KPT+
ស្មុគស្មាញ មិនសប្បាយចិត្ត ញ៉ាំអាហារបីមុខនេះ រីករាយវិញហើយ!
លើលោកនេះ គ្មានអាហារទិព្វណា ជួយឲ្យយើងជីវិតអមត ឬចង់បានរាងស្អាត ស្អាតភ្លាមៗនោះទេ។ ប៉ុន្តែអាហារមួយចំនួន គឺអាចជួយឲ្យយើងសប្បាយចិត្ត ពេលកំពុងស្មុគស្មាញ ឬមិនសប្បាយចិត្តរឿងអ្វីមួយ ដោយការសិក្សាជាច្រើនបញ្ជាក់ថា មានអាហារមួយអាចឲ្យយើងមានអារម្មណ៍រីករាយ ពេលយើងរីករាយ ធូរអារម្មណ៍ ក៏ធ្វើឲ្យជីវិតរស់បានយូរអង្វែងដូចគ្នា។ អត្ថបទនេះនឹងប្រាប់អាហារ ៣ប្រភេទ ជួយយើងសប្បាយចិត្តឡើយវិញ។
១- សូកូឡាខ្មៅ
សូកូឡាខ្មៅ ពោរពេញទៅដោយសារធាតុប្រឆាំងអុកស៊ីតកម្ម អាចបន្ធូរសរសៃឈាម រក្សាសម្ពាធឈាមឲ្យនៅក្នុងកម្រិតល្អ និងជួយដល់ចរន្តឈាមរត់ទៀតផង។ មានការសិក្សាមួយរកឃើញថា ញ៉ាំសូកូឡាខ្មៅប្រមាណ ៤២,៥ ក្រាមជារៀងរាល់ថ្ងៃ រយៈពេល ២ សប្តាហ៍ជាប់គ្នា អាចជួយកាត់បន្ថយអ័រម៉ូនស្ត្រេសក្នុងខ្លួន ចំពោះគ្នាយើងឧស្សាហ៍ស្រ្តេស បានយ៉ាងច្រើន។ លើសពីនេះ សូកូឡាខ្មៅ ក៏មានសារធាតុម៉ាញ៉េស្យូម ជួយបន្ថយអាការៈពេលមករដូវទៀតផង ដូចជា អស់កម្លាំង ពិបាកចិត្ត និងថប់បារម្ភ។ លើសពីនេះ សារធាតុពីធម្មជាតិម្យ៉ាងមានក្នុងសូកូឡាខ្មៅ អាចជួយឲ្យខួរក្បាលមានអារម្មណ៍ល្អ ដូចនឹងអារម្មណ៍ត្រូវបានគេស្រឡាញ់អ៊ីចឹង។
២- ផ្សិត
ផ្សិត ក៏ត្រូវបានគេចាត់ទុកជាអាហារពិសេសដូចគ្នា ដោយសារសម្បូរសារធាតុចិញ្ចឹម និងការជួយផ្ចង់អារម្មណ៍។ ផ្សិត សម្បូរសារធាតុសេលេញ៉ូម ដែលពេលខ្វះសារធាតុនេះ អាចធ្វើឲ្យយើងប្រឈមបញ្ហាបាក់ទឹកចិត្ត ថប់បារម្ភ និងអស់កម្លាំង។ ផ្សិត ក៏មានផ្ទុកវីតាមីន D ហើយការសិក្សាមួយបញ្ជាក់ថា ផ្សិត អាចជួយឲ្យអារម្មណ៍មិនល្អតាមរដូវរបស់យើង បានធូរស្រាលផងដែរ។ ដើម្បីបង្កើនវីតាមីន D ជួយធ្វើឲ្យឆ្អឹងលូតលាស់បានល្អ គួរញ៉ាំម្ហូបចម្អិនពីផ្សិតឲ្យបានច្រើន។
៣- កាហ្វេ
គ្នាយើងមួយចំនួន ចូលចិត្តផឹកកាហ្វេ អាចនឹងមួម៉ៅពេលខ្លះ តែវិទ្យាសាស្រ្តបញ្ជាក់ថា ញ៉ាំជាតិកាហ្វេអ៊ីនជាប់ជាប្រចាំ មានគុណប្រយោជន៍ចំពោះយើង។ ផឹកកាហ្វេនៅពេលព្រឹក ជួយឲ្យមានថាមពល អារម្មណ៍ស្រស់ស្រាយ និងរីករាយ អាចផឹកជាមួយមិត្តភក្តិ និងមិត្តរួមការងារ កាន់តែជួយឲ្យទំនាក់ទំនងយើង ជិតស្និទ្ធគ្នា និងរីករាយ មួយកម្រិតទៀត ពិសេសពេលក្រេបរសជាតិកាហ្វេតិចៗ ជួយអោយអារម្មណ៍មិនឆេវឆាវ ស្ងប់ និងរីករាយ។ ការសិក្សារបស់សមាគមសារព័ត៌មានវេជ្ជសាស្ត្រអាមេរិក ហៅកាត់ JAMA បង្ហាញថា ស្រីៗផឹកកាហ្វេ ២-៣ ពែងក្នុងមួយថ្ងៃ ជួយកាត់បន្ថយការប្រឈម ជំងឺបាក់ទឹកចិត្ត បានដល់ទៅ ១៥% ឯណោះ ក្នុងអំឡុងពេល ១០ឆ្នាំ បើប្រៀបធៀបនឹងស្រីៗផឹកត្រឹមមួយពែង ក្នុងមួយថ្ងៃ ឬតិចជាងនេះ។
អាហារយើងញ៉ាំ មានឥទ្ធិពលយ៉ាងធំធេងលើអារម្មណ៍ និងរាងកាយយើង ជំរុញឲ្យមានភាពរីករាយ ស័ក្តិសមសម្រាប់ពេលយើងមានអារម្មណ៍មិនល្អ។ តែសម្រាប់សុខភាពយូរអង្វែង គួរគិតពីលំនឹង និងបរិមាណរបបអាហារយើងញ៉ាំប្រចាំថ្ងៃ ជាជាងអាហារវេទមន្ត៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ៦ ក្បាច់ ជួយបង្កើនកម្លាំងក្នុងខ្លួន អត់ខ្ចីផឹកភេសជ្ជៈប៉ូវកម្លាំងនាំខូចសុខភាព
ចុចអាន៖ ឈឺចាប់ខ្លាំង មានគំនិតចង់សម្លាប់ខ្លួន សូមសាកល្បងវិធីសាស្រ្តទាំង ៥នេះ
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)