KPT+
គ្រោះថ្នាក់ធ្ងន់ធ្ងរ! វីតាមីនចាក់ក្នុងសរសៃឈាមឲ្យស្បែកស អាចបណ្ដាលឲ្យបាត់បង់ជីវិត បើសង្គ្រោះមិនទាន់
នាយកដ្ឋានវេជ្ជសាស្ត្រដោយវិទ្យាស្ថានរោគសើស្បែកថៃព្រមានថា ការចាក់វីតាមីនចូលទៅក្នុងសរសៃឈាម អាចបណ្ដាលឲ្យស្លាប់។ តាមវេជ្ជសាស្ត្រមិនមានថ្នាំឬគ្រឿងផ្គត់ផ្គង់វេជ្ជសាស្ត្រណា ដែលមានអត្ថប្រយោជន៍ក្នុងការធ្វើឲ្យស្បែកសឡើយ។
លោក Manas Potaporn MD អគ្គនាយករងនៃដេប៉ាតឺម៉ង់វេជ្ជសាស្រ្ត និងជាអ្នកនាំពាក្យនៃនាយកដ្ឋានវេជ្ជសាស្ត្រ បានបង្ហើបឲ្យដឹងថា ការចាក់បញ្ចូលវីតាមីនតាមសរសៃឈាម ត្រូវបានគេពេញនិយមយ៉ាងខ្លាំងជា ពិសេសនៅតាមកន្លែងកែសម្ផស្ស។ វាត្រូវបានគេជឿជាក់ថា វិធីចាក់បញ្ចូលតាមសរសៃឈាម នឹងបណ្ដាលឲ្យរាងកាយទទួលបានដោយផ្ទាល់ ហើយមិនបានប៉ះជាមួយ ក្រពះ និង ពោះវៀន។
នាពេលបច្ចុប្បន្ននេះ មិនមានការស្រាវជ្រាវដែលអាចជឿទុកចិត្តបាន ដើម្បីបញ្ជាក់ពីអត្ថប្រយោជន៍នៃការចាក់វីតាមីនតាមសរសៃឈាមលើស្បែក។
លោក Mingkwan Vichaidit M.D នាយកវិទ្យាស្ថានរោគសើស្បែក សេវាវេជ្ជសាស្ត្រណែនាំថា ការចាក់ថ្នាំវីតាមីនឬសារធាតុចាក់តាមសរសៃឈាម អាចបណ្តាលឲ្យស្លាប់ ដោយសារការប្រើប្រាស់ពពុះខ្យល់ក្នុងសរសៃឈាម ចាក់ជាមួយឧបករណ៍មិនស្អាត ឬមិនប្រើវិធីសាស្ត្រក្រៀវ។ ជាលទ្ធផលមានហានិភ័យនៃការឆ្លងមេរោគ ដែលអាចបណ្តាលឲ្យមានប្រតិកម្មអាឡ័កស៊ីធ្ងន់ធ្ងរ។
ជាពិសេសប្រសិនបើការចាក់ថ្នាំវីតាមីតាមសរសៃឈាម ត្រូវបានធ្វើឡើងនៅក្នុងមន្ទីរពេទ្យដែលមិនមានឧបករណ៍និងបុគ្គលិកពេទ្យដើម្បីតាមដាននិងព្យាបាល។ ក្នុងករណីមានអាសន្ន អាចមានគ្រោះថ្នាក់ដល់អ្នកចាក់ថ្នាំឬមិនអាចជួយសង្រ្គោះទាន់ពេល ប្រសិនបើមានឧប្បត្តិហេតុដែលតម្រូវឲ្យមានការព្យាបាលជាបន្ទាន់។
រោគសញ្ញានៃការឆ្លងពីការចាក់តាមសរសៃឈាម ប្រសិនបើឧបករណ៍មិនស្អាតគ្រប់គ្រាន់ រួមមាន៖ ក្អួតចង្អោរ វិលមុខ ឈឺពោះ ញ័រទ្រូង បែកញើស តឹងទ្រូង ពិបាកដកដង្ហើម និង កន្ទួល។
ការថែរក្សាស្បែកឲ្យបានត្រឹមត្រូវ មិនបាច់ទៅចាក់វីតាមីតាមសរសៃឈាម
ការថែរក្សាស្បែកឲ្យបានត្រឹមត្រូវ ចាប់ផ្ដើមដោយការសម្អាតស្បែកឲ្យបានត្រឹមត្រូវដែរ។ ដូចជាផឹកទឹកឲ្យច្រើន លាបឡេផ្ដល់សំណើមដល់ស្បែក។ កាត់បន្ថយកត្តាដែលអាចធ្វើឲ្យខូចស្បែក ដូចជាចៀសវាងប៉ះពន្លឺព្រះអាទិត្យខ្លាំង និងការបំពុលខ្យល់អាក្រក់ពីបរិស្ថាន៕
ប្រែសម្រួល៖ សាង ស្រីល័ក្ខ
ចុចអាន៖ចង់ឲ្យសាច់ដុំកាន់តែល្អ មិនងាយឈឺ ញ៉ាំវីតាមីនប៉ុន្មានមុខនេះ ល្អបំផុត
ចុចអាន៖ពិចារណាម្ដងទៀត! បើសិនចង់បកស្បែកឬចាក់ថ្នាំឱ្យសម្បុរស
ចុចអាន៖អ្នកជំនាញបកស្រាយពីអត្ថប្រយោជន៍នៃវីតាមីន C ពិតជាអាចការពារកូវីដបានពិតមែនឬ យ៉ាងណា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង