KPT+

របស់ទាំង៤នេះ ហាមសាកល្បងនៅលើផ្ទៃមុខដាច់ខាត

បានផុស

៣ years មុន

នៅ

ថ្ងៃសុក្រ ២៣ កក្កដា ២០២១

ដោយ

ពិតណាស់ ស្រីៗយើងតែងតែចង់បានសម្រស់ស្រស់ស្អាត និងទាក់ទាញ។ នៅពេលខ្លះ យើងក៏ហ៊ានសាកល្បងតិចនិកថែរក្សាសម្រស់មួយចំនួនដែលយើងមើលឃើញនៅតាមបណ្ដាញសង្គម។ យ៉ាងណាមិញ ស្បែករបស់យើងម្នាក់ៗមិនដូចគ្នាទេ ហើយការសាកល្បងវិធីសាស្ត្រថ្មីៗក៏អាចធ្វើឲ្យស្បែករបស់យើងមានបញ្ហាកាន់តែធ្ងន់ធ្ងរផងដែរ។ ហេតុនេះហើយ ស្រីៗយើងគប្បីមានការប្រុងប្រយ័ត្នឲ្យបានដិតដល់នៅពេលលាបអ្វីមួយនៅលើផ្ទៃមុខ ជាពិសេសរបស់ទាំង៤យ៉ាងនេះ។

១. ទឹកក្រូចឆ្មារ

Young asian woman with closed eyes holding half of juicy orange near face isolated on white Free Stock Photo and Image

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទឹកក្រូចឆ្មារសំបូរទៅដោយវីតាមីនC ដែលល្អសម្រាប់រាងកាយ។ ប៉ុន្តែការលាបក្រូចឆ្មារនៅលើផ្ទៃមុខ មិនមែនជារឿងត្រឹមត្រូវឡើយ។ គ្នាយើងជឿថាក្រូចឆ្មារអាចជួយឲ្យស្បែករបស់យើងសម៉ត់រលោង និងភ្លឺថ្លា ប៉ុន្តែផ្ទុយទៅវិញ កម្រិតខ្ពស់នៃអាស៊ីដCitric អាចបំផ្លាញស្បែក និងធ្វើឲ្យស្បែករលាក ព្រមទាំងបង្កជាការកើតមុនថែមទៀតផង។

២. ថ្នាំដុសធ្មេញ

Why you should not apply toothpaste on your pimple | The Times of India

ជាមួយគ្នានេះដែរ ថ្នាំដុសធ្មេញត្រូវបានជឿថាអាចកម្ចាត់រាល់បញ្ហាមុនក្បាលខ្មៅ និងមុនផ្សេងទៀត។ ប៉ុន្តែការប្រើប្រាស់ថ្នាំដុសធ្មេញនៅលើផ្ទៃមុខអាចបណ្ដាលឲ្យរលាក និងឆ្លងមេរោគ។ លើសពីនេះ វាមានសារធាតុផ្សំខ្លាំងៗ ដែលអាចបន្សល់ស្នាមក្រហមនៅលើផ្ទៃមុខដូចគ្នា។ គ្នាយើងជាច្រើនបានណែនាំឲ្យប្រើប្រាស់ថ្នាំដុសធ្មេញនៅលើមុន ដើម្បីឲ្យមុនឆាប់ក្រៀម។ ប៉ុន្តែការលាបថ្នាំដុសធ្មេញនៅលើផ្ទៃមុខ អាចបង្កើនការផលិតMelanin និងបង្កើតជាស្នាមខ្មៅនៅកន្លែងដែលយើងលាប ហើយជាតិជីរអង្កាម ដែលមាននៅក្នុងថ្នាំដុសធ្មេញក៏អាចធ្វើឲ្យស្បែកក្រហាយ និងបណ្ដាលឲ្យកើតមុនទៅវិញ។

៣. ប្រេងដូង

5 Ways To Use Coconut Oil In Your Beauty Routine

ទន្ទឹមនឹងនេះដែរ យើងប្រហែលជាធ្លាប់បានឮថា ប្រេងដូងដើរតួនាទីយ៉ាងសំខាន់ក្នុងការចិញ្ចឹម និងថែបំប៉នស្បែកឲ្យស្រស់ស្អាត ប៉ុន្តែវាមិនដូច្នេះឡើយ។ ប្រេងដូងផ្ទុកអាស៊ីដLauric ដែលអាចប្រឆាំងនឹងបញ្ហាមុនបាន តែវាក៏មានផ្ទុកខ្លាញ់ឆ្អែត៩០% ដែលអាចធ្វើឲ្យកកស្ទះរន្ធញើស។ ដូចនេះហើយ យើងអាចប្រើប្រាស់វាបាននៅលើរាងកាយ ពីព្រោះវាអាចជួយដោះស្រាយបញ្ហាស្បែកស្ងួត ឬត្រអកប៉ុន្តែជៀសវាងប្រើប្រាស់ប្រេងដូចនៅលើផ្ទៃមុខដាច់ខាត។

៤. បករោមមុខ

Facials For Oily Skin: Clear Breakouts & Acne Fast

ស្បែកមុខរបស់យើងមានសភាពទន់ខ្សោយ បើប្រៀបធៀបទៅនឹងផ្នែកទាំងអស់នៅលើរាងកាយ។ ជាទូទៅ ការបករោមនៅលើរាងកាយគឺជាជម្រើសល្អ និងមានសុវត្ថិភាពក៏ពិតមែន ប៉ុន្តែយើងមិនគួរបករោមនៅលើផ្ទៃមុខឡើយ។ ការបករោមមុខអាចបណ្ដាលឲ្យរោមដុះកប់ទៅក្នុងសាច់ ដែលធ្វើឲ្យស្បែកងាយរងប្រតិកម្មនឹងពន្លឺព្រះអាទិត្យ កន្ទួលរមាស់ និងបង្កជាស្លាកស្នាមនៅលើស្បែក៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ គន្លឹះ ៦ យ៉ាងធ្វើឲ្យមុខក្មេងជាងវ័យ មិនងាយចាស់មុនអាយុ

ចុចអាន៖ តរោមភ្នែកឃើញស្អាត តែលំបាក អ្នកមិនទាន់សាកអាចលែងចង់