+
កុំធ្វេសប្រហែសឱ្យក្មេងប្រើអ៊ិនធរណេតមិនកំណត់ម៉ោងពេល ប្រយ័ត្នជួបបញ្ហាពិបាកកែខៃ
ដោយសារការបិទខ្ទប់ កុមាររាប់លាននាក់នៅទូទាំងពិភពលោក ចាប់ផ្ដើមរៀនតាមរយៈអ៊ិនធរណេត ហើយពួកគេបានចំណាយពេលលើសលុបលើអេក្រង់មិនថា ស្មាតហ្វូន ថេបឡេត ឬកុំព្យូទ័រឡើយ។
ការសិក្សាតាមអនឡាញ ក្លាយជាបរិបទមួយថ្មីសម្រាប់ក្មេងៗ ដែលវាផ្ដល់ទាំងគុណសម្បត្តិ និងផលអវិជ្ជមានមកជាមួយគ្នា។ ក្នុងករណីឪពុកម្ដាយបណ្ដែតបណ្ដោយកុមារ ដោយគ្មានវិន័យត្រឹមត្រូវក្នុងការប្រើអ៊ិនធរណេតនោះទេ ពួកគេនឹងជួបហានិភ័យមួយចំនួនពិបាកកែខៃ។
ក្នុងការស្រាវជ្រាវថ្មីៗរបស់ចិនបានបង្ហាញថា ការរៀនអនឡាញអាចធ្វើឱ្យភ្នែករបស់កុមារមានបញ្ហាកាន់តែអាក្រក់ទៅៗ ពោលគឺ ភ្នែករបស់ក្មេងអាចមើលមិនច្បាស់ឬប្រឈមនឹងការងងឹតតែម្ដង។ នេះក៏ដោយសារ ក្នុងមួយថ្ងៃៗកុមារចំណាយពេលច្រើនម៉ោងទៅលើអេក្រង់។
ចំណែកការចុះផ្សាយរបស់អង់គ្លេសរកឃើញថា កុមារច្រើននាក់ធ្លាក់ទៅក្នុងការញៀនជាមួយអ៊ិនធរណិតរួមមាន វីដេអូហ្គេម វីដេអូអាសអាភាស និងការផ្ញើសារជាដើម។
លទ្ធផលស្រាវជ្រាវរបស់អាមេរិកឯណោះវិញ បង្ហាញថា ការសិក្សាតាមអនឡាញបណ្តាលឱ្យក្មេងជាច្រើនរៀនធ្លាក់ពិន្ទុ ព្រមទាំងប្រឈមនឹងភាពតានតឹងកាន់តែខ្ពស់ ក៏ដូចជាមានជំងឺបាក់ទឹកចិត្តទៀតផង។ អ្នកស្រាវជ្រាវបញ្ជាក់ហេតុផលថា មកពីកុមារខ្វះការយកចិត្តទុកដាក់ពីឪពុកម្ដាយ ខ្វះការបង្ហាត់បង្រៀនបន្ថែម រួមនឹងការរំខានពីប្រព័ន្ធឌីជីថល។
បញ្ហាទាំងអស់ដែលបានលើកមកនេះ អាចនឹងកើតឡើងចំពោះកុមារកម្ពុជាដូចគ្នា ប្រសិនឪពុកម្ដាយ ចេះតែព្រលែងកូនឱ្យនៅជាមួយអ៊ិនធរណេត ដោយមិនកំណត់ពេលវេលាសម្រាប់ប្រើទូរសព្ទឬកុំព្យូទ័រ។
ក្មេងៗមិនទាន់ចេះបែងចែកថាអ្វីគួរឬមិនគួរឡើយ មានតែអាណាព្យាបាលហ្នឹងឯង ទើបអាចជួយពួកគេឱ្យចៀសបាននូវហានិភ័យតិចបំផុត៕
ប្រែសម្រួល៖ សន្យា
ប្រភព៖ Daily Mail
ចុចអាន៖ រោគសញ្ញាកូវីដចំនួន ៣ មិនសូវមានអ្នកចាប់អារម្មណ៍ តែភាគច្រើនកើតចំពោះកុមារ
ចុចអាន៖ កុមាររាប់លាននាក់ស្ថិតក្រោមការរាំងខ្ទប់និងកំពុងរងសម្ពាធផ្លូវចិត្ត ឪពុកម្ដាយអាចជួយអ្វីបាន?
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)