KPT+

បួនចំណុច កសាងបុគ្គលិកលក្ខណៈថ្មី

បានផុស

៣ years មុន

នៅ

ថ្ងៃអង្គារ ៧ កញ្ញា ២០២១

ដោយ

សម្រាប់ខ្ញុំជាអ្នកនិពន្ធម្នាក់ ខ្ញុំមានវិធីសាស្ត្រខ្លះជួយខ្លួនឯងឲ្យមានអំណរក្នុងជីវិត មានភាពស្វាហាប់នៅព្រឹកនីមួយៗ និងមានសេចក្តីសង្ឃឹមរាល់ពេលចូលដំណេក។

១ រកមើលចំណុចល្អជាជាងចំណុចអន់ថយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សយើង ទោះកំពុងរស់នៅក្នុងជីវិតស្រស់ស្អាតរួចទៅហើយ នៅតែមិនសប្បាយចិត្ត ដោយសារការប្រៀបធៀប ការមិនងាយស្កប់ចិត្ត មិនចេះដឹងគុណចំពោះអ្វីទាំងអស់ដែលខ្លួនកំពុងមាន សូម្បីតែឆ្លងកាត់គ្រាមានសុភមង្គលក៏នៅតែមិនចេះចាប់យករហូតត្រូវរបូតបាត់ទៅលែងវិលវិញ។

២. ព្យាយាមស្គាល់និងយល់ពីខ្លួនឯង

យើងភាគច្រើនបន្ធូរចំពោះខ្លួនឯងហួស ឬក៏តឹងហួស។ ដើម្បីចាប់ផ្តើមដំណើរដ៏អស្ចារ្យនៃការរស់នៅថ្មីប្រកបដោយភាពធូរស្រាល គួរតែព្រមឲ្យខ្លួនឯងខុសខ្លះ ហើយកែលម្អខ្លះជាជំហានៗ ។ យើងគួរបំបាត់ការភ័យខ្លាចនិងអារម្មណ៍អសន្តិសុខ ដែលបង្កឡើងដោយយើងខ្លួនឯង។ ការនេះដំណើរការបាន ប្រសិនយើងមានមនុស្សដែលអាចទុកចិត្តបាននៅក្បែរៗ តែប្រសិនគ្មាន ស៊ូនៅម្នាក់ឯងជាជាងនៅជាមួយជនដែលបង្កតែការភ័យបារម្ភ។

៣ រៀនបន្ថែមជានិច្ច

ហេតុអ្វី? រៀនរហូតឆ្កួតអត់? ខ្ញុំមិនមែនជាអ្នកដែលឧស្សាហ៍ជាងមិត្តអ្នកអានទេ គ្រាន់តែខ្ញុំមានវិន័យ! ការអានការស្តាប់អ្នកដទៃ ការសិក្សាជារៀងដរាប ពិតណាស់ ស្តាប់ទៅគួរឲ្យអស់សំណើច តែដើម្បីមានសមត្ថភាពលូតលាស់និងក្លាយជាមនុស្សប្រសើរជាងម្សិលមិញ សៀវភៅមួយក្បាល ជាឱកាសពិតមែន។

៤ ជឿជាក់ថាមនុស្សអាចផ្លាស់ប្ដូរបាន

ទុកឱកាសឲ្យអ្នកដទៃដូចជាផ្ដល់ឱកាសឲ្យខ្លួនឯងដែរ។ យើងគ្រប់គ្នាមានចំណុចអន់ ចូរកែប្រែវា ហើយឥឡូវនេះខ្ញុំកំពុងព្យាយាមនៅឡើយ។

ប៉ុន្តែការចង់ផ្លាស់ប្ដូរនេះ បានបើកចិត្តគំនិតខ្ញុំឲ្យព្រម បើកទ្វារទទួលយកសភាពជាអ្នកសិក្សាជារៀងរហូត ហើយជាជាងខិតខំប្រឹងប្រែងជាន់កែងរកកំហុសអ្នកដទៃ ខ្ញុំយកពេលនេះមកពង្រីកការយល់ដឹងរបស់ខ្លួនឯង ខ្ញុំវិញ ។

ជាធម្មតា ការរៀនសូត្រអំពីជីវិត គឺមិនដូចជាការអង្គុយជាមួយនឹងសៀវភៅពិជគណិតឬ ការទន្ទេញចាំរូបមន្តដើម្បីទទួលសញ្ញាប័ត្រទេ ក្នុងនាមជាអ្នករៀនមានន័យថា ខ្ញុំប្រើការភ័យខ្លាចមកជាវិញ្ញាសា ហើយព្រមបោះជំហានទៅមុខ ទោះបីជាឃើញមានឧបសគ្គហែហូរនៅតាមផ្លូវ៕

មិនដែលយឺតពេលទេក្នុងការគិតឡើងវិញអំពីជីវិត!

ចុចអាន៖ត្រឹមចេះអភ័យទោសឲ្យអ្នកដទៃ ផ្ដល់ប្រយោជន៍សុខភាពផ្លូវចិត្តខ្លួនឯងយ៉ាងលើសលុប

ចុចអាន៖តើឡានទំនើប ផ្ទះវីឡា ពិតជានាំយើងឲ្យស្ត្រេសបាន?