ចង់ឱ្យកូនជោគជ័យ មានអនាគតល្អ ឪពុកម្ដាយត្រូវធ្វើរឿង ៥យ៉ាងនេះ តាំងពីកូននៅតូច
Connect with us
Helistar Cambodia - Helicopter Charter Services

KPT+

ចង់ឱ្យកូនជោគជ័យ មានអនាគតល្អ ឪពុកម្ដាយត្រូវធ្វើរឿង ៥យ៉ាងនេះ តាំងពីកូននៅតូច

បានផុស

នៅ

ចិញ្ចឹមកូនឱ្យធំដឹងក្តីគឺស្រួលទេ តែបើចង់ចិញ្ចឹមកូនឱ្យក្លាយជាបុគ្គល​ជោគ​ជ័យនាពេល​អនាគត​ទើប​ជារឿងពិបាក។ ក្មេងៗមានសមត្ថភាពខុសៗគ្នាតាំងពីកំណើត យ៉ាងណាមិញមានវិធីដែល​ម៉ាក់ប៉ា​អាច​ជំរុញខួរក្បាលកូនៗ និងប្រើ​ព្រឹត្តិការណ៍​ប្រចាំថ្ងៃបង្រៀនកូនតាំងពីតូចៗ ដើម្បីឱ្យកូន​ៗធំ​ឡើង​ដោយរីករាយ និងមានអានាគតល្អ។

លោក Carlota Nelson អ្នកដឹកនាំភាពយន្តឯកសារខួរក្បាល (Brain Matters) បានលើកឡើងពី​គន្លឹះ​ងាយៗ មានប្រសិទ្ធភាព និងផ្អែក​លើ​វិទ្យាសាស្ត្រចំនួន ៥ ដែលនឹងបង្ហាត់បង្ហាញ​ផ្លូវប៉ាម៉ាក់​ឱ្យ​ជួយ​កូន​ៗឱ្យក្លាយជាបុគ្គលជោគជ័យនាពេលអនាគត។

១. ជំរុញឱ្យទារកនិយាយ

សំឡេង និងកាយវិការទារកជាវិធីតែមួយគត់ដែលពួកគេអាចធ្វើការទំនាក់​ទំនងជាមួយមនុស្សធំ។ តាម​ការសិក្សាបានឱ្យដឹងថា ប៉ាម៉ាក់គួរឆ្លើយ​តបទៅនឹងសំឡេង និងកាយវិការរបស់ទារក ព្រោះ​សំឡេង​ដែលទារកបញ្ចេញនឹងកំណត់ពីចំនួនពាក្យដែលអាអូនចេះនៅអាយុ ២ ឆ្នាំ និងកម្រិត​ការ​អាន​របស់អូនតូចនៅពេលក្រោយ។

២. ឧស្សាហ៍អានឱ្យអូនតូចស្តាប់ដើម្បីឱ្យអូនតូចរីកចម្រើនផ្នែកភាសា

Asian Pacific Islander Books for Kids | YMCA of Greater Seattle

នៅអាយុ ៣ ខែទារកអាចបែងចែកសំឡេងបានហើយ។ រាល់ពេលប៉ាម៉ាក់​អាន​ឱ្យកូនស្តាប់ ប៉ាម៉ាក់​បានបង្រៀនជំនាញភាសាដល់អូនតូចហើយ។ ពេល​អានសៀវភៅឱ្យអូនតូចស្តាប់ ប៉ាម៉ាក់អាច​ចង្អុល​ទៅរូបភាពនៅក្នុងសៀវភៅ និងសួរសំណួរអំពីសាច់រឿង និងតួអង្គដូចជា “ រូបនេះ​មានពណ៌​អី?” ឬ “មានសត្វចាបប៉ុន្មានក្បាល?” ។ ការអានឱ្យកូនៗ​ស្តាប់មិនត្រឹមតែបង្រៀន​កូនៗនូវពាក្យថ្មីៗ​ប៉ុណ្ណោះទេ ប៉ុន្តែប៉ាម៉ាក់ថែមទាំងបង្រៀនអូនតូច​ឱ្យស្រឡាញ់សៀវភៅ និងការអានទៀតផង។

៣. ប្រើព្រឹត្តិការណ៍ប្រចាំថ្ងៃដើម្បីបង្រៀនអាអូន

Cute Asian Children Reading a Stock Footage Video (100% Royalty-free)  31650541 | Shutterstock

ប៉ាម៉ាក់អាចបង្រៀនអូចតូចតាមរយៈសកម្មភាពប្រចាំថ្ងៃដូចជាពេលងូតទឹក ពេលស្លៀកពាក់ ពេល​បត់ខោអាវ ពេលលាងបន្លែ ពេលចម្អិនម្ហូប។ល។ ដោយរៀបរាប់ពី​អ្វីដែលប៉ាម៉ាក់​កំពុងធ្វើដើម្បី​ជំរុញ​ភាសាដល់កូន ឬរាប់ចំនួនខោអាវដើម្បីបង្រៀនគណិតវិទ្យា ឬរៀបរាប់ពីគ្រឿងផ្សំ​អាហារដើម្បី​លើក​កម្ពស់​ការគិតបែបវិទ្យាសាស្ត្រ។ ម៉ាក់ប៉ាក៏អាច​ធ្វើទឹកមុខខុសៗ​គ្នាដើម្បី​បង្រៀនពីអារម្មណ៍​ខុសៗគ្នា​ដល់អូនតូចដែរ ។

៤. បង្រៀនអូនតូចលេង

នៅពេលអូនតូចលេង អូនតូចកំពុងរៀន និងបង្កើតជំនាញជីវិតដ៏សំខាន់​។ ការលេងធ្វើឱ្យអូនតូច ចេះ​យល់ពីអារម្មណ៍អ្នកដទៃ និងរៀនចុះសម្រុងជាមួយក្មេងដទៃទៀត ។ ប៉ាម៉ាក់អាចបង្រៀន​អាអូន​ឱ្យលេងរបៀបគិតស្រមៃដោយសេរី ឧទាហណ៍ រថភ្លើងអាចហោះ​នៅលើអាកាស​ដើម្បីបង្កើត​​គំនិត​ច្នៃប្រឌិត និងការប្រើពាក្យ​ពេចន៍​ក្នុងការបញ្ចេញគំនិតរបស់​អូនតូច។ នៅពេលអូនតូច​ស្រមៃ​មើល​ពិភពថ្មី អូនតូចកំពុងរៀនដោះស្រាយ​បញ្ហា និងបង្កើតលទ្ធភាពថ្មីៗ។

៥. ធ្វើជាគំរូល្អដល់កូន

Reading aloud to kids: Cognitive benefits | Parenthub

កេ្មងៗងាយនឹងចម្លងតាមអ្វីៗដែលពួកគេឃើញ និងឮណាស់។ តាមរយៈការ​មើលភាសា​កាយវិការ​របស់ប៉ាម៉ាក់ សម្តីសំដៅ របៀបដែលប៉ាម៉ាក់ធ្វើចំពោះ​អ្នកដទៃ ឬរបៀបដែល​ប៉ាម៉ាក់មាន​ប្រតិកម្ម​ទៅ​នឹង ឬ​ដោះស្រាយបញ្ហាអ្វីមួយ អូនតូចនឹងចម្លងតាមអាកប្បកិរិយា និងសកម្មភាព​ទាំងនោះ​ដោយ​ខ្លួន​ឯង។ សកម្មភាព​ដែលប៉ាម៉ាក់ធ្វើនឹងធ្វើឱ្យអូនតូចក្លាយជាមនុស្សបែបនោះនាពេលអានាគត។

ប៉ាម៉ាក់គួរចំណាយពេលជាមួយកូនៗ និងបញ្ចូលសកម្មភាពទាំង ៥ នេះទៅក្នុងជីវិតប្រចាំថ្ងៃរហូត​អូន​តូចដើម្បីជួយអភិវឌ្ឍខួរក្បាល និងការលូតលាស់របស់កូនៗប្រកបដោយប្រសិទ្ធភាព៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កូនឆ្លាត ឬមិនឆ្លាត អាស្រ័យលើកត្តាទាំងនេះ

ចុចអាន៖ ទំនួលខុសត្រូវរបស់ “ឪពុក” មិនមែនមានត្រឹមតែសមត្ថភាពរកប្រាក់នោះទេ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

កម្ពុជា​ទទួល​ដែក​រ៉ៃ​ និង កំណល់​បេតុង​ផ្លូវ​រថភ្លើង​ ដែល​ជា​ជំនួយឥតសំណង​របស់​រាជរដ្ឋាភិបាល​ថៃ​ជាង​៤ ម៉ឺន​តោន

ព័ត៌មានជាតិ១ ម៉ោង មុន

រយៈ​៩​ខែ​ឆ្នាំ​២០២១ មាន​ជនរងគ្រោះ​ដោយសារ​មីន​ស្លាប់ ១០​នាក់​,​របួស​១៨​នាក់​និង​ពិការ​ចំនួន​៦​នាក់

ព័ត៌មានជាតិ៣ ម៉ោង មុន

ប្រគល់​រថយន្ត ២២៩​គ្រឿង ជូន​ម្ចាស់​វិញ​ដោយ​យោង​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​តេ​ជោ ហ៊ុន សែន

ព័ត៌មានជាតិ៣ ម៉ោង មុន

ក្រសួង​សេដ្ឋកិច្ច​បាន​ចុះ​ហត្ថលេខា​ជាមួយ​វិទ្យាស្ថាន​នគរូបនីយកម្ម​និង​ឌី​សាញ​ស៊ិន​ជិន​រៀបចំ​ផែនការមេ​អភិវឌ្ឍន៍​ខេត្ត​ព្រះសីហនុ

ព័ត៌មានជាតិ៥ ម៉ោង មុន

អតីត​យុទ្ធជន​ពិការ​ដោយសារ​សង្គ្រាម​១២​គ្រួសារ ​ទទួល​អំណោយ​ឯកឧត្តម​បណ្ឌិត ហ៊ុន ម៉ា​ណែត និង​លោកជំទាវ ពេ​ជ ចន្ទ​មុន្នី

Sokha Hotels

ព័ត៌មានពេញនិយម

Helistar Cambodia - Helicopter Charter Services