KPT+

គ្មានទេអារម្មណ៍ឯកា បើចេះតិចនិក ៤យ៉ាងនេះ

បានផុស

៣ years មុន

នៅ

ថ្ងៃចន្ទ ៩ សីហា ២០២១

ដោយ

គ្នាយើងខ្លះតែងនិយាយថាឯកាណាស់នៅតែម្នាក់ឯង ហើយអ្នកខ្លះទៀតថានៅម្នាក់ឯងក៏មិនស្លាប់ដែរ។ ជាការពិតទោះបីជាពេលខ្លះយើងមើលទៅឯកាបន្តិចមែន ព្រោះតែនៅម្នាក់ឯង តែនេះមិនមែនមានន័យថាយើងជាមនុស្សឯកោ ឬត្រូវរស់នៅជាមួយអារម្មណ៍ឯកានោះដែរ។ ខាងក្រោមនេះជាតិចនិកមួយចំនួនជួយគ្នាយើងដោះស្រាយបញ្ហាអារម្មណ៍ឯកាមួយនេះ។

១. ស្វែងយល់ពីអារម្មណ៍ខ្លួនឯង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យើងគ្រប់គ្នាមិនថាអ្នកមានគ្នា ឬអត់គ្នាទេសុទ្ធតែអាចជួបអារម្មណ៍សោកសៅ ឬឯកានៅពេលណាមួយដែរ។ អ៊ីចឹងហើយបានជាមានការណែនាំថាយើងគួរចេះស្វែងយល់ពីអារម្មណ៍ខ្លួនឯងឲ្យបានច្រើន។

អ្នកជំនាញចិត្តសាស្រ្តណែនាំថាយើងគួរទុកចន្លោះខ្លះសម្រាប់ខ្លួនឯង ដើម្បីបានគិតគូពិចារណារកហេតុផលដោះស្រាយបញ្ហាដែលធ្វើឲ្យយើងមានអារម្មណ៍ឯកា និងដឹងថាអារម្មណ៍មួយនេះបានប៉ះពាល់បែបណាទៅនឹងជីវិតប្រចាំថ្ងៃរបស់យើង។ ការចេះកត់សម្គាល់ និងតាមដានដឹងពីអារម្មណ៍ និងឥរិយាបទរបស់យើងផ្ទាល់ នឹងជួយយើងយកឈ្នះលើស្ថានភាពបែបនេះបាន។

២. បញ្ចេញកម្លាំងកាយ

Asian Woman Watering Plants at Home by dolgachov | VideoHive

ការហាត់ប្រាណពិតជាមានសារៈសំខាន់ណាស់សម្រាប់សុខភាពផ្លូវកាយ និងផ្លូវចិត្តរបស់យើង។ ការសិក្សាកន្លងៗមករកឃើញថាការហាត់ប្រាណអាចជួយព្យាបាលអាការៈបាក់ទឹកចិត្តរយៈពេលយូរបាន។ អ្នកចិត្តសាស្រ្តអះអាងថាការហាត់ប្រាណជាវិធីល្អបំផុតមួយជួយប្រឆាំងនឹងអារម្មណ៍សោកសៅ និងជួយឲ្យមានអារម្មណ៍ល្អឡើងវិញ។

៣. ចូលរួមការងារស្ម័គ្រចិត្ត

Selective focus of asian volunteer girl giving books to man in charity center Free Stock Photo and Image

ការងារស្ម័គ្រចិត្តនឹងជួយយើងឲ្យបានស្គាល់ និងជួបមនុស្សជាច្រើន ដែលថានេះអាចនឹងជួយរកឃើញន័យរបស់ជីវិត និងថែមទាំងបានជួយដល់អ្នកផ្សេងផង។ ការងារស្ម័គ្រចិត្ត យើងអាចធ្វើបាននៅតាមសហគមន៍ជួយដល់បរិស្ថាន ឬ មនុស្សចាស់ជាដើម។

៤. ដកខ្លួនខ្លះពីបណ្ដាញសង្គម

ថ្វីបើបណ្ដាញសង្គមត្រូវគេជឿថាបានភ្ជាប់ទំនាន់ទំនងមនុស្សក្នុងសង្គមក៏ពិតមែន តែការសិក្សាបានរកឃើញថាបណ្ដាញសង្គមផ្ដល់ផលអវិជ្ជមានផ្នែកផ្លូវចិត្តច្រើនជាងផលល្អ។ បើគ្នាយើងគិតថាខ្លួនឯងឯកា គួរទម្លាក់ទូរសព្ទចុះឈប់បើកហ្វេសប៊ុក ឬInstagram ហើយងាកមកអានសៀវភៅ ដើរលេងក្រៅផ្ទះ ឬមើលភាពយន្តកម្សាន្តចិត្តវិញទើបជាការល្អ។

គ្នាយើងត្រូវចាំថាបើមិនចង់ឲ្យកើតមានអារម្មណ៍ឯកា យើងមិនត្រូវផ្ដាច់ខ្លួនឲ្យនៅតែឯងនោះទេ ព្រោះថាបើយើងនៅតែឯងយើងនឹងមានអារម្មណ៍ឯកា ដូចគ្នាដែរអ្នកមានអារម្មណ៍ឯកាច្រើនចូលចិត្តនៅម្នាក់ឯង។ អ្វីទាំងនេះនឹងធ្វើឲ្យយើងកើតមានអារម្មណ៍តានតឹងមិនខាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ៥ យ៉ាង ជួយបំបាត់អារម្មណ៍ឯកាពេលយើងនៅផ្ទះម្នាក់ឯងយូរពេក

ចុចអាន៖ ស្រីៗចេះតិចនិកទាំង៧ នេះ គ្មានឡើយពាក្យថាស្រ្តេស