KPT+
គុណសម្បត្តិ ៣យ៉ាងនៃស្នេហាខុសជំនាន់ ឬរៀបការជាមួយដៃគូអាយុច្រើនជាង
គូស្វាមីភរិយាដែលមានគម្លាតអាយុគ្នាខ្លាំងមិនថាបុរសវ័យច្រើនជាង ឬស្ត្រីវ័យច្រើនជាង អាចជារឿងមិនពេញភ្នែកញាតិនៅក្នុងសង្គម ទាំងក្នុងអតីតកាល និងបច្ចុប្បន្ននេះ។ ជាញឹកញាប់ពួកគេត្រូវប្រឈមនឹងបញ្ហាជាច្រើនរួមមានការមាក់ងាយ ការមិនពេញចិត្តពីសង្គម ឬខ្វះការគាំទ្រពីគ្រួសារ និងមិត្តភក្តិជាដើម។
យ៉ាងណាមិញ ស្នេហាគ្មានស្ដង់ដារជាក់លាក់មកកំណត់ឡើយថាត្រូវតែបែបនេះឬបែបនោះ ព្រោះអាពាហ៍ពិពាហ៍ប្រកបដោយសុភមង្គលមិនស្ថិតលើអាយុ ឬទ្រព្យធនមានក្រនោះទេ ស្របពេលដែលគូស្នេហ៍គម្លាតអាយុគ្នាខ្លាំង មិនត្រូវបានគាំទ្រ ប៉ុន្តែអាចនឹងមានគុណសម្បត្តិជាច្រើនដូចជា៖
១. ជួបស្នេហ៍ពិត
ដល់ដំណាក់កាលដែលមនុស្សប្រុសស្រីលែងគិតប្រកាន់វ័យចាស់ឬក្មេង នោះក៏ជាពេលវេលាដែលបញ្ជាក់ថា ម្នាក់ៗមានស្នេហ៍ស្មោះពិតប្រាកដចំពោះគ្នា។ ខាងប្រុសអាចលែងចង់ហក់លោត និងចង់បង្កើតកូន មានគ្រួសារតូចមួយ ខណៈខាងស្រីមិនបានគិតពីទ្រព្យសម្បត្តិជាត្រីមុខ អ៊ីចឹងពួកគេនឹងកាន់តែយល់ពីគ្នា ហើយជួយកសាងសុភមង្គលឱ្យគ្នាទៅវិញទៅមកបាន។
គេក៏បានរកឃើញថា គូស្នេហ៍ខុសវ័យគ្នាឆ្ងាយ មានអត្រាលែងលះគ្នាទាប បើប្រៀបធៀបនឹងគូស្នេហ៍ស្របាលគ្នា។
២. ដៃគូចាស់យល់ពីអ្វីដែលប្តីឬប្រពន្ធក្មេងរបស់ខ្លួនត្រូវការ
មានមនុស្សវ័យចំណាស់ជាដៃគូ អ្នកនឹងទទួលបានការយោគយល់កាន់តែច្រើន ព្រោះគេមិនមែនជាក្មេងឈាមរាវ ឆេវឆាវ និងមានភាពអត់ធ្មត់ខ្ពស់ណាស់។ ម្យ៉ាងដៃគូចាស់តែងយកហេតុផលមកដោះស្រាយបញ្ហា ខណៈដៃគូក្មេងនិយមប្រើអារម្មណ៍មកបង្កជម្លោះបន្ថែមទៅវិញ។
រៀបការជាមួយមនុស្សចាស់ជាង អ្នកមានឱកាស និងពេលវេលាធ្វើអ្វីដែលអ្នកចង់ធ្វើបានច្រើន។ រៀបការជាមួយក្មេងដូចគ្នា ម្នាក់ៗនៅចង់សប្បាយ អាចត្រូវការរៀនសូត្របន្ថែម ត្រូវការពេលវេលាផ្ទាល់ខ្លួនសម្រាប់ចំណង់ចំណូលចិត្ត ឬចំណាប់អារម្មណ៍របស់ខ្លួន ខ្វះពេលឱ្យគ្នា។ ផ្ទុយទៅវិញគូស្នេហ៍ចាស់ មានអាជីពនឹងនរ ក៏ដូចជាមានពេលគ្រប់គ្រាន់ដើម្បីថែទាំអ្នក។
៣. អាពាហ៍ពិពាហ៍មានភាពចម្រុះ
ការដែលមានកម្រិតអាយុខុសគ្នា នឹងមានបទពិសោធន៍ ព្រមទាំងរឿងប្លែកៗគ្នាជាច្រើន ដើម្បីចែករំលែកឱ្យដៃគូ។ លើលោកនេះមានរឿងច្រើនដែលអ្នកមិនចេះ ដូច្នេះគូស្នេហ៍ខុសជំនាន់អាចស្វែងយល់ពីរបៀបរស់នៅរបស់មនុស្សដែលស្ថិតក្នុងវ័យខុសពីគេ និងរៀនសម្របតាមបានងាយ។ ការធំឡើងនៅក្នុងសម័យវប្បធម៌ផ្សេងគ្នា នោះក៏មានរឿងជាច្រើនដែលត្រូវចែករំលែកជាមួយគ្នាដែរ។
ត្រង់ណេះ មិនមែនគូស្នេហ៍ក្មេងមិនអាចចែករំលែក ឬខ្វះសមត្ថភាពជាងគូស្នេហ៍ចាស់នោះទេ ប៉ុន្តែតាមលទ្ធផលនៃការស្ទង់មតិភាគច្រើនដែលចេញផ្សាយដោយវេបសាយ Bright Side បានឱ្យដឹងថា គូស្នេហ៍ខុសជំនាន់មានភាពផ្អែមល្ហែមជាង ទំនាក់ទំនងរឹងមាំជាង និងភាគរយជោគជ័យជាងផងដែរ។
ទោះយ៉ាងណា ស្នេហាគ្មានរូបមន្តទេ សំខាន់ឱ្យតែដៃគូចេះយោគយល់ អត់អោន ស្មោះត្រង់ និងជឿជាក់លើគ្នា នោះសុភមង្គលនឹងមានច្រើនៗមិនខាន៕
ប្រែសម្រួល៖ សន្យា
ចុចអាន៖ មុនសម្រេចចិត្តរៀបការ ផែនការ ៣ចំណុចនេះ ត្រូវគិតគូរទុកឱ្យហើយ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង