Connect with us

KPT+

ស្គាល់ចរិតលក្ខណៈមនុស្សតាមរយៈសៀវភៅដែលគេចូលចិត្តអាន

បានផុស

នៅ

ការស្គាល់ចិត្តថ្លើមនរណាម្នាក់វាពិបាកបន្តិច ប៉ុន្តែបើនិយាយពីចរិតឬកពារ មិនពិបាកសង្កេតពេកទេ។ អ្នកអាចសម្គាល់តាមរយៈសៀវភៅដែលពួកគេនិយមអាន នោះនឹងដឹងថាពួកគេជាមនុស្សបែបបណា។ តោះ! មកអានជាមួយ KPT Plus ទាំងអស់គ្នា!

សៀវភៅអក្សរសិល្ប៍

អ្នកដែលចូលចិត្តអានសៀវភៅអក្សរសិល្ប៍ មិនថាជាប្រភេទអក្សរសិល្ប៍បែបណានោះទេ ភាគច្រើនគឺជាមនុស្សស្រឡាញ់កិត្តិយស កេរ្តិ៍ឈ្មោះ តែប្រកាន់ឫក គំនិតខ្លួនឯង និងភាពជាម្ចាស់ការខ្ពស់។ មនុស្សប្រភេទនេះ គឺជាមនុស្សស្វែងរកចំណេះដឹង មានសតិបញ្ញា មានភាពហ្មត់ចត់ ចូលចិត្តហ៊ឺហារ និងចូលចិត្តធ្វើអ្វីដែលលេចធ្លោខុសប្លែកពីអ្នកដ៏ទៃ ។ ជាពិសេសមនុស្សប្រភេទនេះមិនសូវទុកចិត្តអ្នកដ៏ទៃ ពូកែសង្កេតមនុស្សមុននឹងសេពគប់ ហើយគេជាមនុស្សមានរបៀបរបបនិងមានវិន័យខ្ពស់។

សៀវភៅភ័យរន្ធត់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកណាក៏ដោយដែលចូលចិត្តក្នុងការអានសៀវភៅប្រភេទរឿងខ្មោចឬរឿងគួរឲ្យរន្ធត់ខ្លាំង នោះបញ្ជាក់ថាគេជាមនុស្សឆាប់ធុញថប់ ​ច្រើនតែស្វែងរកសម្រស់ជីវិតនិងភាពរំភើបចិត្តសម្រាប់ជីវិតជានិច្ច។ អ្នកដែលចូលចិត្តអានរឿងខ្មោច អាចមើលទៅដូចជាមនុស្សសាមញ្ញ សប្បាយៗ តែធាតុពិតគឺជាមនុស្សដែលមានភាពហ្មត់ចត់ ហើយពូកែចងចាំនូវសេចក្តីលម្អិតផ្សេងៗដែលនាំមកនូវការគិតជានិច្ចកាល។ មនុស្សប្រភេទនេះ មិនខ្លាចការផ្សងព្រេង អាចប្រឈមមុខជាមួយនឹងបញ្ហានិងការផ្លាស់ប្តូរផ្សេងៗបាន ជាពិសេសតែងតែគិតសារចុះឡើងនូវទង្វើរបស់ខ្លួនឯងជានិច្ច។

សៀវភៅប្រលោមលោកស្នេហា

នណាដែលចូលចិត្តអានសៀវភៅប្រភេទនេះ គឺជាមនុស្សចូលចិត្តស្វែងរកភាពខ្វះខាត ដែលពុំដឹងការពិតពីចិត្តខាងក្នុងរបស់ខ្លួនដោយខ្លួនឯង និងជាមនុស្សតែងតែប្រាថ្នានូវក្តីស្នេហាបែបនោសញ្ចេតនាជានិច្ច។ ជាទូទៅមនុស្សដែលចូលចិត្តប្រលោមលោកស្ត្រីជាមនុស្សសម្បូរមនោសញ្ចេតនា ទន់ភ្លន់ និងចូលចិត្តភាពរូមែនទិក។ បើជាមនុស្សប្រុស ជាមនុស្សហាក់ដូចជាព្រានបន្តិចហើយ ដែលប្រកាន់ភ្ជាប់ថារឿងស្នេហា គឺជារឿងសំខាន់ត្រូវការឲ្យមនុស្សគ្រប់គ្នាចាំយកចិត្តគេ និងជាមនុស្សមិនអន្ទះសាក្នុងការស្វែងរកភាពជោគជ័យទុកសម្រាប់ជីវិតនោះទេ។

ប្រលោមលោកបែបវិទ្យាសាស្រ្ត

អ្នកដែលចូលចិត្តអានសៀវភៅប្រភេទនេះ គឺជាមនុស្សពូកែគិតមានភាពប៉ិនប្រសប់ក្នុងការរៀបចំផែនការប្រកបដោយភាពឆ្លាតវៃ។ ទោះបីជាមនុស្សពូកែគិត ពូកែស្រមៃក៏ដោយ ក៏មិនមែនជាមនុស្សស្រមៃបែបភ្លឹកៗនោះទេ គឺជាមនុស្សដែលមានគំនិតប្រកបដោយការគិតពិចារណាក្នុងការច្នៃប្រតិដ្ឋខ្ពស់។ ​អ្នកដែលចូលចិត្តអានសៀវភៅប្រលោមលោក បែបវិទ្យាសាស្រ្តមិនចេះស៊ាំញ៉ាំនោះទេ និងចូលចិត្តចែករំលែកបទពិសោធន៍ដល់អ្នកដ៏ទៃ។​​

សៀវភៅប្រវត្តិសាស្រ្ត

អ្នកដែលចូលចិត្តអានសៀវភោប្រវត្តិសាស្រ្ត នោះគឺជាមនុស្សដែលមានភាពហ្មត់ចត់ ចូលចិត្តពិចារណាវែងឆ្ងាយ លើរឿងផ្សេងៗយ៉ាងស៊ីជម្រៅ ។ ទោះបីជាមនុស្សឈ្លក់វង្វេងលើខ្លួនឯងខ្លះក៏ដោយ ក៏គេជាមនុស្សចូលចិត្តស្រាវជ្រាវរុករក និងដើរកម្សាន្ត ។ បុគ្កលនេះមោះមុតនឹងការងារ ចូលចិត្តសិក្សារៀនសូត្រ តែច្រើនជាមនុស្សមិនចូលចិត្តលេងសើច។

សៀវភៅបែបស៊ើបអង្កេត

អ្នកដែលចូលចិត្តអានសៀវភៅប្រភេទនេះ បញ្ជាក់ថាគេជាមនុស្សឈ្លាសវៃ ហ៊ានស៊ី ហ៊ានសង ចូលចិត្តផ្សងព្រេង មិនខ្លាចការផ្លាស់ប្តូរ អាចប្រឈមមុខនឹងបញ្ហាបានប្រកបដោយសតិបញ្ញា។ អ្នកដែលចូលចិត្តអានសៀវភៅប្រភេទស៊ើបអង្កេត ដូចជារឿង ឃាតកម្ម​ ឬឧក្រិដ្ឋកម្ម ច្រើនតែចាប់អារម្មណ៍ទៅលើរឿងអាថ៌កំបាំង និងភាគច្រើន គឺជាមនុស្សឆាប់ធុញថប់ ចូលចិត្តរឿងរំភើបញាប់ញ័រ  ពូកែគិត ពូកែស្រមៃ និងចង់ដឹងចង់ឮគ្រប់រឿង។

សៀវភៅទស្សនវិជ្ជានិងសាសនា

ប្រសិនបើបុគ្គលណាមួយចូលចិត្តអានសៀវភៅទស្សនវិជ្ជាឬសាសនា នោះយើងអាចទាយបានថា គេជាមនុស្សមាននិស្ស័យសុភាពរាបសា ទោះបីជាចចេសបន្តិចក៏ដោយ ក៏ជឿជាក់លើខ្លួនឯង តែក៏មិនមែនជាប្រភេទមនុស្សដែលឆេវឆាវនោះដែរ។ មនុស្សដែលចូលចិត្តអានសៀវភៅប្រភេទទាំងពីរ ខាងលើនេះគឺជាមនុស្សឆាប់យល់ពីអារម្មណ៍អ្នកដ៏ទៃ តែងតែអភ័យទោសឲ្យគេជានិច្ច ជាពិសេសយល់ព្រមធ្វើជាទីប្រឹក្សាផ្តល់គំនិតល្អៗ ដល់មនុស្សដែលនៅជុំវិញខ្លួន ហើយអ្វីដែលកាន់តែពិសេសជាងនេះទៅទៀត ជាមនុស្សដែលអ្នកដ៏ទៃគោរពរាប់អាន៕

ប្រែសម្រួល៖ សន្យា

ចុចអាន៖ ស្ថានភាពសណ្ដាប់​ធ្នាប់​ក្នុង​ផ្ទះ​ក៏​អាច​បញ្ជាក់​​ពី​កម្រិត​​ជំងឺ​ផ្លូវ​ចិត្ត​​របស់​មនុស្ស

ចុចអាន៖ តាមពិតប្រវែងសក់ បង្ហាញពី​ចរិតលក្ខណៈទៀត?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ នាទី មុន

តើការវាយប្រហារភេរវកម្មនៅ រុស្ស៊ី ជាស្នាដៃរបស់លោក Zelensky មែនឬ?

ព័ត៌មានជាតិ៧ នាទី មុន

រដ្ឋបាលខេត្តព្រះវិហារ បដិសេធការផ្សាយថា ពលរដ្ឋរត់ទៅពួនក្នុងព្រៃដើម្បីគេចពីការចាប់ខ្លួនពីអាជ្ញាធរខេត្ត

ព័ត៌មានជាតិ១១ នាទី មុន

ជួបការ​រាំងស្ងួតយ៉ាងណា តំបន់អូរជាំនៅតែមានប្រភពទឹកធម្មជាតិទ្រទ្រង់លើភូមិចំនួន ៤ ធ្វើកសិកម្មពេញមួយឆ្នាំ

ជីវិតកម្សាន្ដ២៧ នាទី មុន

ផ្ទុះការវែកញែក ក្រោយ ឯម រៀម បង្ហាញ ៣ ចំណុច គួរចៀសវាង ក្នុងពិធីអាពាហ៍ពិពាហ៍

ព័ត៌មានជាតិ៣៧ នាទី មុន

ក្រសួងមហាផ្ទៃ បើកសិក្ខាសាលាពិគ្រោះយោបល់ លើសេចក្តីព្រាងច្បាប់ស្តីពីបទល្មើសបច្ចេកវិទ្យាព័ត៌មាន

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម