KPT+
“កូនទន្សាយ” បង្ហាញហេតុផល ៥ចំណុច ហ្វេនៗមិនគួររំលងស្នាដៃទី២របស់ខ្លួន
ក្រោយចេញលក់ស្នាដៃប្រលោមលោកដំបូងរឿង “កំណត់ហេតុពណ៌ស្វាយ” កំលុងឆ្នាំ ២០២០ ទទួលបានជោគជ័យ និងការគាំទ្រខ្លាំង កាលពីខែមេសា ឆ្នាំ២០២១ កន្លងទៅ អ្នកនិពន្ធ ម៉ៅ ចាន់រស្មី បានបោះពុម្ភផ្សាយស្នាដៃទី២របស់ខ្លួន ដែលជាភាគនិទានបន្តពីសាច់រឿងមុន។
កញ្ញា ម៉ៅ ចាន់រស្មី ដែលហ្វេនៗប្រលោមលោកស្គាល់នាមប៉ាកកាថា កូនទន្សាយ និងត្រូវជាកូនស្រីទោលរបស់ អ្នកស្រី ម៉ៅ សំណាង (ទន្សាយ) បច្ចុប្បន្នមានប្រិយមិត្តគាំទ្រច្រើនឡើងៗ ដោយសារតែសៀវភៅទី១របស់កញ្ញាត្រូវបានទទួលស្គាល់នូវគុណភាព និងទឹកដៃល្អមិនចាញ់ម្ដាយនោះទេ។
ចំណែកសៀវភៅបន្ទាប់ ក្រោមចំណងជើង “កំណត់ហេតុពណ៌ស្វាយ២” ក៏ត្រូវបានប្រិយមិត្តដែលបានអានរួចហើយ កោតសរសើរថាល្អអាន មិនខុសពីស្នាដៃមុនផងដែរ។
បើយោងតាមប្រភពពីផេកហ្វេសប៊ុករបស់ កញ្ញា ម៉ៅ ចាន់រស្មី-កូនទន្សាយ បានបង្ហោះសារដោយបង្ហាញហេតុផល ៥ យ៉ាងចេញពីស្នាដៃថ្មីនេះ ដែលហ្វេនៗមិនគួរខកខានគឺ៖
១. កំណត់ហេតុទី២ សរសេរឡើងដោយ វេហាស៍ វិញម្តង (តួឯកប្រុស)។ ក្នុងភាគ១ សំណេរក្នុងកំណត់ហេតុ ជាការរៀបរាប់របស់តួឯកស្រី វីយ៉ូឡែត។
២. កំណត់ហេតុទី២ បង្ហាញពីជ្រុងម្ខាងទៀតនៃដំណើររឿងទាំងមូលដែល វីយ៉ូឡែត ឬលីឡា និងមិត្តអ្នកអានមិនបានដឹងតាមរយៈភាគ១ឡើយ។
៣. កំណត់ហេតុទី២ នឹងបកស្រាយនូវចម្ងល់ជាច្រើន ដែលមិត្តអ្នកអានមាននៅក្នុងភាគ១។
៤. អនុស្សាវរីយ៍ខ្លះរបស់អ្នកទាំងពីរក្នុងអតីតកាល គឺដកស្រង់ពីរឿងពិតនាទសវត្សរ៍ទី ៦០ ដែលអ្នកនិពន្ធបានដឹងពីអតីតមន្ត្រីរាជការម្នាក់នៅសម័យនោះ។
៥. កំណត់ហេតុទី២ នឹងកាន់តែធ្វើឱ្យប្រិយមិត្តពេញចិត្ត ព្រោះសាច់រឿងនៃតួឯកទាំងពីរកាន់តែផ្អែមល្ហែមជាង កំណត់ហេតុទី១ទៅទៀត។
ចំពោះប្រិយមិត្តដែលបានអានប្រលោមលោក កំណត់ហេតុពណ៌ស្វាយ ភាគ១ ពិតជាបានដឹងច្បាស់នូវសាច់រឿងដ៏ជក់ចិត្ត ពុទ្ធិដ៏មានតម្លៃ និងទឹកដៃនិពន្ធ របស់ កូនទន្សាយ ជាក់ជាមិនខាន។ ដូច្នេះ បើចឹងដឹងភាគ២ ល្អកម្រិតណា ខុសប្លែកពីមុនយ៉ាងណាខ្លះ កុំភ្លេចរកទិញមកអាន ពីបណ្ដាហាងលក់សៀវភៅនានា និងហាងសៀវភៅអនឡាញជាច្រើនផងដែរ៕
អត្ថបទ៖ សន្យា
ចុចអាន៖ បាក់ទឹកចិត្តមែនទេ? សៀវភៅ ៣ ក្បាលនេះអាចជួយសម្រួលភាពស្មុគស្មាញបាន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?