Connect with us

KPT+

រដូវភ្លៀងរន្ទះកាចណាស់ ត្រូវចេះប្រយ័ត្នប្រយែង អាចអនុវត្តតាមតិចនិកទាំងនេះបាន

បានផុស

នៅ

រដូវភ្លៀងចូលមកដល់ ក្រៅពីងាយធ្វើឲ្យយើងឈឺ បញ្ហារន្ទះបាញ់ក៏គួរឲ្យបារម្ភដូចគ្នា​ ជាពិសេសគ្នាយើង ដែលប្រកប​របរ​តាមដងផ្លូវ ឬកំពុងធ្វើដំណើរ ឬកិច្ចការអ្វីមួយអំឡុងពេលមេឃភ្លៀង។ តាមអបិយជំនឿ រន្ធះបាញ់ចាស់ៗថា ដោយសារពាក្យស្បថស្បែរ ឬមនុស្សមានបាប ប៉ុន្តែវិទ្យាសាស្ត្ររកឃើញថា រន្ទះបាញ់ជាបាតុភូតធម្មជាតិ ពាក់ព័ន្ធជាមួយទំនាញផែនដី មិនមែនរឿងបុណ្យ​បាបទេ។ គ្នាយើងអំឡុងពេលនេះ សុទ្ធតែប្រឈមហានិភ័យ ហេតុនេះគួរចេះតិចនិកការពារដូចខាងក្រោម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- អ្វីគ្នាយើងគួរដឹងពេលមានផ្គររន្ទះ

នៅបរិវេណខាងក្រៅទាំងអស់ សុទ្ធតែគ្មានសុវត្ថិភាព នៅពេលដែលតំបន់នោះកំពុងតែបានផ្គររន្ទះ។ បើគ្នាយើងឮសំឡេងផ្គររន្ទះកើតមានក្បែរខ្លួន សុទ្ធតែប្រឈមហានិភ័យរន្ទះបាញ់កាន់តែខ្ពស់។ នៅពេលយើង​ឮសំឡេងផ្គរ ត្រូវឆាប់រត់រកកន្លែងជ្រក​ ឬជំរកសុវត្ថិភាពឲ្យបានលឿនបំផុត ដោយ​ត្រូវពួននៅកន្លែងមានសុវត្ថិភាពយ៉ាងហោចណាស់ ៣០នាទី ក្រោយឮសំឡេងផ្គររន្ទះ។

២- រក្សាសុវត្ថិភាពពីរន្ទះអំឡុងពេលនៅក្នុងផ្ទះ

យើង​ត្រូវនៅឲ្យឆ្ងាយពីទូរសព្ទ កុំព្យុទ័រ និងឧបករណ៍អគ្គិសនីផ្សេងទៀត ដែលអាចមានទំនាក់ទំនងផ្ទាល់ជាមួយចរន្តអគ្គិសនីដែលជាកត្តាទាក់ទាញរន្ទះបាន។ ក្រៅពីនេះ​យើង​ក៏​ត្រូវ​នៅឲ្យឆ្ងាយពីប្រព័ន្ធទឹក រាប់បញ្ចូលទាំងទុយោទឹក ធុងស្តុកទឹក បន្ទប់ទឹក និងម៉ាស៊ីនបូមទឹកដូចគ្នា និង​ត្រូវ​ចេញឲ្យឆ្ងាយពីបង្អួច ទ្វារ និងរានហាលខាងក្រៅ។ យើង​គួរដក​ឌុយ​ភ្លើង ទូរទស្សន៍ ទូរស័ព្ទ កង្ហា និង​គ្រឿង​អេឡិកត្រូនិក​ផ្សេងៗ ចាំបាច់​ត្រូវ​តែ​ដក​ចេញ​ចម្ងាយ ១ ម៉ែត្រ​ពី​ប្រភព​ចរន្ត​អគ្គិសនី។

៣- វិធីកាត់បន្ថយហានិភ័យរន្ទះបាញ់អំឡុងពេលកំពុងស្ថិតនៅខាងក្រៅ

ក្នុងករណីគ្នាយើងកំពុងស្ថិតនៅបរិវេណខាងក្រៅ គ្មានកន្លែងសុវត្ថិភាពក្បែរនោះ ក៏អាចធ្វើតាមតិចនិកទាំងនេះដើម្បីកាត់បន្ថយហានិភ័យរន្ទះបាញ់បានដូចគ្នា។

– ប្រញាប់ចាកចេញពីតំបន់ខ្ពង់រាប មានដូចជា ទីទួល តំបន់ភ្នំ ឬកំពូលភ្នំតែម្តង។
– ហាមដាច់ខាតកុំក្រាបទៅលើដីឲ្យសោះ។
– ហាមដាច់ខាតមិនត្រូវជ្រកដោយដើមឈើនោះឡើយ។
– ក៏មិនត្រូវជ្រកក្រោមផ្ទាំងថ្ម ឬថ្មចោតដែរ ព្រោះអាចបាក់សង្កត់ឬរអិលធ្លាក់មកលើយើង។
– ត្រូវរត់ឲ្យឆ្ងាយពីថ្លុកត្រពាំង បឹងបួរ និងកន្លែងផ្សេងទៀតដែលមានដក់ ឬស្តុកទឹក។
– ចេញឲ្យឆ្ងាយពីកន្លែងអាចចម្លងចរន្តអគ្គិសនីបាន មានដូចជា លួសបន្លា ខ្សែភ្លើង នឹងម៉ាស៊ីនផ្សេងៗ។

– ត្រូវបន្ទន់ខ្លួនបើ​សិន​ជា​ពេល​ភ្លៀង​ធ្លាក់ មាន​ផ្លេក​បន្ទោរ ផ្គរ ឬរន្ទះ តែ​ចៃដន្យ​យើង​នៅ​ខាង​ក្រៅ ឬ​នៅ​ក្រោម​បង្គោល​ភ្លើង​នោះ ត្រូវ​ប្រញាប់​បន្ទន់​ខ្លួន ដោយ​បញ្ឈរ​ជង្គង់​ទាំង​២​ជិត​គ្នា និង​យក​ដៃ​ខ្ទប់​ត្រចៀក​ទាំង​សង​ខាង។

– ត្រូវ​រត់​ចេញ​ពី​ទឹក ឬ​ស្រែ នៅ​ទី​វាល​ដែល​គ្មាន​ដើមឈើ ពិសេស​វាល​ស្រែ​ងាយ​នឹង​មាន​រន្ទះ​បាញ់​ណាស់ ដូច្នេះ​បើ​យើង​កំពុង​ស្ថិត​នៅ​ទីនោះ ត្រូវ​រត់​ចេញ​ពី​ទឹក ឬ​ស្រែ​ជា​បន្ទាន់ ទើប​មិន​គ្រោះថ្នាក់​ដល់​ជីវិត៕

ចុចអាន៖គន្លឹះ​ថែទាំ​សម្រស់​ទាំង​៣ បញ្ចៀស​ការ​កើត​មុន​នៅ​រដូវ​ភ្លៀង

ចុចអាន៖ផឹកទឹកភ្លៀងមានគុណប្រយោជន៍ និងប៉ះពាល់អីខ្លះ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

ព័ត៌មានជាតិ១ ម៉ោង មុន

តោះ! មក​ស្វែង​យល់ដំណាំ​កសិកម្ម​សំខាន់ៗ​របស់​កម្ពុជា ទ្រទ្រង់កំណើន​ការ​នាំ​ចេញ

សេដ្ឋកិច្ច៣ ម៉ោង មុន

មរតកបសេដ្ឋ៖ ប្រែក្លាយតំបន់ចងគោរបស់កសិករ ទៅជាកន្លែងកសិទេសចរណ៍​

ព័ត៌មានជាតិ៣ ម៉ោង មុន

កម្ពុជា ថ្កោលទោសចំពោះការវាយប្រហារភេរវកម្ម នៅសាលមហោស្រពនាទីក្រុងមូស្គូ ប្រទេសរុស្ស៊ី

ព័ត៌មានជាតិ៤ ម៉ោង មុន

សម្ដេច ហ៊ុន ម៉ាណែត អំពាវនាវដល់តួអង្គពាក់ព័ន្ធបន្តសហការគ្នាអនុវត្តឯកសារគតិយុត្តគោល ទាក់ទងនឹងវិទ្យាសាស្រ្ដ បច្ចេកវិទ្យា និងនវានុវត្តន៍

Sokha Hotels

ព័ត៌មានពេញនិយម